اشعار مذهبی ترکی و فارسی

((وبلاگ نشر اشعار ترکی و فارسی مذهبی))

اشعار مذهبی ترکی و فارسی

((وبلاگ نشر اشعار ترکی و فارسی مذهبی))

اشعار مذهبی ترکی و فارسی

بسمه تعالی
با توکل به خدا و توسل بر چهارده معصوم وبلاگی برای انتشار اشعار مذهبی ایجاد کردم که ذاکران و مداحان و عاشقان بتوانند استفاده کنند و برای حقیر نیز فیضی هر چند اندک عاید شود.کپی کردن اشعار و مطالب این وبلاگ مانعی ندارد.سعی میشود متناسب با هر مناسبت اشعار مربوطه دروبلاگ قرار داده شود.
التماس دعا

تبلیغات
Blog.ir بلاگ، رسانه متخصصین و اهل قلم، استفاده آسان از امکانات وبلاگ نویسی حرفه‌ای، در محیطی نوین، امن و پایدار bayanbox.ir صندوق بیان - تجربه‌ای متفاوت در نشر و نگهداری فایل‌ها، ۳ گیگا بایت فضای پیشرفته رایگان Bayan.ir - بیان، پیشرو در فناوری‌های فضای مجازی ایران

یازوبلار ابوهاشم جعفری

اویارامام غریب عسکری

دیورایستدیم تا ارادت ادم

آقام عسکرینی عیادت ادم

حضورامامه مشرف اولام

بیرآزنقره ده من تبرک آلام

دوزلدم اونیلا بیرانگشتری

کرم اهلیدور حضرت عسکری

حضوره امامه یتیشدیم سریع

اونی گورمگ اولدی منه چون ربیع

دانیشدیم امامیله بیرمدتی

یادیمنان چیخاددیم ولی نیتی

دوروردیم کی ترک ایلیم محضری

منی سسلدی تز آقام عسکری 

بیوردی یادینان چخوبدور سوزون

مگر ایستموردون تبرک اوزون

چیخاتدی الیندن بیر انگشتری

وروبدور منه اول ثمین گوهری

بیوردی منه نقره دی نیتون

آلوبسان ولی سن تمام اجرتون

هم انگشتری ورموشم هم نگین

ایدوبسن نچه فایده سن یقین

بیر آز نقره ایستوردون ای جعفری

آلوبسان هم اجرت هم انگشتری

کرم اهلیدور بس که آل علی

یولاسالماز هئچ موقع خالی الی

دیوم یا امام ابالمنتظر

اولان شیعیه نورحادی عشر

فدایم سنون سامراوه آقا

سنی فاطمه باخ گداوه آقا

منی قبریوه بیرده زواراله

نظرسال آقا دوشموشم مشکله

امام زمانین آتاسی آقا

منور اولان سامراسی آقا

سنون مدحیوی یازمیشام هرزمان

قبول ایله نوکرقالابوکیان

آرش قاسمی

روز مصیبت هشتم ماه ربیع است

روزعزای مهدی رب سمیع است

هرکس بگرید برابالمهدی دراین روز

دریوم محشر فاطمه اوراشفیع است


یابن الحسن صاحب عزا ی این مصیبت(۲)

ای حجت ثانی عشر سرت سلامت(۲)


مولا امام عسکری تحت نظر بود

درسامرا درپادگانی پر خطربود

درغربت وتبعید ودرزندان معتز

چشم انتظار دیدن روی پسربود


تحت فشار ودرحصار معتمد بود

نور دل هادی اسیر مستبد بود

دراختناق ودر میان آن محله

حتی عدو برعصمت اومعتقد بود


شددست اوگاهی به بندکینه بسته 

درکنج زندان مثل بابایش نشسته

درغربت ودور ازمدینه زندگی کرد

قلب تمام شیعیان زین غم شکسته


معتز گهی دعوت نموداورابه دربار

می رفت امام عسکری گاهی به اجبار

باکینه وخشم وجفا ی معتمد هم

هرهفته بر دارالحکومه می شداحضار


مولای ما وقت وداع خیلی جوان بود

خورشید شهر سامرا نور

 جهان بود

درکنج حجره درغریبی جان سپرداو

اما به فکرمهدی صاحب زمان بود


جرمش چه بود از شهر پیغمبر جداشد

مسموم زهر کینه اهل جفاشد

بست ازجهان چشم خودش درشهرغربت

درماتمش غرق مصیبت سامراشد


یابن الحسن العسکری مولا کجایی

درماتم بابای خود صاحب عزایی

شال عزا برگردنت بااشک وناله 

امشب عزادار پدر درسامرایی

آرش قاسمی

غمه باتوبدی سامرا یازهرا یازهرا

مهدی اولوب صاحب عزا یازهرا یازهرا


اوغلون امام عسکری وروب جان وروب جان

مهدیه باخدی گوزلری وروب جان وروب جان

قالدی اورکده اللری  وروب جان وروب جان

سامره اولدی کربلا یازهرا یازهرا


غریب سامرایه سن گل آغلا گل آغلا

بوگونده گل عزایه سن گل آغلا گل آغلا

باخ آی خانیم جفایه سن گل آغلا گل آغلا

معتمد ایلدی جفا یازهرا یازهرا


وردی قوری یراوسته جان بومظلوم بومظلوم

اولدی سنون کیمی جوان بومظلوم بومظلوم

مهدیدن اولدی نگران بومظلوم بومظلوم

ایله بالاسینی دعایازهرا یازهرا


تحت نظرده بوبالان قالوبدی قالوبدی

آمدورفتی چوخ نهان قالوبدی قالوبدی

گوزل دوداقلاریندا قان قالوبدی قالوبدی

سیزیلدیرارضیلن سما یازهرا یازهرا

آرش قاسمی

شه ملک ارتضی سن ماه اسپهر ولاسن

آفتاب مشرقی سن ضامن آهو رضا سن

امیر باوفا گل باغ ولا  علی موسی الرضا علی موسی الرضا



نور عین مرتضی سن افتخار مصطفی سن

یادگار مجتبی سن مفخر خیرالنسا سن

امیر باوفا گل باغ ولا  علی موسی الرضا علی موسی الرضا



تو غریب آشنا یی  حکمران قلبهایی

جلوه نور خدایی معدن جود و سخایی

امیر باوفا گل باغ ولا  علی موسی الرضا علی موسی الرضا



شافع روز جزایی پاره قلب مصطفایی

شمس دین کبریایی  ضامن آهو رضایی

امیر باوفا گل باغ ولا  علی موسی الرضا علی موسی الرضا



آستانون با صفا دی بارگاهون دلربادی

درگهون باب رجادی شیعه یه آدون دوادی

امیر باوفا گل باغ ولا  علی موسی الرضا علی موسی الرضا



آستانبوسون ملک لر اوردا سلطان لار گدادی

خیل عشاقون دیه للر درگهون چون کربلا دی

امیر باوفا گل باغ ولا  علی موسی الرضا علی موسی الرضا



قبله اهل یقین سن ملتجای مومنین سن

سن امید متقین سن آفتاب هشتمین سن

امیر باوفا گل باغ ولا  علی موسی الرضا علی موسی الرضا

آرش قاسمی

ای مقدّس بارگاهی عرش اعلادن گوزل

قبرینون عطری دم جانبخش عیسادن گوزل


ای همایون شهریار ملک تسلیم و رضا

افتخار طوس سلطان سریرِ ارتضا

وی رضا هر بیر قضایه نازنین آدی رضا

تربتون الحق اولور عالمده دیبادن گوزل


فیض آلار ای فیض حق عالمده قبروندن نفوس

مِهر و مَه ای پرتو نور جمالیندن عکوس

اولمیوب بی خود جهاندا شهرتون شمسُ الشّموس

طلعتون مین آفتاب عالم آرادن گوزل


ای جمالی مظهر اوصاف حیِّ ذوالجلال

ریزه خوار خوان فضلوندور هامی اهل کمال

گون یوزون گورسه قبول ایلر حجاب انفعال

ای سواد تار زلفی لیل یلدادن گوزل


گر ایلر بلبل گُلی، پروانه شمعی جستجو

کعبه ی عشّقدور امّا بو قبر مشک بو

گورسه هر کیم قبروی، ایتمز بهشتی آرزو

ای همایون، مدفنی فردوس اعلادن گوزل


ای کلام ا... ناطق وی کلیمه مقتدا

وی غبار آستانی چشم حوره توتیا

ظلِّ ممدود الهی قبله ی اهل ولا

واردی آسایش سنون یانونده طوبادن گوزل


چون سنی ممتاز ایدوب لطفیله خلّاق علیم

اولمیوب اولماز مقامون درک ایده عقل سلیم

سیّدی محو کلام دل نشینون مین کلیم

نور رخسارون یدِ بیضای موسادن گوزل


گرچه مین بیر آدلانوب عالمده حیِّ لایُری

مجتمعدور بیر رضا لفظینده آنلار آشنا

اسم اعظمدور آدون ای اسم پاکی کیمیا

هاردا وار بو اسمیدن یا بو مُسَمّادَن گوزل


سن او شه سن قبروه شاه و گدا پابوس اولار

گورمه سه هر کیم مزارون آهیله مانوس اولار

گلسه بو درگاهه سائل مگر مایوس اولار؟

ای گُوی آلتندا رواقی چرخ مینادن گوزل


بو جلالیله که دنیانی دوتوبدور شهرتون

اهل عشقی آغلادار امّا ملال غربتون

هر گوگلده وار تمنّای شمیم تربتون

اولمیوب اولماز تمنّا بو تمنّادن گوزل


ذکر اولاندا غربتون ای یادگار مصطفی

طاقت و آرامیمی الدن آلور بیر ماجرا

گوزلریمده ایلوری جلوه دیار کربلا

جنّةُ المَاوی یقین اولماز او صحرادن گوزل


گرچه سن غربتده جان ویردون غریب و دل فکار

قویمادی اوغلون گنه آخر نفسده انتظار

باشوی گلدی دیز اوسته آلدی اولدی کامگار

سنده آلدون کام دل اول ماه سیمادن گوزل


قانه باتمشدی ولی جدّون حسینون اکبری

نه واریدی بیر هواداری نه یار و یاوری

حسرتیله صاق صولا حیران باخاردی گوزلری

منتظر بیر انتظار اولماز او مولادن گوزل


باخمادی تخمیر اولوبدور عشقیله آب و گلی

لشکر اشراریدن آیریلدی ناگه قاتلی

تاپدی گرداب محبّتده شه دریا دلی

گوردی بیر قان دجله سی، اولماز او دریادن گوزل


بیرده گلدی خیمه گَهدن زینب عالی تبار

گوردی زهرانون گُلِ آغوشنی مجروح خار

دوتدی قاتل خنجریندن ایلدی ایثار ثار

کیم مواسات ایلیوب بو دخت زهرادن گوزل


بیر گئجه صدّیقه ی کبری بتولین ماتمی

تاپدی دورت احباب بیر محفلده الفت عالمی

تا او بزم شور و وحدت ایچره « خوندل » « اعظمی »

یازدیلار بیر شعر هر اشعار زیبادن گوزل

آرش قاسمی

السلام  ای   شه   خراسان

ای گوزل آدی  درده  درمان

سائلم    درگهونده     مولا

سائلی  قووما  گل  قاپوندا


سن گلِ - گلشنِ - عترت پیمبرسن آقا

شأنیده-رتبه ده-مرتضایه بنزرسن  آقا


((رضاجانم - رضاجانم))





قبر  پاکین    حریم   جاندی

مدفن عشقیم اول  مکاندی

کان احسان  و مرحمت سن

لطفیوی  کسمه    الاماندی


سسلرم-الدخیل - تاجانیمدا وارطاقت آقا

هرنفس-هرزمان- سندن ایسترم رخصت آقا




صحن قبرین  نه  باصفادی

گوئیا     مُلک      کربلادی

روزوشب وار قوناقون آقا

کیم گلوب ذکری یا رضادی


اهل بیت-جمعه شب-اول مزاره مهماندی آقا

فاطمه- باغریقان-قبرین اوسته گریاندی آقا




من      گدای    در   ولایم

بیر  آغیر    درده   مبتلایم

عاشقم عشقیمه  وارعشقیم

تشنۀ        جام      کربلایم


ائتمه سن-مطلقا- سائلیوی شرمنده  آقا

کربلا- دشتینه- بیر نولی گئدم منده آقا




سن سن آقا  باشیمدا  تاجیم

چاره قیل یوخدی چون علاجیم

آند اولا  باغریقان   حسینه

لطفیوه    واردی   احتیاجیم


آدیوی -  ایلرم - تا نفس گلور ازبر آقا

کیم دوشه- محنته-عشقیلن سنی سسلرآقا




محفل     رحمته    صفاسن

کعبۀ      عزته       مناسن

ناز ائدر   جنته    حریمون

ساکن     صحن   کبریاسن


بادۀ -عشقیوه-من همیشه عطشانم آقا

قبریوی- گورمه سم-جان وئرنده ناکامم آقا




ای«مُصَیـّب» عنایت  ایسته

شاهیدن   استعانت   ایسته

وئر  قسم   جدّی  مرتضایه

بیر  برات    زیارت   ایسته


بیر یاشیل- پرچمه-اولموشام نه وابسته آقا

جان وئرن-دمده گل- قوی قدم گوزوم اوسته آقا

آرش قاسمی

ای شهریار مُلک خراسان ولیّ دین

وی خاک آستانه سی مسجود مسلمین


ای اسم پاکی علّت ایجاد کاف و نون

مامومِ ذوالجلال و امامُ الموحّدین


تشبیه ایدم بهشته اگر پاک مدفنون

ایراد ایده لّه فرضیمه اشخاص نکته بین


حسرتدی عرش و خلدِ برین خاک بوسینه

جنّات و عرشه مدفنیوین فخری وار یقین


طاق مُقَرنَس علّتی وار واژگون اولوب

اُپماقلیقا ترابیوی ایستور اولا قرین


صحنون گورن بهشت برین ایتسه آرزو

کفران نعمت ایلیوب ای شاه عالمین


سکّان عرش و فوج ملائک، شه و گدا

فخر ایلر آستانیوه سورته اگر جبین


یالقوز تاپوب نه فیض زیارت ملائکه

ایلر طواف قبرون اولوالعزم و مرسلین


ای خاک طوس سنده شرافت نه قدر وار

آغوشه چکموسن ایله بیر جسم نازنین


فخر ایلسن بهشته اگر وار لیاقتون

غبطه جلال و شانون ایدر روضه ی برین


بیر نازنین وجود که وار بو جلالتی

عبد ذلیلدور قاپوسیندا ملائکین


غربتده بس ندور سببی قویموب احترام

توهین ایتماقا چالیشوردی منافقین


مامون عاقبت ایدوب اقدام قتلینه

دوشدی بو فکره ویرسون او مولایه زهر کین


دعوت ایدوبدی مجلسه بیر گون او سروری

چوخ یاسیله گلوبدی او مولای مومنین


مامون حیله ساز گوروب اولدی جلوه گر

نور جمالِ قائدِ قُرُّ المُحَجِّلین


عنوان مکریله ازل ایلوبدی احترام

فکر ایتدی بولمز احمد محموده جانشین


اگلشدیروب یانیندا دیدی لطف قیلموسان

خوش گلموسن عم اوغلی سن ای رکن شرع و دین


بیر خوشه زهرلی اوزوم آلدی اله دیدی

گور نه اوزومدی، بونی میل ایله بو حین


نطقه گلوب امام بویوردی گذشت ایله

غربتده گل بو غمزده نی ایتمه دلغمین


شاید بهشت اوزوملری بوندان گوزل اولا

هر دانه سی نظرده اولا لؤلؤِ ثمین


گل رحم ایله بالالاریمون یولدادی گوزی

اوغلوم تقی یتیم اولی بوندان یماق همین


مامون ال گوتورمدی مظلوم امامیدن

جبراً اله گتوردی او بیرحم مقصدین


بیر نچّه دانه میل ایلیوب ثامن الحجج

تاثیر ایدوبدی دوغرادی فوراً جگرلرین


تغییر تاپدی حالی داخی اگلشنمدی

دوردی ایاقه منزلینه گلدی چوخ حزین


فرمایش ایتدی باغلا اباصلت قاپلاری

اُلّم من ایمدی، پیک اجل ایلیوب مکین


عرض ایلدی مریض سن آخِر بو حالیده

دیداریوه گلن اولار ای خسرو مهین


ویردی جواب کیم گله جاق گورماقا منی

غربتده کیم غریبه اولار مونس و معین


گل فرشیده کنار ایله جدّیم حسین کیمی

توپراقلار اوسته جان ویروم اولسون خدا گزین


فرضی کنار ایدوبدی اباصلت، دلفکار

باغلوب قاپونی خلوت ایدوب شاه مسکنین


اللر اورک باشیندا دونردی صاقا صولا

قلبین اوغوشدوراردی ایدردی او شه انین


بو حالدِیدی گوردی صدا گلدی السّلام

سس بولدی آشنا سسیدور آچدی گوزلرین


اوغلی جوادی گوردی باشی اوسته اول غریب

محو اولدی لوح سینه دن افکار آن و این


قولّارین آچدی سالدی اوغول بوینونا او دم

آغوشه باسدی اوغلونی اول میر متّقین


عالمده ایخدا نه گوزل آرزودی بو

باش اوسته جان ویرن گوز آچوب گورسه محرمین


هر آغلیان حسینه گرک آغلاسون مدام

سالدی او گونکه دلدن او مظلومی مشرکین


اوغلی گلنمدی، باجیسی گلدی یانینه

گوردی کسور حسین باشینی قاتل لعین


سسلندی کسمه باشینی قوی باغلیوم گوزین

آرتورما باشسیز عترتینون محنت و غمین


یالواردی قاتله نه قدر ال گوتورمدی

آخِر ال آتدی دوتدی خانم قاتلین الین


سوز بیر یره دایاندی داخی عرض ایدنمورم

بولمم نولوب یخلدی یره زینب حزین


ضعف ایلمیشدی، هوشه گلوب گوز آچوب امام

بیر یاندا گوردی باجینی، بیر یاندا قاتلین


فرمایش ایتدی دورما قِییت باجی خیمیه

جمع ایله باشه قارداشیوین باشسیز عترتین


زینب قِییتدی، شمر قیلوب ظلمین آشکار

افلاکه دوشدی شور و نوا، تیتردی زمین


پیغمبر اوغلی لطف ایله بیکس حسینیه

سائلدی درگهونده بو مسکین و مُستکین


امریم دوشوبدی مشکله آواره قالموشام

حلّی سنون الونده دور آسان، منه چتین


گرچه خطا چوخ ایلمیشم دست خالیم

یا اَیُّهَا العَزیز تَصَدَّق لِخاطِئین


بیرده چوخ ایستورم دولانام باشیوه سنون

حضّار و نوحه خوانیله بو ایل بو اربعین


هر چند سوزلریمده وار ایطاءِ قافیه

امّا گذشت ایدر بونی اشخاص نکته بین

آرش قاسمی

ای افتخارملت ایران امام رضا

سلطان بی بدیل خراسان امام رضا



دنیاسنون زیارتیوون تشنه کامیدور

شاهلارسنون غلامیوون اسکیک غلامیدور

هرکلمه کلمه سؤزلرون الله کلامیدور

سنسن ولی وحجت سبحان امام رضا



الله سنیله نعمتینی طوسه یاغدیرار

نورامیدوی دل مأیوسه یاغدیرار

قدوسیان قدمگهوه بوسه یاغدیرار

خادملروندی حوری وغلمان امام رضا



گلواژهٔ وجاهتوی آیه وئرمرم 

گلدسته وی،مناره وی،دنیایه وئرمرم

عشق عالمینده مشهدی سینایه وئرمرم

مشهددی اصل روضهٔ رضوان امام رضا



دردین دواسی خاک ره مقدمونده دور

جان اختیاری چونکه الهی دمونده دور

عالم گؤزی عطیرلی،یاشیل پرچمونده دور

اولمش حقیقت اوندانمایان امام رضا



دنیایه طرزفکروی یایسین یئل ایستیور

زلفون بتول شانه لیه تئل تئل ایستیور

توصیف ائده ولایتوی دعبئل ایستیور

سندن گؤره کرامت واحسان امام رضا

آرش قاسمی

السـّلام  ای  خسرو  مُلک  خراسان  السلام

چاره سیزلر دردینه ای آدی  درمان السلام


گرم ائدن  بازارعشقی  رشک  وَجهالمنظرین

یوسف   کنعان  خریدارین  رضاجان السلام


صحن وایوانین مـُطاف عرشیان و فرشیان

مفخر   کرّوبیان   سن سن   کماکان السلام


ناز ائدن   جنـّات الاعلایه   صفالی   مأمنی

عرشیان اول صحن وایوانه ثناخوان السلام


کبر  نعلینین  چیخالدار وادی  طوسه   گلن

طور سینادن   مقدس   مُلک  جانان السلام


کِلک رحمت سینه لرده نقش احساسون چکن

لوح جاه  و عزته ای عشقی عنوان السلام


مظهر اسماءِ  اعظم  ،  حسرت  خُلد  برین

لنگر بحر شرف وی عرشه  سُکّان السلام


زائر صحن و رواقون  فیض عظمایه چاتان

اشکبوس مرقدون  دیلدن غزلخوان السلام


سن،علی اوغلی ؛ مگرمأیوس ائدرسن سائلی

کوی احسانونده  ای سائل ؛ کریمان السلام


دفترینده  آد  یازاندا   یاز  بیزی  خادیم   آقا

السلام  ای   کشور  ایرانه   سلطان السلام

آرش قاسمی

قربان اولوم جلالتیوه یا ابا الحسن

چوخ شائقم زیارتیوه یا ابا الحسن



مین بیر آدیله آدلانوب الله لایَنام

اسم رضادی مظهری بو آدلاری تمام

ای اسمی اسم اعظم حق، ای شه اَنام

عاجزدی عقل مدحتیوه یا ابا الحسن



دنیانین اهلی رسمیدی یوخ شبهه و مقال

شیرین آدی گَلنده عسلدن وورار مثال

شیرین دور اهل عشقه عَسَلدن ولی وصال

قربان اولوم حضرتیوه یا ابا الحسن



تلخین مثالینی عُقلا زهریدن وورار

عُشّاق ایچینده عکسینه امّا عقیده وار

مین دفعه زهریدن آجیراقدور فراق یار

یوخ منده تاب فرقتیوه یا ابا الحسن



آگاهیسن اوزون سن اَیا شاهِ ذوالکرم

من عاشقم سنه، دیمه مدّاح و نوکرم

بیر آستانون اوپماقی مین خُلده ویرمرم

آند اولسون اوز امامتیوه یا ابا الحسن



بیگانه بُلمز عشق غمین، آشنا بُلر

گیزلین رموزی عالم جهر و خفا بُلر

قلبیم نجه یانور بیر اوزون بیر خدا بُلر

دل تشنه دور سقایتیوه یا ابا الحسن



سن مظهر جمال خدای عطوف سن

کَشّافِ هَمّ و غمّ و کُروب و لهوف سن

معروف سن بو اسمه امام رئوف سن

جانلار فدا عطوفتیوه یا ابا الحسن



چوخدان دوشوبدی خسته گوگل اشتیاقیوه

یاندورما بیر بیله منی نارِ فراقیوه

ایسته گَلوم بهشتیدن اعلی رواقیوه

ویرّم قسم رضایتیوه یا ابا الحسن



ای شاه مُلکِ سِلم و رِضا، اَیُّهَا الرِّضا

نومید اولا گدای درون اولماسان رضا

باخ گور روادی ای شه اقلیمِ اِرتِضی

من گَلمیوم زیارتیوه یا ابا الحسن؟



سن شاه ماسِوا، سنه من کمترین گدا

شاهه گدانی بوش یولا سالماق دگُل روا

بیر باخماقون ایدر ایکی دنیامه اکتفا

اولّام رَهین منّتیوه یا ابا الحسن



قبروندن اوتری گوگلوم اَسور مثل برگ بید

بیر سائلم قاپوندا سیه روی و مو سفید

ویرّم قسم جوان بالاوا ایتمه ناامید

قیل مفتخر عنایتیوه یا ابا الحسن



هجرونه گوز یاشیم قاریشوب قلب قانینه

رحم ایله بو بلا کشین آه و فغانینه

ویرّم قسم شَها سنی معصومه جانینه

ایسته گَلوم زیارتیوه یا ابا الحسن



ای جود و بخشش و کرم و فضل معدنی

اوغلون جواد جانینه ویرّم قسم سنی

بیرده قوناق چاقور او گوزل قبریوه منی

مشمول قیل کرامتیوه یا ابا الحسن



دلدن آلوبدی طاقتیمی درد فرقتون

نیلوم نصیب اولموری فیض زیارتون

هر صبح و شام یاد ایدرم حال غربتون

یانّام ملال غربتیوه یا ابا الحسن



فریاد و داد او وقتیدن ای خسرو حجاز

مسموم ایلدی سنی مامون حیله ساز

بو فکریله که ایلیه بیر نوع سِترِ راز

گَلدی سنون عیادتیوه یا ابا الحسن



گوز یاشلی عرض ایدردی که ای شاه محتشم

بو بَس دگُل فراقون اولور مایه ی اَلَم

طوس اهلی ایلوری منی بو امره متّهم

من عاملم شهادتیوه یا ابا الحسن



مامون اگرچه قاتلیدی ای شه کِبار

امّا حیالیدور گنه اول شوم کین شعار

اوز ایتدیقی خطاسینه ایلردی اعتذار

آغلاردی حال رحلتیوه یا ابا الحسن



امّا نه بی مروّتیمیش شمر بیحیا

جدّون حسینین ایتدی بدندن باشین جدا

ووردی باشین جدایه همان غملی ماجرا

اولدی سبب مصیبتیوه یا ابا الحسن



من نوکرم قاپوزدا، حسینی دی شهرتیم

لایق دگُل اگرچه بو درباره خدمتیم

امّا بو بوش اَلیله گنه یوخدی وحشتیم

گوز تیکمیشم شفاعتیوه یا ابا الحسن



جدّون اوزی بیله بویوروبدی مفضّله

قرآندی اصل مدرکی، روشندی مسئله

واللهی قبریدن دوراجاقدی گُله گُله

قائل اولان ولایتیوه یا ابا الحسن

آرش قاسمی