اشعار مذهبی ترکی و فارسی

((وبلاگ نشر اشعار ترکی و فارسی مذهبی))

اشعار مذهبی ترکی و فارسی

((وبلاگ نشر اشعار ترکی و فارسی مذهبی))

اشعار مذهبی ترکی و فارسی

بسمه تعالی
با توکل به خدا و توسل بر چهارده معصوم وبلاگی برای انتشار اشعار مذهبی ایجاد کردم که ذاکران و مداحان و عاشقان بتوانند استفاده کنند و برای حقیر نیز فیضی هر چند اندک عاید شود.کپی کردن اشعار و مطالب این وبلاگ مانعی ندارد.سعی میشود متناسب با هر مناسبت اشعار مربوطه دروبلاگ قرار داده شود.
التماس دعا

تبلیغات
Blog.ir بلاگ، رسانه متخصصین و اهل قلم، استفاده آسان از امکانات وبلاگ نویسی حرفه‌ای، در محیطی نوین، امن و پایدار bayanbox.ir صندوق بیان - تجربه‌ای متفاوت در نشر و نگهداری فایل‌ها، ۳ گیگا بایت فضای پیشرفته رایگان Bayan.ir - بیان، پیشرو در فناوری‌های فضای مجازی ایران

۷۸ مطلب با کلمه‌ی کلیدی «حضرت علی» ثبت شده است

یا فاطمه ای غمخواریم 

پهلوسی سینان دلداریم   

دئمه مرتضايه آغلاماقين حدی وار زهرا

آخي قولاروندا تازيانه ردی وار زهرا

زهرا زهرا ، زهرا زهرا



دگدی یوزوه تاسیلی

گُل صورتون اولدی نیلی 

منی غم شریکی هر زمانونده بیلردون سن

ولی سیلی نقشین مرتضادن گیزلدردون سن

زهرا زهرا ، زهرا زهرا



گَلدون ائويمه تا زهرا

سسلندی  اورگ یازهرا

او گجه نگاریم وصلتوندن چوخ اوجالدیم من

بو گجه ولی غسلون وئرن وقته قوجالديم من

زهرا زهرا ، زهرا زهرا



كرّارَه شهِ رسالت

وئرميشدی سنی امانت

 سن امانتیدون بیر سوزوم وار مرحمت ایستر

دی نبیّ عشقه سندن حيدرت معذرت ايستر

زهرا زهرا ،زهرا زهرا  



مطلب يتيشوب تعريفه

عشق ايله بِله تصنيفه 

(صمد ی ) آلوبدی درس شعری شخص انوردن

غم فاطمه دن یازدی آلسون خلعت حیدردن

زهرا زهرا ،زهرا زهرا 

آرش قاسمی

شاه ولا علی علی شیر خدا علی علی

بحر سخا علی علی باب رجا علی علی

کُر:

مرد نبردیم مولا علیدی

درمان دردیم مولا علیدی


ساقی کوثریم علی شیر دلاوریم علی

مظهر داوریم علی ناطق منبریم علی

عشق مصوریم علی عشقیمه سنگریم علی

سینۀ کهکشانیده زهره نما علی علی

کُر:

مرد نبردیم مولا علیدی

درمان دردیم مولا علیدی


عاشق بی قرار علی خلقتی شاهکار علی

مکتبه افتخار علی مفخر هشت و چار علی

جاهد جان نثار علی صاحب ذوالفقار علی

حضرت خضره لطف ایدن آب بقا علی علی

کُر:

مرد نبردیم مولا علیدی

درمان دردیم مولا علیدی


بندۀ ذات هو علی معنی تفلحوا علی

مرشد پاک خو علی دینیمه آبرو علی

روخینی حوض عشقیده ایلدی شستشو علی

اهل نظر دیر اونا قبله نما علی علی

کُر:

مرد نبردیم مولا علیدی

درمان دردیم مولا علیدی


شه دیمرم او حضرته شاه اونون گداسیدی

گول دیمرم جمالینه گول ئوزی مبتلاسیدی

عقله دیدیم که ذات حق هانسی قانین بهاسیدی

دینمه دی،عرشیدن ولی گلدی ندا علی علی

کُر:

مرد نبردیم مولا علیدی

درمان دردیم مولا علیدی


هر گیجه نخلزاریده قلب جهانی داغلادی

ساخلادی یاس عدالته هم اوخودی هم آغلادی

آلنیمثالی اللری ایشله دی پینه باغلادی

چیگنینه سالدی اللی ایل کهنه عبا علی علی

کُر:

مرد نبردیم مولا علیدی

درمان دردیم مولا علیدی


دوتمادی باد تهمته قلبینه اوخ ساچانلاری

عفو ایلدی نبی کیمی اوستونه ال آچانلاری

قوومادی عرصه گاهیده دال چووروب قاچانلاری

شیعه لرون فدا اولا جانیوه یا علی علی

کُر:

مرد نبردیم مولا علیدی

درمان دردیم مولا علیدی

آرش قاسمی

شیعیان اولسون مبارک سیزلره عید غدیر

روز میثاق ولایت موسم عهد کبیر


کُر :

سسلیون ای شیعه با صوت جلی

یا علی و یا محمد یا علی



شیعه لر عید غدیرین شآنینی والا دوتار

قطره نین امیدی اولسا دامن دریا دوتار

کیم ضعیفه یاور اولسا اللرین مولا دوتار

محنت دنیاده قویماز شیعه لر اولسون اسیر

شیعیان اولسون مبارک سیزلره عید غدیر



آخرین حجینده احمد آلدی حق پیغامینی

امته تکمیل ائده ئوز دینینی ایمانینی

یار و انصاریله ائتسون منسجم پیمانینی

باغلاسون عهد امامت اول نگار خوش ضمیر

شیعیان اولسون مبارک سیزلره عید غدیر



جبرئیل اندی سمادن عرض ایدوب یا مصطفی

ای رسول کردگار و ختم خیل انبیا

وار الیمده رقعه و فرمان حی کبریا

جانب حقدن سن اولدون مجری امر خطیر

شیعیان اولسون مبارک سیزلره عید غدیر



یا محمد بو پیامین حقینی ایفا ائله

حضرت پروردگارین امرینی اجرا ائله

بیعت آل ئوز امتیندن حیدری مولا ائله

ای شه عالم محمد یا بشیر و یا نذیر

شیعیان اولسون مبارک سیزلره عید غدیر



قوردولار منبر چئخوب خلاق داوردن دئدی

امت چشم انتظاره شان حیدردن دئدی

بعد تفسیر ولایت شاه خیبردن دئدی

حیدری وئردی نشان سسلندی یاران بصیر

شیعیان اولسون مبارک سیزلره عید غدیر



من سیزه پیغمبریدیم سیز منیم پاک امتیم

ایندی بو آخر سفرده سیزلره وار صحبتیم

مطلبیم راز ولادور روشن اولسون دعوتیم

کیم منی مولا بیلردی حیدری بیلسون امیر

شیعیان اولسون مبارک سیزلره عید غدیر

آرش قاسمی

موسم    دلپذیر دور بوگیجه

شاد ؛ خرد و كبیر دور بوگیجه

عطر مشك و عبیر دور بوگیجه

هامی دیللر  خبیر دور بوگیجه

شب شاه  دلیر دور بوگیجه

شب عید  غدیر دور بوگیجه



آچلیب  سفره  كرامت عشق

بیلینوبدی بو چولده قیمت عشق

روشن اولسین گرك حقیقت عشق

بونی اعلان ایدوبدی حضرت عشق

برهه  بی نظیر  دور بوگیجه

شب  عید  غدیر دور بوگیجه



مصطفی حجة الوداعینده

سسلدی ای حقه اولان بنده

واردی چوخ چوخ بهالی سوز منده

ایشیدن ذكرایله بونی سنده

فقط حیدر امیر دور بوگیجه

شب عید غدیر دور بوگیجه



گلدی بلَّغ صداسی گویلردن

خاتم مرسله دییلدی سخن

ایلسون بوسوزی عوامه علن

حیدر اولدی ولی عهد و زمن

شیعه به به بصیر دور بوگیجه

شب عید غدیر  دور بوگیجه



سیزلره گر جهاندا مولایم

آیت و اسوه تولایم

هر زماندا امیر و اولایم

مصدر لا اله الایم

بو رسالت خطیر دور بوگیجه

شب عید غدیر دور بوگیجه



سیزكی بیلدوز منی جهانه امیر

منه بوندان صورا علی دی وزیر

دولوب اوندا هلایه دشت غدیر

هرطرف صوت مرحبادی گلیر

سوینن شاب و پیردور بوگیجه

شب عید غدیر دور بوگیجه



اولدی اكمل بویرده دین مبین

حیدر اولدی امام اهل یقین

نه فقط شوره گلدی اهل زمین

سوینوب ساكنان عرش برین

شب ماه منیردور بوگیجه

شب عید غدیر دور بوگیجه



بیزه  واجبدی   احترام علی

هامیا گر  یته  پیام علی

درس دور سیره و كلام علی

(آذرین) سنده اول  غلام علی

دشمنان سر بزیردور بوگیجه

شب عید غدیر دور بوگیجه

آرش قاسمی

فارسی


آمده غدیر و شده شادمان  سَمائیان

مُرتضی وَصیِّ پیمبر شده  امام مان

عید با سعادت و ولایت آمده 

جشن معنویت و امامت آمده

یا مرتضی  - علی مدد  - یا مرتضی2

جانم مولا   -  علی مدد  -  جانم مولا



جان جان علی   -   یارمان علی 

زینت و صفای اذان علی

علی شهنشاه اعظم بُوَد 

علی شفیع دو عالم بُود

یا مرتضی  - علی مدد  - یا مرتضی2

جانم مولا   -  علی مدد  -  جانم مولا




 ترکی



گلدی حضرت ختم پیغمبره بیله ندا

جانشین سندن صورا دور علیِّ مرتضا

کامل ایله دینیوی به اَمرِ لا یَنام

خلقه قیل بیان علی اولوب سیزه امام

یا مرتضی  - علی مدد  - یا مرتضی2

جانم مولا   -  علی مدد  -  جانم مولا


سروریم علی   -    دلبریم علی 

ایکی عالمه   -    مقتدا علی 

بیوردی لَحمُکَ لَحمی نبی 

سنون قانیندور قانیم یاعلی 

 یا مرتضی  - علی مدد  - یا مرتضی2

جانم مولا   -  علی مدد  -  جانم مولا




بو گیجه چراغان اولوب آسمان و کهکشان

مرتضی اولوبدور امام ِ هُمام ِ شیعیان

صف به صف ملک مبارک اولسونا گلور 

فاطمه نه شو قیلن  گوزون یاشین اَلور

یا مرتضی  - علی مدد  - یا مرتضی2

جانم مولا   -  علی مدد  -  جانم مولا


شافع جزا   -     یا علی مدد 

یا رو رهنما  -    یا علی مدد

صفای دین و امامت علی 

وجودی یکسر سعادت علی 

یا مرتضی  - علی مدد  - یا مرتضی2

جانم مولا   -  علی مدد  -  جانم مولا





بو گیجه بیزه عیدیانه علی – ایله عطا

عاشق حسینوخ  گدای وصال ِ کربلا

ای امیر مومنان و رهبر یقین 

ویر برات کربلا بو جَمعه اربعین 

یا مرتضی  - علی مدد  - یا مرتضی2

جانم مولا   -  علی مدد  -  جانم مولا



جانیمیز حسین    -  عشقیمیز حسین 

زندگیده سر مشقیمیز حسین

 دیور اورکدن سنه (پورِیا)

مریضلره بو گیجه ویر شفا

 یا مرتضی  - علی مدد  - یا مرتضی2

جانم مولا   -  علی مدد  -  جانم مولا

آرش قاسمی

بزه نوبدی هفت آسمان

چون غدیر خم دی

سویونور کل عرشیان

چون غدیر خم دی


علی او ماه منیر

اولوب رسوله وزیر

جهانیانه امیر

بودور پیام غدیر

علی علی یاعلی ...




یتیشیبدی امین وحی

آیه گلدی گویدن

اءله تعیین جانشین

بو علینی حتماً


هامیدان اولی بودی

که جان طاها بودی

علی اعلی بودی

جهانه مولا بودی

علی علی یاعلی ...





تهنیت سویلور بوگون

بیر بیره ملک لر

بو گوزل انتصابیلن

شاد اولوب اورک لر


شادیدی طاها بوگون

علی دی مولا بوگون

سویندی زهرا بوگون

کور اولوب اعدا بوگون

علی علی یاعلی ...





یتیشیب دین کمالینه

کامل اولدی اسلام

مرتضی نون ولاسینه

شامل اولدی اسلام


اولوب دی خیبر یلی

جهانیانه ولی

امیر اولوب دی علی

سینیبدی شیطان بلی

علی علی یاعلی ...

آرش قاسمی

علی او کسدی اونون قامتی قیامتدور

ایاقیدن باشا پُر هیبت و صلابتدور


علی نی مدح ائده بیلمز قدَرلی مدّاحلار

اونون دالیجا گزیر معرفتلی سیّاحلار


ایشیقلی دور یوزی گون تک باخاندا گوز قاماشیر

نقابِ آیه ی شمسُ الضّحی اونا یاراشیر


جهانه گلمیوب هئچ کس اونون جلالینده

ایکی قاشی ایکی شمشیردور جمالینده


بیری بیری سینه پیوسته دور ایکی قاشلار

شمایلین چکه بیلمز هنرلی نقّاشلار


کشیده بینی، یاناقلاری نورلو، گندمگون

مبارک آغزی صدف، دیشلری دُرِ مَشحون


گوزینده جاری دی گویا محبّتین بولاغی

ولایت اهلینه گولّو چیچکلی دور قوجاغی


تمام ارض و سماده علی کیمین یوخ شاه

دیلینده ذکری اولوب «لااله الا الله»


دوداقلاریندا سپاس و دعای حق واردی

همیشه حنجره سینده صدای حق واردی


گوزلّیگینده ائدر مات، ماه کنعانی

آلادی گوزلری مجذوب ائدر هر انسانی


یاشاییش ایلوری یوخسولاّرین سیاقینده

وَ بیرده آزدی توکی باشینون قباقینده


گوزل جمالینه باخماق بویوک سعادتدور

علی علی دئماق عاشقلره عبادتدور


سکوتی چوخدی دانیشماقی آزدی حق کردار

الی نین اوسته، همی سینه سینده چوخ توک وار


امیر خلق جهان، پادشاه دین دی علی

کورکدن اِنّی دی هم اَنزعُ البَطین دی علی


بئلینده قورشاغی وار جنسی لیف خرمادن

 محاسنی آغاروبدور ملال زهرادن


ادا ائدور کرمیندن کیمین کی وار دِینی

یاماخلی دور نئچه یئردن ایاقدا نعلینی


عبا سالوبدی گئیوب اگنینه گوزل جامه

قویوبدی باشه یاشیل بیر بهشتی عمّامه


عباسی قهوه ای، دِشداشه سی  اونون آغدی

ابوترابیدی از بس کی نفسی آلچاقدی


سالوبدی بارماقا بیر جوت اوزوک او کان شرف

بیری عقیقِ یمندور بیریسی دُرّ نجف


اوزوکلرین قاشینا گور نه قازدیریبدی علی

باخ عشقه هر بیرینه آیه یازدیریبدی علی


بئله امیر تاپولماز بو دار دنیاده

اساسی ساده، ائوی ساده، جامه سی ساده


جهانه سیره ی پاکی سالوبدی آوازه

اوزینه کُهنه آلور قنبره ولی تازه


شجاعت عرصه سینون پهلوانی حیدردور

شهامت ئولکه سینون قهرمانی حیدردور


شکوه و صولت و عزّ و وقاری گورملی دی

الینده کسگین اولان ذوالفقاری گورملی دی


علوم غیبی بیلور علمی علم احمددور

بو قدری بیل علی مظهر محمددور


بو جمله نی بویوروبدور جناب پیغمبر

مثلده سوره ی توحید و کعبه دور حیدر


وقاریله یئریور ایله بیل کی طاهادی

غدیر خمّ گونوندن جهانه مولادی


سخاوت عالمی ضرب ُالمثلدی جودِ علی

همیشه عطریلی دی گول کیمین وجودِ علی


اونون کیمی دانیشان یوخدی یوخ بلاغتیله

چیخاندا منبره صحبت ائدور فصاحتیله


دوراندا قبلیه وقت نماز، گورملی دی

ائدنده آللّها راز و نیاز، گورملی دی


چوخ اوخشیور بدنی آدمیله، عیسایه

خلیله، ایّوبا، داوده، نوحه، موسایه


آنادان اولمامیش حتّی بو خلقیدن باشی دی

تمام اَزمِنه ده انبیایه یولداشی دی


وضو آلاندا اسور تیتریور سولور رنگی

اذان وئرور اوزی هردن حجاز آهنگی


عملده تابع طاهادی، حقّه وابسته

گئدنده سجدیه آنّین قویور او، مُهر اوسته


چهار شانه دی اندامی چوخ چوخ عالی دور

گشاده سینه سینون نام حق مدالی دور


بیلک لری ائله اِنّی دی عین بازودی

دیلینده ذکر جمیل و جلیلی «یاهو»دی


غضبلی شیر کیمی جنگه دائم آماده

قاچا قاچا ائلیور حمله قوم اِلحاده


دالی سی جوشنینون یوخدی چون فرار ائتمز

قاچانی قووماز و مکریله کارزار ائتمز


علی نی تانری کمک سیزلره کمک یارادیب

علی نی هامّی جهتدن جهاندا تک یارادیب


یارالیلار یانینا الده التیام آپاریر

خرابه لرده قالان کس لره طعام آپاریر


یتیم لردن اوتور چوخ گئجه یاتابیلمور

باشیندان اهل غمین فکرینی آتابیلمور


اونوتمیور حقی هر روز و ماه و سالینده

اوزوک وئرَندی گدایه رکوع حالینده


قیافه سینده اونون گویده خلق اولوبدی ملک

باخولاّر اُول ملَکه ساکنان هفت فلک


یوزی گونه وُروری طعنه آنّی دا آیه

باشینون اوسته گونوزلر بولود سالور سایه


همیشه ایشلمَک اولموش جهاندا تفریحی

گوزل آدی ملَکین دیلده ذکر تسبیحی


گهی دوءل الده چکور چاهیدن سو شیرخدا

آغاجلاری سوواریر بیر به بیر او میرِهُدی


گئدور بِئلیله باغی بِئلّیور شهِ مردان

بئله امامه بئله رهبره جانیم قربان


علی شمایلینه «روشنائی» چوخ بازدی

بو شعری عشقیله «سیدبشیر» اونا یازدی

آرش قاسمی

انَا المَخمُور و  مَا عِندی  شراب  وصل  دلبردن

ولایت    ساغرینده     بادۀ     نابِ       معطردن

بلورین  جام   وحدتده  اولان  صهبای اطهردن

قدح نوش  اولموشام   میخانۀ  ساقیِّ   کوثردن

خراب و مست و مخمورم شراب عشق حیدردن





گتورساقی اومی دن کی سلیل وجان فزااولسون

اومی دن وئرکی هرکس ایچسه مست ومبتلااولسون

نه دورکوثر نه دور زمزم اولاردان باصفا اولسون

ایچن ؛  مخمور  نام   دلربای  مرتضی  اولسون

آلیشسون    سینه لر   نار   ودادِ   شیر  خیبردن





دولان هرسینیه عشق علی ، دریا  گرک اولسون

جهان تا وار علی نین آدی  پابرجا گرک  اولسون

اونون مدّاحی خضرویوسف وعیسی گرک اولسون

تصدّ ق  باشینه    دنیا   و  مافیها  گرک اولسون

بو امره  ایلیوب  اذعان عوالم ، ذرّ و محشردن




علی نین وصفینی  گویلرده  یزدان ایلیوب  والله

وجودی ،  عالم   امکانی    امکان  ایلیوب   والله

اونون عشقینده حق سلمانی سلمان ایلیوب والله

خلیله    یاندیران   ناری   گلستان   ایلیوب  والله

سلیمان   جاه   آلوب  انگشترینده   نام  حیدردن




علی وصفی اولان یئر روضۀ رضواندی شکّ ائتمه

اونون  آدیله  هر بیر مشکلون   آساندی   شکّ ائتمه

پیمبردن  صورا ، خلقه علی   سلطاندی  شکّ ائتمه

اونون مدحینده دیل قاصر قلم حیراندی شکّ ائتمه

مصوّر ائتماق اولماز  وصفینی اوراق و  دفتردن




اگرمولامیزین،مجنونه فاش اولسیدی رخساری

مگر  بیر  لحظه  ایلردی  ئوزون  لیلا  گرفتاری

زلیخا   رؤیت   ائتسیدی   جمال    شاه  ابراری

اولاردی یوسفین آیا  بو نوعی  گرم  ،  بازاری؟

عیار  زرّ نابی  پس  سوروشما آیری  زرگردن




علی نی  شمس  پرنور  سپهر هل  اتی   سسله

عدوسین لعنت ائت عشاقینه صد مرحباسسله

فقط  بیر دفعه  آدین  سسله  امّا  بی ریا  سسله

ئورکدن سسله  اخلاصیله عشقیله  اوجا سسله

خلوص اولسا آلارسان دردیوه درمان او اللردن




علی نین عاشقی هر  لحظه  بیر اغوایه تولانماز

تجلّاسین  گورن   مجنون  رخ    لیلایه  تولانماز

اونون حسنون اگر وامق گوره عذرایه  تولانماز

ئوپن   صحن   مزارین   جنت الاعلایه  تولانماز

بو سوز بیجا دگول باجادی هر بیرفعل ومصدردن




گلوبدور  شیعیانین   بایرامی  فرخنده دور عالم

قویوبدور باشه   تاج   بَلّغی    فرمانده     اعظم

دوشوبدور وحشته هرکیمسه دور عشقیله نامحرم

دگوبدور   سینۀ    شیطانِ  ملعونه    خدنگ  غم

گوروب تا؛صوت یا حیدر گلورهرکوی وکشوردن


اولوب   نازل   غدیر   خُمّیده   جبریل ،  طاهایه

دیلینده    ذکر     اَکْملتُ     لکم   تنفیذ    مولایه

دیوبدور   ؛  حیدری   ابلاغ    ائله    امر   تولّایه

باش  اگسون  امّتون  لازمدی حکم  حق تعالایه

ئوزون آل،حیدره بیعت ،بوگون اقوام و ائللردن




یغوبدور  باشینه    ختم   رسالت    کل   حُجّاجی

چیخوب بیرمنبراوسته عرش وفرشین مَفخَرالتّاجی

مسلمان   امّته    تبیین   ائده   شهراه    منهاجی

بو امت    بعدِ    طاها   دور   ولیُ الله   محتاجی

یئر اوستی  قالماسین خالی گرک آیات داوردن




علی نین  قوزیوب  طاها الین ،عین الیقینیم دی

دیوب ؛    حیدر ،   ولا   کنزینده   دُرّ  اوّلینیم دی

عم اوغلوم   دار دنیاده  وصیّ  و جانشینیم دی

بیلون ؛ مندن   صورا  حیدر امیرِ  مومنینیم دی

ولا کشتی سی لازمدور ثبات آلسون بو لنگردن




جماعت؛ سیز بیلورسیز  نفسیزه پیغمبر اولادی

منه   منصوبْ   خالقدن   همان   عنوان لولادی

دیوم بیر سوز اولون  آگه کی  سرفصل تولادی

علی  مندن  صورا ، سیز امته  سالار و مولادی

علی  دور   قل  هواللهه    مثل   آیات   اکبردن




اوگون یوز میندن آرتوخ بیعت ائتدی فُلک ایمانه

ائدن  بیعت ، یقیناً   باش  اگوبدور  حکم  قرآنه

اولوب   تابع   ابوبکر   و عمر  حتی بو فرمانه

ئوپوبلر  مرتضانین  اللرین  احسنت  او عنوانه

ولی افسوس چوخ تئزگلشن دین صولدی صرصردن




سقیفه  امری   اود    ووردی   گلستان    تولایه

خلافت  رشته سین  آلدی  اله   بوبکر دون مایه

پیمبر حکمی یوخ ، آللهین حکمی گئتدی یغمایه

اونامردین ایشیندن دوشدی بیر اود باب زهرایه

اوجالدی  وا علیّا  ناله سی  پشت  همان  دردن




ولی؛عالم  بیلوردی دین حق بی لنگر اولمازدی

علی سیز   مومنین   عالمه   تاج سر اولمازدی

گلِیدی مین  ابوبکر وعمر  بیر  حیدر اولمازدی

او نامردان پَست  و بی حیادن  رهبر اولمازدی

علینین حقی غصب اولدی گوروب دین ضربه،خودسردن




علی جان ای سخاو جود وصدق ومرحمت کانی

دعا   ایله   ظهوره  ،   تا   گله   مهدیِّ    زهرانی

نیامیندن   چیخاتسین    ذوالفقار   تیز  و   برّانی

احاطه  قویماسین ائتسون  ضلالت  مُلک ایمانی

بو دنیانی  خلاص ائتسون  ابوبکر  و  عمرلردن





«مُصَیّب»کِلک احساسونله یازشیطانه مین لعنت

دایانما   یاز   ابوجهل   و   ابوسفیانه  مین لعنت

اولاردان باش او دؤت نامردِهم پیمانه مین لعنت

معاویّه  ، ابوبکر  و  عمر  ،  عثمانه  مین لعنت

بو  شعریلن  برائت  ایله هر نامردکافردن

آرش قاسمی

یتوردی حجی تمامه پیمبر رحمت

قویوب مدینیه یوز مکه دن ایدوب رجعت


غدیر خمّه یتنده حبیب رب جلیل

او بین راهیده ایتدی نزول جبرائیل


گتوردی آیه بلّغ او یرده روح الامین

پیمبره یتیروب ذو الجلال پیغامین


بو نوع امر ایلیوبدور خدای لم یزلی

گرک بوگون اولا ظاهر جلال و شأن علی


ولایت اسد الله هی قیلماسان ظاهر

رسالتون الی تبلیغیدن اولور قاصر


ایشتدی چون بو پیامی جناب پیغمبر

نزوله امر ایلیوب دوشدی قافله یکسر


جهاز ناقه لریله قورولدی بیر منبر

چخوب او منبره فرمانده قضا و قدر


ازلده باشلادی بیر خطبه چوخ فصاحتیله

آچوب ثنای خداونده دل بلاغتیله


زبس که جلوه ایدوب نور احمد مختار

اولوبلا سامع و ساکت مهاجر و انصار


اوقدر خلقین ایچینده دوتوب علی کمرین

گوتوردی اللرینین اوستونه رسول امین


او قدری قوزادی اول نوری سرور مدنی

علی جمالینی گون تک گوروب هامی علنی


اوجالدی قبّه افلاکه نور یزدانی

جمال پاکی ایشقلاندروب او صحرانی


اوجا سسیله خطاب ایتدی احمد مختار

هامی بلون ای مهاجر و انصار


سرور و قوت دل گوهر ثمینیمدور

علی وصّی بلافصل و جانشینیمدور


بودور علی اسد الله سرور غالب

آناسی فاطمه دور والدی ابو طالب


بونون ولایتی هر طاعته مقدم دور

علوم ما سبق و ما یکونه اعلم دور


بونون محبتی دور حب کردگار جلیل

اولوبدی نعمت دین بو وجودیله تکمیل


منه خلیفه بودور انس و جنه مولی دور

تصرف ایمگه هر بیر اموره اولی دور


بونون ولایتینی هر کس ایلیه انکار

خدا یاننده اولار رو سیاه روز شمار


اوجالدی جشنیله تبریک عرش اعلایه

ازل عمر دیدی بَخ لَک او مولایه


بو بیر علی دی ال اوسته آلوب شه کونین

ولی آلوب الینه بیر علی ده اوغلی حسین


خدایه بنده دی اما خدای عالم دور

عزیز حقدی ولی علی اعلادور


مطیع دور اوزی حقه مطاع دور خلقه

گونه ،آیا ، یره ، مخلوقه ،حکم فرمادور


علی خدا دگل اما بشر لباسنده

هامی صفاتی اونون بی نظیر و همتادور


من آزمارام سوزی سن آزما مطلبی زاهد

نه جای بحث دی بو یر نه بزم شورادور


یوخیدی عالم و آدم ولی علی واریدی

اگرچه آدم آتاسی آناسی حوادور

آرش قاسمی

خورشيد چراغکي ز رخسار عليست

مه نقطه کوچکي ز پرگار عليست 

هرکس که فرستد به محمد صلوات

همسايه ديوار به ديوار عليست 



نازد به خودش خدا که حيدر دارد

درياي فضائلي مطهر دارد 

همتاي علي نخواهد آمد والله

صد بار اگر کعبه ترک بردارد 



علي در عرش بالا بي نظير است 

علي بر عالم و آدم امير است 

به عشق نام مولايم نوشتم 

چه عيدي بهتر از عيد غدير است؟



تمام لذت عمرم در اين است

که مولايم اميرالمومنين است 



نه فقط بنده به ذات ازلي مي نازد 

ناشر حکم ولايت به ولي مي نازد 

گر بنازد به علي شيعه ندارد عجبي 

عجب اينجاست خدا هم به علي مي نازد



خورشيد شکفته در غدير است علي 

باران بهار در کوير است علي 

بر مسند عاشقي شهي بي همتاست 

بر ملک محمدي امير است علي



روز محشر پرسيد ز من رب جلي 

گفت تو غرق گناهي؟ گفتمش يا رب بلي 

گفت پس آتش نميگيرد چرا جسم و تنت

گفتمش چون حک نمودم روي قلبم يا علي



چون نامه ي اعمال مرا پيچيدند 

بردند به ميزان عمل سنجيدند 

بيش از همه کس گناه ما بود ولي 

آن را به محبت علي بخشيدند 



عمریست به عشق تو اسیریم علی 

مست از خم باده غدیریم علی 

داریم تمنا ز خداوند علی 

با حب ولای تو بمیریم علی 



یک روز دلم به جشن مولا علی می رفت 

در عیدِ غدیرِ خُم به صحرا می رفت 

هر کوه که در برابر می‏دیدم 

چون دستِ علی بود که بالا می رفت



شبي در محفلي ذكر علي بود 

شنيدم عاشقي مستانه فرمود 

اگر آتش به زير پوست داري 

نسوزي گر علي را دوست داري



قرآن به جز از وصف علی آیه ندارد 

ایمان به جز از حب علی پایه ندارد 

گفتم بروم سایه لطفش بنشینم 

گفتا که علی نور بود سایه ندارد 



به روز غدیر خم از مقام لم یزلی 

به كائنات ندا شد به صوت جلی 

كه بعد احمد مرسل به كهتر و مهتر 

امام و سرور و مولا علیست علی 



باز تابید از افقْ روزِ درخشانِ غدیر 

شد فضا سرشار عطرِ گل ز بستان غدیر 

موج زد دریای رحمت در بیابان غدیر 

چشمه های نور جاری شد ز دامان غدیر



ای غدیر خم که هستی روز بیعت با امام 

بر تو ای روز امامت از همه امت سلام 

از تو محکم شد شریعت، وز تو نعمت شد تمام 

ما به یاد آن مبارک روز و آن زیبا پیام

آرش قاسمی