اشعار مذهبی ترکی و فارسی

((وبلاگ نشر اشعار ترکی و فارسی مذهبی))

اشعار مذهبی ترکی و فارسی

((وبلاگ نشر اشعار ترکی و فارسی مذهبی))

اشعار مذهبی ترکی و فارسی

بسمه تعالی
با توکل به خدا و توسل بر چهارده معصوم وبلاگی برای انتشار اشعار مذهبی ایجاد کردم که ذاکران و مداحان و عاشقان بتوانند استفاده کنند و برای حقیر نیز فیضی هر چند اندک عاید شود.کپی کردن اشعار و مطالب این وبلاگ مانعی ندارد.سعی میشود متناسب با هر مناسبت اشعار مربوطه دروبلاگ قرار داده شود.
التماس دعا

تبلیغات
Blog.ir بلاگ، رسانه متخصصین و اهل قلم، استفاده آسان از امکانات وبلاگ نویسی حرفه‌ای، در محیطی نوین، امن و پایدار bayanbox.ir صندوق بیان - تجربه‌ای متفاوت در نشر و نگهداری فایل‌ها، ۳ گیگا بایت فضای پیشرفته رایگان Bayan.ir - بیان، پیشرو در فناوری‌های فضای مجازی ایران

۴۲۸ مطلب با موضوع «شعر ترکی» ثبت شده است

فارسی


آمده غدیر و شده شادمان  سَمائیان

مُرتضی وَصیِّ پیمبر شده  امام مان

عید با سعادت و ولایت آمده 

جشن معنویت و امامت آمده

یا مرتضی  - علی مدد  - یا مرتضی2

جانم مولا   -  علی مدد  -  جانم مولا



جان جان علی   -   یارمان علی 

زینت و صفای اذان علی

علی شهنشاه اعظم بُوَد 

علی شفیع دو عالم بُود

یا مرتضی  - علی مدد  - یا مرتضی2

جانم مولا   -  علی مدد  -  جانم مولا




 ترکی



گلدی حضرت ختم پیغمبره بیله ندا

جانشین سندن صورا دور علیِّ مرتضا

کامل ایله دینیوی به اَمرِ لا یَنام

خلقه قیل بیان علی اولوب سیزه امام

یا مرتضی  - علی مدد  - یا مرتضی2

جانم مولا   -  علی مدد  -  جانم مولا


سروریم علی   -    دلبریم علی 

ایکی عالمه   -    مقتدا علی 

بیوردی لَحمُکَ لَحمی نبی 

سنون قانیندور قانیم یاعلی 

 یا مرتضی  - علی مدد  - یا مرتضی2

جانم مولا   -  علی مدد  -  جانم مولا




بو گیجه چراغان اولوب آسمان و کهکشان

مرتضی اولوبدور امام ِ هُمام ِ شیعیان

صف به صف ملک مبارک اولسونا گلور 

فاطمه نه شو قیلن  گوزون یاشین اَلور

یا مرتضی  - علی مدد  - یا مرتضی2

جانم مولا   -  علی مدد  -  جانم مولا


شافع جزا   -     یا علی مدد 

یا رو رهنما  -    یا علی مدد

صفای دین و امامت علی 

وجودی یکسر سعادت علی 

یا مرتضی  - علی مدد  - یا مرتضی2

جانم مولا   -  علی مدد  -  جانم مولا





بو گیجه بیزه عیدیانه علی – ایله عطا

عاشق حسینوخ  گدای وصال ِ کربلا

ای امیر مومنان و رهبر یقین 

ویر برات کربلا بو جَمعه اربعین 

یا مرتضی  - علی مدد  - یا مرتضی2

جانم مولا   -  علی مدد  -  جانم مولا



جانیمیز حسین    -  عشقیمیز حسین 

زندگیده سر مشقیمیز حسین

 دیور اورکدن سنه (پورِیا)

مریضلره بو گیجه ویر شفا

 یا مرتضی  - علی مدد  - یا مرتضی2

جانم مولا   -  علی مدد  -  جانم مولا

آرش قاسمی

بزه نوبدی هفت آسمان

چون غدیر خم دی

سویونور کل عرشیان

چون غدیر خم دی


علی او ماه منیر

اولوب رسوله وزیر

جهانیانه امیر

بودور پیام غدیر

علی علی یاعلی ...




یتیشیبدی امین وحی

آیه گلدی گویدن

اءله تعیین جانشین

بو علینی حتماً


هامیدان اولی بودی

که جان طاها بودی

علی اعلی بودی

جهانه مولا بودی

علی علی یاعلی ...





تهنیت سویلور بوگون

بیر بیره ملک لر

بو گوزل انتصابیلن

شاد اولوب اورک لر


شادیدی طاها بوگون

علی دی مولا بوگون

سویندی زهرا بوگون

کور اولوب اعدا بوگون

علی علی یاعلی ...





یتیشیب دین کمالینه

کامل اولدی اسلام

مرتضی نون ولاسینه

شامل اولدی اسلام


اولوب دی خیبر یلی

جهانیانه ولی

امیر اولوب دی علی

سینیبدی شیطان بلی

علی علی یاعلی ...

آرش قاسمی

علی او کسدی اونون قامتی قیامتدور

ایاقیدن باشا پُر هیبت و صلابتدور


علی نی مدح ائده بیلمز قدَرلی مدّاحلار

اونون دالیجا گزیر معرفتلی سیّاحلار


ایشیقلی دور یوزی گون تک باخاندا گوز قاماشیر

نقابِ آیه ی شمسُ الضّحی اونا یاراشیر


جهانه گلمیوب هئچ کس اونون جلالینده

ایکی قاشی ایکی شمشیردور جمالینده


بیری بیری سینه پیوسته دور ایکی قاشلار

شمایلین چکه بیلمز هنرلی نقّاشلار


کشیده بینی، یاناقلاری نورلو، گندمگون

مبارک آغزی صدف، دیشلری دُرِ مَشحون


گوزینده جاری دی گویا محبّتین بولاغی

ولایت اهلینه گولّو چیچکلی دور قوجاغی


تمام ارض و سماده علی کیمین یوخ شاه

دیلینده ذکری اولوب «لااله الا الله»


دوداقلاریندا سپاس و دعای حق واردی

همیشه حنجره سینده صدای حق واردی


گوزلّیگینده ائدر مات، ماه کنعانی

آلادی گوزلری مجذوب ائدر هر انسانی


یاشاییش ایلوری یوخسولاّرین سیاقینده

وَ بیرده آزدی توکی باشینون قباقینده


گوزل جمالینه باخماق بویوک سعادتدور

علی علی دئماق عاشقلره عبادتدور


سکوتی چوخدی دانیشماقی آزدی حق کردار

الی نین اوسته، همی سینه سینده چوخ توک وار


امیر خلق جهان، پادشاه دین دی علی

کورکدن اِنّی دی هم اَنزعُ البَطین دی علی


بئلینده قورشاغی وار جنسی لیف خرمادن

 محاسنی آغاروبدور ملال زهرادن


ادا ائدور کرمیندن کیمین کی وار دِینی

یاماخلی دور نئچه یئردن ایاقدا نعلینی


عبا سالوبدی گئیوب اگنینه گوزل جامه

قویوبدی باشه یاشیل بیر بهشتی عمّامه


عباسی قهوه ای، دِشداشه سی  اونون آغدی

ابوترابیدی از بس کی نفسی آلچاقدی


سالوبدی بارماقا بیر جوت اوزوک او کان شرف

بیری عقیقِ یمندور بیریسی دُرّ نجف


اوزوکلرین قاشینا گور نه قازدیریبدی علی

باخ عشقه هر بیرینه آیه یازدیریبدی علی


بئله امیر تاپولماز بو دار دنیاده

اساسی ساده، ائوی ساده، جامه سی ساده


جهانه سیره ی پاکی سالوبدی آوازه

اوزینه کُهنه آلور قنبره ولی تازه


شجاعت عرصه سینون پهلوانی حیدردور

شهامت ئولکه سینون قهرمانی حیدردور


شکوه و صولت و عزّ و وقاری گورملی دی

الینده کسگین اولان ذوالفقاری گورملی دی


علوم غیبی بیلور علمی علم احمددور

بو قدری بیل علی مظهر محمددور


بو جمله نی بویوروبدور جناب پیغمبر

مثلده سوره ی توحید و کعبه دور حیدر


وقاریله یئریور ایله بیل کی طاهادی

غدیر خمّ گونوندن جهانه مولادی


سخاوت عالمی ضرب ُالمثلدی جودِ علی

همیشه عطریلی دی گول کیمین وجودِ علی


اونون کیمی دانیشان یوخدی یوخ بلاغتیله

چیخاندا منبره صحبت ائدور فصاحتیله


دوراندا قبلیه وقت نماز، گورملی دی

ائدنده آللّها راز و نیاز، گورملی دی


چوخ اوخشیور بدنی آدمیله، عیسایه

خلیله، ایّوبا، داوده، نوحه، موسایه


آنادان اولمامیش حتّی بو خلقیدن باشی دی

تمام اَزمِنه ده انبیایه یولداشی دی


وضو آلاندا اسور تیتریور سولور رنگی

اذان وئرور اوزی هردن حجاز آهنگی


عملده تابع طاهادی، حقّه وابسته

گئدنده سجدیه آنّین قویور او، مُهر اوسته


چهار شانه دی اندامی چوخ چوخ عالی دور

گشاده سینه سینون نام حق مدالی دور


بیلک لری ائله اِنّی دی عین بازودی

دیلینده ذکر جمیل و جلیلی «یاهو»دی


غضبلی شیر کیمی جنگه دائم آماده

قاچا قاچا ائلیور حمله قوم اِلحاده


دالی سی جوشنینون یوخدی چون فرار ائتمز

قاچانی قووماز و مکریله کارزار ائتمز


علی نی تانری کمک سیزلره کمک یارادیب

علی نی هامّی جهتدن جهاندا تک یارادیب


یارالیلار یانینا الده التیام آپاریر

خرابه لرده قالان کس لره طعام آپاریر


یتیم لردن اوتور چوخ گئجه یاتابیلمور

باشیندان اهل غمین فکرینی آتابیلمور


اونوتمیور حقی هر روز و ماه و سالینده

اوزوک وئرَندی گدایه رکوع حالینده


قیافه سینده اونون گویده خلق اولوبدی ملک

باخولاّر اُول ملَکه ساکنان هفت فلک


یوزی گونه وُروری طعنه آنّی دا آیه

باشینون اوسته گونوزلر بولود سالور سایه


همیشه ایشلمَک اولموش جهاندا تفریحی

گوزل آدی ملَکین دیلده ذکر تسبیحی


گهی دوءل الده چکور چاهیدن سو شیرخدا

آغاجلاری سوواریر بیر به بیر او میرِهُدی


گئدور بِئلیله باغی بِئلّیور شهِ مردان

بئله امامه بئله رهبره جانیم قربان


علی شمایلینه «روشنائی» چوخ بازدی

بو شعری عشقیله «سیدبشیر» اونا یازدی

آرش قاسمی

انَا المَخمُور و  مَا عِندی  شراب  وصل  دلبردن

ولایت    ساغرینده     بادۀ     نابِ       معطردن

بلورین  جام   وحدتده  اولان  صهبای اطهردن

قدح نوش  اولموشام   میخانۀ  ساقیِّ   کوثردن

خراب و مست و مخمورم شراب عشق حیدردن





گتورساقی اومی دن کی سلیل وجان فزااولسون

اومی دن وئرکی هرکس ایچسه مست ومبتلااولسون

نه دورکوثر نه دور زمزم اولاردان باصفا اولسون

ایچن ؛  مخمور  نام   دلربای  مرتضی  اولسون

آلیشسون    سینه لر   نار   ودادِ   شیر  خیبردن





دولان هرسینیه عشق علی ، دریا  گرک اولسون

جهان تا وار علی نین آدی  پابرجا گرک  اولسون

اونون مدّاحی خضرویوسف وعیسی گرک اولسون

تصدّ ق  باشینه    دنیا   و  مافیها  گرک اولسون

بو امره  ایلیوب  اذعان عوالم ، ذرّ و محشردن




علی نین وصفینی  گویلرده  یزدان ایلیوب  والله

وجودی ،  عالم   امکانی    امکان  ایلیوب   والله

اونون عشقینده حق سلمانی سلمان ایلیوب والله

خلیله    یاندیران   ناری   گلستان   ایلیوب  والله

سلیمان   جاه   آلوب  انگشترینده   نام  حیدردن




علی وصفی اولان یئر روضۀ رضواندی شکّ ائتمه

اونون  آدیله  هر بیر مشکلون   آساندی   شکّ ائتمه

پیمبردن  صورا ، خلقه علی   سلطاندی  شکّ ائتمه

اونون مدحینده دیل قاصر قلم حیراندی شکّ ائتمه

مصوّر ائتماق اولماز  وصفینی اوراق و  دفتردن




اگرمولامیزین،مجنونه فاش اولسیدی رخساری

مگر  بیر  لحظه  ایلردی  ئوزون  لیلا  گرفتاری

زلیخا   رؤیت   ائتسیدی   جمال    شاه  ابراری

اولاردی یوسفین آیا  بو نوعی  گرم  ،  بازاری؟

عیار  زرّ نابی  پس  سوروشما آیری  زرگردن




علی نی  شمس  پرنور  سپهر هل  اتی   سسله

عدوسین لعنت ائت عشاقینه صد مرحباسسله

فقط  بیر دفعه  آدین  سسله  امّا  بی ریا  سسله

ئورکدن سسله  اخلاصیله عشقیله  اوجا سسله

خلوص اولسا آلارسان دردیوه درمان او اللردن




علی نین عاشقی هر  لحظه  بیر اغوایه تولانماز

تجلّاسین  گورن   مجنون  رخ    لیلایه  تولانماز

اونون حسنون اگر وامق گوره عذرایه  تولانماز

ئوپن   صحن   مزارین   جنت الاعلایه  تولانماز

بو سوز بیجا دگول باجادی هر بیرفعل ومصدردن




گلوبدور  شیعیانین   بایرامی  فرخنده دور عالم

قویوبدور باشه   تاج   بَلّغی    فرمانده     اعظم

دوشوبدور وحشته هرکیمسه دور عشقیله نامحرم

دگوبدور   سینۀ    شیطانِ  ملعونه    خدنگ  غم

گوروب تا؛صوت یا حیدر گلورهرکوی وکشوردن


اولوب   نازل   غدیر   خُمّیده   جبریل ،  طاهایه

دیلینده    ذکر     اَکْملتُ     لکم   تنفیذ    مولایه

دیوبدور   ؛  حیدری   ابلاغ    ائله    امر   تولّایه

باش  اگسون  امّتون  لازمدی حکم  حق تعالایه

ئوزون آل،حیدره بیعت ،بوگون اقوام و ائللردن




یغوبدور  باشینه    ختم   رسالت    کل   حُجّاجی

چیخوب بیرمنبراوسته عرش وفرشین مَفخَرالتّاجی

مسلمان   امّته    تبیین   ائده   شهراه    منهاجی

بو امت    بعدِ    طاها   دور   ولیُ الله   محتاجی

یئر اوستی  قالماسین خالی گرک آیات داوردن




علی نین  قوزیوب  طاها الین ،عین الیقینیم دی

دیوب ؛    حیدر ،   ولا   کنزینده   دُرّ  اوّلینیم دی

عم اوغلوم   دار دنیاده  وصیّ  و جانشینیم دی

بیلون ؛ مندن   صورا  حیدر امیرِ  مومنینیم دی

ولا کشتی سی لازمدور ثبات آلسون بو لنگردن




جماعت؛ سیز بیلورسیز  نفسیزه پیغمبر اولادی

منه   منصوبْ   خالقدن   همان   عنوان لولادی

دیوم بیر سوز اولون  آگه کی  سرفصل تولادی

علی  مندن  صورا ، سیز امته  سالار و مولادی

علی  دور   قل  هواللهه    مثل   آیات   اکبردن




اوگون یوز میندن آرتوخ بیعت ائتدی فُلک ایمانه

ائدن  بیعت ، یقیناً   باش  اگوبدور  حکم  قرآنه

اولوب   تابع   ابوبکر   و عمر  حتی بو فرمانه

ئوپوبلر  مرتضانین  اللرین  احسنت  او عنوانه

ولی افسوس چوخ تئزگلشن دین صولدی صرصردن




سقیفه  امری   اود    ووردی   گلستان    تولایه

خلافت  رشته سین  آلدی  اله   بوبکر دون مایه

پیمبر حکمی یوخ ، آللهین حکمی گئتدی یغمایه

اونامردین ایشیندن دوشدی بیر اود باب زهرایه

اوجالدی  وا علیّا  ناله سی  پشت  همان  دردن




ولی؛عالم  بیلوردی دین حق بی لنگر اولمازدی

علی سیز   مومنین   عالمه   تاج سر اولمازدی

گلِیدی مین  ابوبکر وعمر  بیر  حیدر اولمازدی

او نامردان پَست  و بی حیادن  رهبر اولمازدی

علینین حقی غصب اولدی گوروب دین ضربه،خودسردن




علی جان ای سخاو جود وصدق ومرحمت کانی

دعا   ایله   ظهوره  ،   تا   گله   مهدیِّ    زهرانی

نیامیندن   چیخاتسین    ذوالفقار   تیز  و   برّانی

احاطه  قویماسین ائتسون  ضلالت  مُلک ایمانی

بو دنیانی  خلاص ائتسون  ابوبکر  و  عمرلردن





«مُصَیّب»کِلک احساسونله یازشیطانه مین لعنت

دایانما   یاز   ابوجهل   و   ابوسفیانه  مین لعنت

اولاردان باش او دؤت نامردِهم پیمانه مین لعنت

معاویّه  ، ابوبکر  و  عمر  ،  عثمانه  مین لعنت

بو  شعریلن  برائت  ایله هر نامردکافردن

آرش قاسمی

یتوردی حجی تمامه پیمبر رحمت

قویوب مدینیه یوز مکه دن ایدوب رجعت


غدیر خمّه یتنده حبیب رب جلیل

او بین راهیده ایتدی نزول جبرائیل


گتوردی آیه بلّغ او یرده روح الامین

پیمبره یتیروب ذو الجلال پیغامین


بو نوع امر ایلیوبدور خدای لم یزلی

گرک بوگون اولا ظاهر جلال و شأن علی


ولایت اسد الله هی قیلماسان ظاهر

رسالتون الی تبلیغیدن اولور قاصر


ایشتدی چون بو پیامی جناب پیغمبر

نزوله امر ایلیوب دوشدی قافله یکسر


جهاز ناقه لریله قورولدی بیر منبر

چخوب او منبره فرمانده قضا و قدر


ازلده باشلادی بیر خطبه چوخ فصاحتیله

آچوب ثنای خداونده دل بلاغتیله


زبس که جلوه ایدوب نور احمد مختار

اولوبلا سامع و ساکت مهاجر و انصار


اوقدر خلقین ایچینده دوتوب علی کمرین

گوتوردی اللرینین اوستونه رسول امین


او قدری قوزادی اول نوری سرور مدنی

علی جمالینی گون تک گوروب هامی علنی


اوجالدی قبّه افلاکه نور یزدانی

جمال پاکی ایشقلاندروب او صحرانی


اوجا سسیله خطاب ایتدی احمد مختار

هامی بلون ای مهاجر و انصار


سرور و قوت دل گوهر ثمینیمدور

علی وصّی بلافصل و جانشینیمدور


بودور علی اسد الله سرور غالب

آناسی فاطمه دور والدی ابو طالب


بونون ولایتی هر طاعته مقدم دور

علوم ما سبق و ما یکونه اعلم دور


بونون محبتی دور حب کردگار جلیل

اولوبدی نعمت دین بو وجودیله تکمیل


منه خلیفه بودور انس و جنه مولی دور

تصرف ایمگه هر بیر اموره اولی دور


بونون ولایتینی هر کس ایلیه انکار

خدا یاننده اولار رو سیاه روز شمار


اوجالدی جشنیله تبریک عرش اعلایه

ازل عمر دیدی بَخ لَک او مولایه


بو بیر علی دی ال اوسته آلوب شه کونین

ولی آلوب الینه بیر علی ده اوغلی حسین


خدایه بنده دی اما خدای عالم دور

عزیز حقدی ولی علی اعلادور


مطیع دور اوزی حقه مطاع دور خلقه

گونه ،آیا ، یره ، مخلوقه ،حکم فرمادور


علی خدا دگل اما بشر لباسنده

هامی صفاتی اونون بی نظیر و همتادور


من آزمارام سوزی سن آزما مطلبی زاهد

نه جای بحث دی بو یر نه بزم شورادور


یوخیدی عالم و آدم ولی علی واریدی

اگرچه آدم آتاسی آناسی حوادور

آرش قاسمی

خورشيد چراغکي ز رخسار عليست

مه نقطه کوچکي ز پرگار عليست 

هرکس که فرستد به محمد صلوات

همسايه ديوار به ديوار عليست 



نازد به خودش خدا که حيدر دارد

درياي فضائلي مطهر دارد 

همتاي علي نخواهد آمد والله

صد بار اگر کعبه ترک بردارد 



علي در عرش بالا بي نظير است 

علي بر عالم و آدم امير است 

به عشق نام مولايم نوشتم 

چه عيدي بهتر از عيد غدير است؟



تمام لذت عمرم در اين است

که مولايم اميرالمومنين است 



نه فقط بنده به ذات ازلي مي نازد 

ناشر حکم ولايت به ولي مي نازد 

گر بنازد به علي شيعه ندارد عجبي 

عجب اينجاست خدا هم به علي مي نازد



خورشيد شکفته در غدير است علي 

باران بهار در کوير است علي 

بر مسند عاشقي شهي بي همتاست 

بر ملک محمدي امير است علي



روز محشر پرسيد ز من رب جلي 

گفت تو غرق گناهي؟ گفتمش يا رب بلي 

گفت پس آتش نميگيرد چرا جسم و تنت

گفتمش چون حک نمودم روي قلبم يا علي



چون نامه ي اعمال مرا پيچيدند 

بردند به ميزان عمل سنجيدند 

بيش از همه کس گناه ما بود ولي 

آن را به محبت علي بخشيدند 



عمریست به عشق تو اسیریم علی 

مست از خم باده غدیریم علی 

داریم تمنا ز خداوند علی 

با حب ولای تو بمیریم علی 



یک روز دلم به جشن مولا علی می رفت 

در عیدِ غدیرِ خُم به صحرا می رفت 

هر کوه که در برابر می‏دیدم 

چون دستِ علی بود که بالا می رفت



شبي در محفلي ذكر علي بود 

شنيدم عاشقي مستانه فرمود 

اگر آتش به زير پوست داري 

نسوزي گر علي را دوست داري



قرآن به جز از وصف علی آیه ندارد 

ایمان به جز از حب علی پایه ندارد 

گفتم بروم سایه لطفش بنشینم 

گفتا که علی نور بود سایه ندارد 



به روز غدیر خم از مقام لم یزلی 

به كائنات ندا شد به صوت جلی 

كه بعد احمد مرسل به كهتر و مهتر 

امام و سرور و مولا علیست علی 



باز تابید از افقْ روزِ درخشانِ غدیر 

شد فضا سرشار عطرِ گل ز بستان غدیر 

موج زد دریای رحمت در بیابان غدیر 

چشمه های نور جاری شد ز دامان غدیر



ای غدیر خم که هستی روز بیعت با امام 

بر تو ای روز امامت از همه امت سلام 

از تو محکم شد شریعت، وز تو نعمت شد تمام 

ما به یاد آن مبارک روز و آن زیبا پیام

آرش قاسمی

ای شهریار مُلک خراسان ولیّ دین

وی خاک آستانه سی مسجود مسلمین


ای اسم پاکی علّت ایجاد کاف و نون

مامومِ ذوالجلال و امامُ الموحّدین


تشبیه ایدم بهشته اگر پاک مدفنون

ایراد ایده لّه فرضیمه اشخاص نکته بین


حسرتدی عرش و خلدِ برین خاک بوسینه

جنّات و عرشه مدفنیوین فخری وار یقین


طاق مُقَرنَس علّتی وار واژگون اولوب

اُپماقلیقا ترابیوی ایستور اولا قرین


صحنون گورن بهشت برین ایتسه آرزو

کفران نعمت ایلیوب ای شاه عالمین


سکّان عرش و فوج ملائک، شه و گدا

فخر ایلر آستانیوه سورته اگر جبین


یالقوز تاپوب نه فیض زیارت ملائکه

ایلر طواف قبرون اولوالعزم و مرسلین


ای خاک طوس سنده شرافت نه قدر وار

آغوشه چکموسن ایله بیر جسم نازنین


فخر ایلسن بهشته اگر وار لیاقتون

غبطه جلال و شانون ایدر روضه ی برین


بیر نازنین وجود که وار بو جلالتی

عبد ذلیلدور قاپوسیندا ملائکین


غربتده بس ندور سببی قویموب احترام

توهین ایتماقا چالیشوردی منافقین


مامون عاقبت ایدوب اقدام قتلینه

دوشدی بو فکره ویرسون او مولایه زهر کین


دعوت ایدوبدی مجلسه بیر گون او سروری

چوخ یاسیله گلوبدی او مولای مومنین


مامون حیله ساز گوروب اولدی جلوه گر

نور جمالِ قائدِ قُرُّ المُحَجِّلین


عنوان مکریله ازل ایلوبدی احترام

فکر ایتدی بولمز احمد محموده جانشین


اگلشدیروب یانیندا دیدی لطف قیلموسان

خوش گلموسن عم اوغلی سن ای رکن شرع و دین


بیر خوشه زهرلی اوزوم آلدی اله دیدی

گور نه اوزومدی، بونی میل ایله بو حین


نطقه گلوب امام بویوردی گذشت ایله

غربتده گل بو غمزده نی ایتمه دلغمین


شاید بهشت اوزوملری بوندان گوزل اولا

هر دانه سی نظرده اولا لؤلؤِ ثمین


گل رحم ایله بالالاریمون یولدادی گوزی

اوغلوم تقی یتیم اولی بوندان یماق همین


مامون ال گوتورمدی مظلوم امامیدن

جبراً اله گتوردی او بیرحم مقصدین


بیر نچّه دانه میل ایلیوب ثامن الحجج

تاثیر ایدوبدی دوغرادی فوراً جگرلرین


تغییر تاپدی حالی داخی اگلشنمدی

دوردی ایاقه منزلینه گلدی چوخ حزین


فرمایش ایتدی باغلا اباصلت قاپلاری

اُلّم من ایمدی، پیک اجل ایلیوب مکین


عرض ایلدی مریض سن آخِر بو حالیده

دیداریوه گلن اولار ای خسرو مهین


ویردی جواب کیم گله جاق گورماقا منی

غربتده کیم غریبه اولار مونس و معین


گل فرشیده کنار ایله جدّیم حسین کیمی

توپراقلار اوسته جان ویروم اولسون خدا گزین


فرضی کنار ایدوبدی اباصلت، دلفکار

باغلوب قاپونی خلوت ایدوب شاه مسکنین


اللر اورک باشیندا دونردی صاقا صولا

قلبین اوغوشدوراردی ایدردی او شه انین


بو حالدِیدی گوردی صدا گلدی السّلام

سس بولدی آشنا سسیدور آچدی گوزلرین


اوغلی جوادی گوردی باشی اوسته اول غریب

محو اولدی لوح سینه دن افکار آن و این


قولّارین آچدی سالدی اوغول بوینونا او دم

آغوشه باسدی اوغلونی اول میر متّقین


عالمده ایخدا نه گوزل آرزودی بو

باش اوسته جان ویرن گوز آچوب گورسه محرمین


هر آغلیان حسینه گرک آغلاسون مدام

سالدی او گونکه دلدن او مظلومی مشرکین


اوغلی گلنمدی، باجیسی گلدی یانینه

گوردی کسور حسین باشینی قاتل لعین


سسلندی کسمه باشینی قوی باغلیوم گوزین

آرتورما باشسیز عترتینون محنت و غمین


یالواردی قاتله نه قدر ال گوتورمدی

آخِر ال آتدی دوتدی خانم قاتلین الین


سوز بیر یره دایاندی داخی عرض ایدنمورم

بولمم نولوب یخلدی یره زینب حزین


ضعف ایلمیشدی، هوشه گلوب گوز آچوب امام

بیر یاندا گوردی باجینی، بیر یاندا قاتلین


فرمایش ایتدی دورما قِییت باجی خیمیه

جمع ایله باشه قارداشیوین باشسیز عترتین


زینب قِییتدی، شمر قیلوب ظلمین آشکار

افلاکه دوشدی شور و نوا، تیتردی زمین


پیغمبر اوغلی لطف ایله بیکس حسینیه

سائلدی درگهونده بو مسکین و مُستکین


امریم دوشوبدی مشکله آواره قالموشام

حلّی سنون الونده دور آسان، منه چتین


گرچه خطا چوخ ایلمیشم دست خالیم

یا اَیُّهَا العَزیز تَصَدَّق لِخاطِئین


بیرده چوخ ایستورم دولانام باشیوه سنون

حضّار و نوحه خوانیله بو ایل بو اربعین


هر چند سوزلریمده وار ایطاءِ قافیه

امّا گذشت ایدر بونی اشخاص نکته بین

آرش قاسمی

ای شهنشاه خراسان یاعلی موسی الرضا

دین اسلامه نگهبان یاعلی موسی الرضا


◀️ متقی تبریزی 


ای یاتان باب الحوائج دلبری ایرانیده

جودو بذلون ثبت اولوبدور شعریده دیوانیده

چوخلاری حاجت الوب بو درگه درمانیده

درد بی درمانه درمان یا علی موسی الرضا 


◀️ شایان ارومیه ای 


جود بیر قطره ولی مولا سن اقیانوس سن

شهریار بی بدیل سرزمین طوس سن

کیم ایده عرض ارادت سن اونا مانوس سن

بارگاهون باب رضوان یا علی موسی الرضا 


◀️ ستاری قیزیل قلم


ای اولان باب کرامت کل انسانیته

عالم آل پیمبر عشق وحدانیت

رهبرجمع اعاظم خیل روحانیته

حافظ الفاظ قرآن یاعلی موسی الرضا


◀️ شایان ارومیه ای 


قرن لر دی که حکومت ایلیورسن دللره

التفاتون وار  پناهنده اولان سایل لره

 هر ایکی عالمده دوشموش نام پاکون دیللره

مامن دلدادگان سان یاعلی موسی الرضا


◀️ ارسلان محمدی 


من سنون عشقونده حيرانم آقا الله بيلير

سن گلن  يولاره قربانم  آقا الله بيلير

من گينه سفرونده مهمانم آقا الله بيلير

لطفوي بير ايله احسان ياعلي موسي ارضا


◀️ ارسلان محمدی 


اي کرامت معدني پابوسوه ايسته گليم

تير عشقونله اقا قوي قلبيمي منده دليم

غرق عصيانم اقا الله بيلور بوشدي اليم

عيبيمي سن ايله پنهان يا علي موسي الرضا


◀️ ستاری قیزیل قلم 


باخ سنون عشقونده ترک موطن اِئتدی خواهرون

عزم ایران ایلییب شوقیله زواردَرون

اولمادی قسمت اوپه خسته مسافرگؤزلرون

ناگران باغری اولوب آلقان علی موسی الرضا


◀️ شایان ارومیه ای 


مظهر جود و کرامت معنی لطف اله

مالک سلم و رضا سن صاحب عزیله جاه

گورمویوب گورمز زمانه سن کیمی شوکتلی شاه

قلب لر عشقونله شادان یا علی موسی الرضا


◀️ ستاری قیزیل قلم


ضامن آهو سان ای سلطان ملک ارتضا

تک حدیث سلسله بسدوراِئدردرده دوا

احتجاجونده قالیب حیرتدن مأمون دغا 

منزلی قیلدی سنه زندان علی موسی الرضا


◀️ شایان ارومیه ای 


حشمتونده رشگیده دایم سلیمانلار قالوب 

طلعتونده هرزماندا ماه کنعان لار قالوب

حکمتونده مات وحیران جمله لقمان لار قالوب

منشا الطاف رحمان یا علی موسی الرضا


◀️ ارسلان محمدی 


کيم سني قيلسازيارت  عشقيلن حاجي اولار

کيم سنه زوار اولا حاجيلرين تاجي اولار 

 غم گوني زوارينه موسي الرضا ناجي اولار

عاشقون اولماز پريشان يا علي موسي الرضا


◀️ حاج عباس دهقان 


اوگوزل گلدسته لرحیران ائدیبدور ملتی 

هرگونی دنیاده آرتور اومزارون شوکتی 

قویموسان قلبیمده زواراولماقا سن حسرتی 

ال منیم اوپاک دامان یاعلی موسی ارضا 


◀️ شایان ارومیه ای 


هر نسیمی که بیزه سمت خراساندان گلور

نکهت جانانیدور که عرش سبحاندان گلور

 گوییا رشحات حقدور عطر عرفان دان گلور

معنی ایمان و عرفان یاعلی موسی الرضا 


◀️ حاج عباس دهقان


ای یاتان ملک خراساندا سلام اولسون سنه 

روحمیزسن ای رضا جاندا سلام اولسون سنه 

افتخاراولدون بوایراندا سلام اولسون سنه  

فخرایرانی وایران یاعلی موسی الرضا 

 

◀️ شایان ارومیه ای 


واردی اون دورد ایلدی مولا دلده بیر سر مگو

حاجتیم ایله بر آورده منه ویر آبرو

گوز یاشیملا صحنیوه ویرم من عالی شستشو

سسلرم ای درده درمان یا علی موسی الرضا


◀️ ستاری قیزیل قلم


اول ذی قعده تاروزدهم ازلطف حق

شدمزین برقدوم پاک نور نُه طبق

حضرت معصومه وشاه چراغ احمد نسق

شدمنور نوریزدان یاعلی موسی الرضا


◀️ شایان ارومیه ای 


سوره نوری ایدور تفسیر عالی مرقدون

توتیای دیده لر دی خاک پاک مشهدون

گون به گون آرتیبدی نور تابناک گنبدون

سسلنر عشقیله-شایان- یاعلی موسی الرضا


◀️ سيفی سیف الشعرا


پاک آدون حُسن القضای سرنوشتیمدورم آقا

جانفدا اولماق سنه عین سرشتیمدور آقا

صحن وایوان و رواقونده بهشتیمدورآقا

من گدایم سنده سلطان یاعلی موسی الرضا

آرش قاسمی

یا ثامن الحجج سنه قرباندی جانیمیز

وابسته دو ر جلالیوه نام و نشانیمیز


ای مظهر  جمال  خداوند  ذوالجلال

آئینه   محبت  خلاق  بی مثال

دنیانظیریوی گوره بیر امریدور محال

سن سن ایکی جهاندا بیزیم آرمانیمیز


قربان اولوم جلالیوه سن شاه عشقیسن

سلطان با صلابت و ذیجاه  عشقیسن

قرب  خدای لم یزله ، راه عشقیسن

عشقونله جاریدور شریانلاردا قانیمیز


آنداولسون عشقون عالمی صوم  صلاتیمه

صحنونده شوروحالیله گیچمش حیاتیمه

سن سن ولی  نعمتیمیز  یابن  فاطمه

مدیونیدور  محبتیوه  خاندانیمیز


انگشتر  محبته  مهرون  عقیقیدور

جنت گدای جلوه ی صحن عتیقیدور

صبح قیامتون که حسابی دقیقیدور

تحت حمایتونده دی پیر و جوانیمیز


آزاده ملتوک  یله  وجدانی ویرمروک

ری ملکینه  محبت زهرانی ویرمروک

دنیانی ویرسه لر قیزیل ایوانی ویرمروک

روشندی  نور  مشهدیله  آسمانیمیز


دنیاده هر بنی بشرون رسمیدور بیله

سعی و تلاش ایدرکه چاتاعمری حاصله

عاشق گرکدور عاشق اولابیرقوی دله

وابسته دور رواقیوه روح و روانیمیز


صحنونده یوخدی یر گیجه لر اینه آتماقا

خادمدی درگهونده ملک فیضه چاتماقا

الله ویروب سنی بیزه پای باش اوجاتماقا

سن سن بیزیم  همای  بلند  آشیانیمیز


غرق گناه ومعصیتوک جانه گلمشوک

بیر سائلوک که محضر سلطانه گلمشوک

درماندیوک بودرگهه درمانه گلمشوک

هجرونده قان اولوبدی بو اشک روانیمیز


ویروک سنی جواده قسم آتما بیزلری

هجران چتندی سیدی آغلاتما بیزلری

مشتاق وصلوک ئوزگه لره قاتما بیزلری

آدون اولوبدی هر گیجه ورد زبانیمیز


یو‌خدور لیاقتیم سنه قربان اولوم آقا

بیر لحظه قبر پاکیوه مهمان اولوم آقا

ویر اذن درگهونده نگهبان اولوم آقا

آزقالدی عرشه اود سالا سوز نهانیمیز

آرش قاسمی

ای گوزل مزاری زینت خراسان

آستان قدسی افتخار ایران

قبرون حجّ اکبردی، کعبه تک معطّردی

ای حبیب یزدان، ای حبیب یزدان



شکر اولا خدایه یتمیشوخ مرامه

قبرون اوسته یکسر گَلمیشوخ سلامه

جان فدا سنون تک بیر رئوف امامه

بو مزاره زوّاروق، جدّیوه عزاداروق

ای حبیب یزدان، ای حبیب یزدان



قبریوین وصالی سالدی اشتیاقه

اشکیله سَپاق سو بو گوزل رواقه

شهلر هر زماندا لطف ایدر قوناقه

گَلمیشوخ سنه مهمان، بو مزاریوه قربان

ای حبیب یزدان، ای حبیب یزدان



ای ویرن مزاری عالمه فزایش

چوخلاری بو قبره یولّیوب سفارش

باشیوه دولانّوق ایلیوبله خواهش

التماس ایدوب چوخلار، یار یارینی یوخلار

ای حبیب یزدان، ای حبیب یزدان



کوچ ایدنده قوردوخ بزم غم طونده

گَلدی داده چوخلار طوسه عزم ایدنده

ایتدی یار و یولداش ناله بیز گَلنده

گَلمدی اولار افسوس، قبریوه اولا پابوس

ای حبیب یزدان، ای حبیب یزدان



روز و شبده گَلّوخ نی کیمی نوایه

آغلاروخ حسینه گاهی کربلایه

وار بو یرده ماتم گَلمیشوخ عزایه

فاطمه گَلوب داده، آغلوری بو اَثناده

ای حبیب یزدان، ای حبیب یزدان



عالمه سالوب غم جدّیوین عزاسی

کربلادی خلقین دلده مدّعاسی

هر اورکده واردور کربلا یاراسی

اعظمی یانوب آغلار، گوز یاشین یوزه باغلار

ای حبیب یزدان، ای حبیب یزدان

آرش قاسمی