امیر ملک ولا نور کبریادی حسن
کریم آل عبا تاج إنّمادی حسن
پیمبرین نوه سی،تاج فرق جبرائیل
ولیّ مطلق خلاق لا یُرادی حسن
قلم قالوب متحیر نه نوعی وصف ایله سون
خدادگول ولی آئینه ی خدادی حسن
نه واردی منده لیاقت یازام مقامیندن
نه خامه درک ایلیور ،فوق ادعادی حسن
دلیل خلقت آدم،وکیل روز جزا
تمام ماخلَقُ اللهه مقتدادی حسن
کیمون اوزولسه الی دامن اطبادن
دوتار اونون اتگین،دردینه دوادی حسن
کرملی درگهینه سالموشام دخیل اوزومی
کرامتونده گوروم واردی با صفادی دی حسن
شفیع روز جزا ختم الانبیا نوه سی
امام مفترض الطاعه دی آقادی حسن
دیمه فقط یر اوزونده امام و رهبری
که عرشین اهلینه شایسته رهنمادی حسن
جلالتونده فقط بسدی بوسخن آقامون
آناسی فاطمه دور جدی مصطفادی حسن
صداقتیله مرور ایله برگ تاریخی
اگرچه صلح ایلیوب مایه ی رجادی حسن
کیم اهل سازش اونی یازسا یوخدی وجدانی
شجاعتینده خلل یوخدی تیز پادی حسن
هژبر بیشه ی جنگ وفقیه حوزه ی علم
معلم ادب فوج انبیا دی حسن
اگر چه جبر زمان باعث اولدی صلح ایله سون
کلید نهضت جاویدکربلادی حسن
