غم امام عسکری دل جهانی داغلادی
اوشاق چاقی یتیم اولوب بالاسی مهدی آغلادی
ائدیبدی فتنه معتمدپوزولدی مهربان امام
حصار غصه ده قالیب قوجالدی اول جوان امام
اورکلره ووروب شرر جگرلری یانان امام
بو اوتدا غملی شیعه لر یانیب دیزین قوجاقلادی
اسیبدی صرصر بلا سؤنوبدی شمع معرفت
یانان اورکله عرض ائله امام عصره تسلیت
آتا یئرینده اگلشیب اوغول او کان منزلت
عزیز فاطمه باشا قرا عمامه باغلادی
دیار سامرا اولوب بلالی غملی بادیه
بلالی کربلا کیمی یاغیر بلا او وادیه
امام عسکری گئدیب قوناق امام هادیه
اورگی داغلانان بالا آتاسینی سراغلادی
سولوبدی فاطمه گولی جگر دؤنوبدی لالیه
ملک گلیبدی شیونه فلک گلیبدی نالیه
وئرورله سر سلامتی امام پنج سالیه
فدا او نو نهاله که بو داغی دلده ساخلادی
اماندی مهدی ائت ظهور حمایت ائیله شیعه دن
اؤزون اگرچه غملی سن دوتوبدی قلبیوی محن
گل آل حسین قانین آقا یارالیدی او بی کفن
سپاه کوفه گؤر نجه جنازه سین ایاقلادی
غریب کربلا او گون یارالی دوشدی تپراقا
فلک دییردی واحسین ملک دییردی وای آقا
اوزوکدن اوتری ساربان جسارت ائتدی بارماقا
بو ظلمه اول ستمگرین الینده خنجر آغلادی
