ای دل بیدار دنن یا حسین
درده گرفتار دنن یاحسین
فاطمه نون الده ئولن اوغلونا
مخلص عزادار دنن یا حسین
ایستیوسن تز اولاسان عشقیله...
قبرینه زوار دنن یا حسین
شاه شهیدانون ابوالفضلنه...
عشقون اگر وار دنن یاحسین
هاردا اورک یاندی چاغیرآدینی
قلبون الولاندی چاغیرآدینی
خون دلون گلدی یتشدی گوزه
گوزلرون ایسلاندی چاغیر آدینی
دردی اولان گورسون اگرواقعا
حالی پریشاندی چاغیرآدینی
اولما دل افکار دنن یا حسین
عشقون اگروار دنن یا حسین
غمده قالان وقتده فقط سسلمه
غم چوخالان وقتده فقط سسلمه
یا آقانین آدینی دائم چاغور
یا قوجالان وقتده فقط سسلمه
گردش ایامه گوره غصه لر
قلبون آلان وقتده فقط سسلمه
گونده به کرار دنن یاحسین
عشقون اگر وار دنن یاحسین
گوهر دریای فضیلت اودور
رحمت اودور علت خلقت اودور
مز شرف کان شرافت اودور
طاعت اودور روح عبادت اودور
پنج تن اهلنده اولان پنجمین
نیــر تـابـان ولایـت اودور
واقف اسرار دنن یاحسین
عشقون اگر وار دنن یاحسین
عشقوی گل عشق مجاز ایلمه
سفره دل هر کسه باز ایلمه
یا تانی اللهوی دوش سجدیه
یا الکی راز و نیاز ایلمه
پینه لمه آندیوی خلقه گوره
ریب و ریائیله نماز ایلمه
ائتمه ئوزون خوار دنن یاحسین
عشقون اگر وار دنن یا حسین
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.