بو گئجه قویدی قدم عالمه بیرماه دل آرا
درّ گنجینه تقوا
او گوزل نوریله یکسر بزنوب وادی بطحا
سوؤنوب قلب احبّا
بدرسیما چمن آرا گل گلزار توّلا
کیمدی بو گوهر والا
ئوزی زیبا گوزی زیبا یوزی زیبا سوزی زیبا
گون کیمی ایتدی تجلّا
حسن عسکری اول حجت خلاق توانا
علمیده حلمیده دریا
قلم عاجزدی یازا مدحت او نوزاد اصیله
اکتفا ایتدی قلیله
کور اولوب نور رُخندن فِرق خدعه و حیله
لعن او اعدای بخیله
بوهمان نور هدا حجّت بَرحَقِّ خدادی
آتاسی حضرت هادی
اونداکی جودی گورن یاده سالارجدّی جوادی
بو عزیز نُجَبادی
هشتم ماه ربیع حق ویروب اول پاک نژادی
حسن عسکری آدی
شاد ایدوب جلوه رخساری هامی اهل ودادی
بودی عشّاق مرادی
نیمه شب عالم معناده ندا ایتدی منادی
گیینون جامه ی شادی
که قدم گویدی بو دنیایه جگر گوشه زهرا
شاداولوب عدنیده طاها
بودی کنز ادبین درّی که وار نَشو و نماسی
اولا عشق اهلی فداسی
میوه قلب علی النقی عالملر آقاسی
شیعه نین دلده صفاسی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.