معصومیم غربتده جان اوستیم
زمانه جوریندن ائله خستیم
رضانی گورمگه گویلوم تلسور
کمند عشقینه چوخدان بستیم
معصومیم گوزیم یوللاردا قالدی
هجران منیم طاقتیم الدن الدی
رضا ادیلا چیخمیشام وطندن
هئچ بیلمورم قارداشیم هاردا قالدی
معصومیم درده منده دوزوم وار
قارداشیما دئماقه چوخ سوزوم وار
ال سینه ده جانیم یتور دوداقه
خراسانون یوللاریندا گوزوم وار
رضانین یوزیندن دویماموشام من
اورگیم غمیله اویماموشام من
اتام زنداندا جان وئرن زماندان
قرا کوینگیمی سویماموشام من
گل قاراشیم گوزلریمی باغلا گئت
اورگیوی غم اودیلا داغلا گئت
غریبه غربتده اولماز اغلیان
معصومیه دویونجا بیر اغلا گئت
معصومیم غملر یوروبدی منی
درد الیندن یوخدی منه ایمنی
گرچه منه حرمت ائدور قم اهلی
هر نه دن چوخ گویلوم ایستور وطنی
معصومیم اتام موسی بن جعفر
محبس لر یورقونی شفیع محشر
یانار قلبیم همیشه احوالینا
زندانلاردا وجودی اولدی پرپر
هارون نجه اتامی درده سالدی
گل وجودی ایللر زنداندا قالدی
کفایت بولمدی اونا بو ظلمی
مسموم ائدوب اونی الیمدن الدی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.