الله آدین ایش گورنده هر مسلمان سسلنر
حالنه شامل اولار الطاف رحمان سسلنر
رب رحمان و رحیمی اول دفترده من
یازموشام ذکر ایلیم نیروی ایمان سسلنر
ایلیوب افکاریمی مشغول عشق کربلا
عالم باطنده بیر نیروی پنهان سسلنر
یوسف عشقیم مبادا چاه غفلتده قالا
پیرعقلیم ناگهان چون پیر کنعان سسلنر
سس اوزی بیر قدرت نامریی و محسوسیدور
ارتباطات بشردندور که انسان سسلنر
اقرا القران به صوت الحسن طاها دیوب
چوخ اولار جذاب قاریلر خوش الحان سسلنر
گور نه اندازه ترقی ایلیوب صنعتله علم
شرقدن یولداش سنی مغربده اولسان سسلنر
مغز انساندا ترشح ایلین مخلوقلر
هوشیار انسانلارا وار حی سبحان سسلنر
وار روایتده کنار کعبه ده مهدی گلر
پنج قاره ملتین مهدی دوران سسلنر
قرنلردور منتظردور بو سسه گوش فلک
زیر چتر صلحه خلقی روح عرفان سسلنر
طور سیناده دیرسن حضرت موسی گلوب
خلقی ارشاد ایتمگه موسی ابن عمران سسلنر
چرخ چارمدن گلر عیسی الندن اوپمگه
اوز اوزون دربار مهدی ده نگهبان سسلنر
حضرت طاها دیرسن مکه ده ایلیوب ظهور
مشرکینی مکتب اسلامه رجحان سسلنر
تا الا یا اهل العالم جمله سین ایلر بیان
هرکس هریرده اولا گویا یاخندان سسلنر
بر بره مژده ویرر جاندار و بی جان گلدی حق
ذوالفقاری الده گویا شاه مردان سسلنر
داغلارا داغلار آتار سس گلدی بیر محکم جبل
باغلاری چایلار آیلدار صحن بستان سسلنر
نای نی دن تا نوا مهدی گلنده قوزانار
گه حجازی گه عراقی هر نیستان سسلنر
سوسن و لاله بنفشه چشم نرجسدن اوپر
خیر مقدم بو گله والله گلستان سسلنر
بطن اقیانوسیلرده غول پیکر چوخ نهنگ
بر برین اوز دللریجه گلدی سلطان سسلنر
مور غبرا ماه خضرا کهکشان و آسمان
ظلم لر باشه چاتوب انوار کیهان سسلنر
قلب سینسا وار سسی اما اونی الله بیلر
چون اورا الله ایویدور قلب انسان سسلنر
مهدیا خوش گلموسن ای یار مظلومان آقا
وار نقدری شیعه جانین شاهه قربان سسلنر
اولین سسده حسینه آغلیار هم آغلادار
باتمیوب باتماز بلون خون شهیدان سسلنر
مکه دن اول گلر بیر لشگر انبوهیله
شه مدینه سمتینه باشندا اعوان سسلنر
ایندی بلدورم سیزه زهرا آنامین قبرینی
بو خبر دنیا ئوزونده فوری یاران سسلنر
پرچم نصر من الله قلب عالمده اسر
ظالمین نسلین کسر احسن مسلمان سسلنر
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.