گل زینبیم آل اصغریمی سینوی داغلا
من اصغره چوخ آغلامیشام سن من آغلا
یورقوندی بالام وئرمیون الدن اله زینب
گهواریه سال بلکه یاتوب دینجله زینب
لبخند ویروب زهرلی پیکانه هوسدن
چالدی ال ایاق طایر جان چیخدی قفسدن
باشی آخنوب سوزدی گوزی دوشدی نفسدن
سیندی بو گوزل غنچه‌ده محنت بوداقیندان
ئوپدوم بالامون قانلی یوزیندن دوادقیندان
اوّل باجی آچ معجروی باغلا یاراسین
اوندان گئدوب آگاه ایلیون بیکس آناسین
هیچ بیر آنا گورمز یارالی گورسه بالاسین
سن باخما ربابون بالا وای ناله‌سی گلمور
قورخور اوتانام من ادبندن سسی گلمور
سن دوش قباغا باجی بو بیر امر ثوابه
لازمدی تسلی وئریله ایندی ربابه
قلبیمده منیم وار سوزوم اول قلبی کبابه
دور منله گئداق گؤیلون آلاق دردی آزالسون
هر درده دؤزوب دایرۀ صبرده قالسون
زینب اول شهون خاطرینه دوشدی قباقه
وئرسون خبر احوالی او رنجور فراقه
اصغر آناسی سیلدی گؤزون دوردی ایاقه
تئز بولدی حسینون هدفین قلبی سیخیلدی
شاهون ایاقی آتدا ذلیلانه ییخیلدی
عرض ائتدی آقا مقصدوی بولدیم ازلده
گتدیم اودی پیشوازیوه جان نقدینی الده
وئرسون سنه حق یاخشی جزالر بوعملده
شرمنده کنیزون سودی یوخدی الی بوشدی
اصغر سنون اوغلوندی تسلی سنه خوشدی
قربان گوزووه آغلاما یاندیرما ربابی
اشک غم و ماتم له بویاندیرما ربابی
سن بول آناوین حقی اوتاندیرما ربابی
آخر نه تسلی‌دی بو ای کان کرامت
اصغر سنون ایدی منه وئرمیشدون امانت
صبحه کیمی من بوگجه گؤزیاش المیشدیم
قنداقینی تئزتئز گه آچوب گه بلمیشدیم
مین زحمتیلن بو گجه نی صبح ائلمیشدیم
صبح اولدی گئجم حیف یامان گونلره قالدیم
آخر قوزی قربانوی عطشان یولاسالدیم
گوردوم دوداقون قانین ئوره‌کدن یارالاندیم
ششماهه بالام چخدی یادیمدان سنه یاندیم
اللهدان اؤلوم ایستدیم از بسکه اوتاندیم
قربانلیقا دیلسیز بالامون قیمتی یوخدی
اؤلموشدی سوسوزدان سنه هئچ منتی یوخدی
احمد