دخت یزیدی خوار ائدیب دختر شاه کربلا
گلدی خرابیه آلوب دورینی آل مصطفی
احسن و حبذا دئدی اول قیزا دخت مرتضی
سسلدی ای گوزل بالا نطقووه مرحبا اولا
وقر یزیدی سیندیران همتووه بیبون فدا
بیر گئجه اول عزیزه قیز ایلدی نی کیمین نوا
سسلدی گل هایانداسان دیدیمه یاره لی بابا
کاخیده رخت خوابیدن دوردی یزید بی حیا
سسلدی کیمدی آغلیان خوابیمی برهم ایلیین
لیل کئچوبدی نصفدن کیمدی حسینی سسلیین
عرض ائلیوبله یا امیر دخت حسیندی آغلیور
ایستیور ئوز باباسینی قلب جهانی داغلیور
هئ دئیور هارداسان بابا اشکین عذاره باغلیور
شاه پلید امر ائدوب اشکینی قانه دوندروون
یاره لی باشی نصف شب یاره لی یاره گوندروون
امر یزیده نصف شب ایلدی اشقیا عمل
بیر طبق اوسته شه باشین گتدیله فرقه دغل
گوردی او باشی هر اسیر سینیه قویدی فوری ال
وئردیله بیربه بیر سلام اول باشا آل بوتراب
زینب با حیا او دم قاچدی قباقه با شتاب
سسلدی ای اسیرلر گلدی حسین فغان ائدوون
ابر کیمین عذارووزه گوزیاشوزی روان ائدوون
معجروز آلتدا سعی ائدوون اول باشی سیزنهان ائدوون
سعی ائلیون کی چاتماسین نازلی رقیمه خبر
آند اولا اکبره، قیزیم گورسه او باشی جان وئرر
دوردی رقیه سسلدی من چاتارام مرامیمه
باده وصلی توکدیلر بو گئجه عشق جامیمه
عطر گل محمدی گلدی منیم مشامیمه
دردیمه بو گئجه منیم فکر ائدورم دوا گلوب
قلبیم ایشیقدی آی بی بی منزلیمه بابا گلوب
اول قدر ایلدی نوا یارینی تاپدی مه لقا
سسلدی باشون آی بابا منزلیمه وئروب صفا
سورا او یاره لی باشی جان کیمی باسدی باغرینا
سسلدی آی بابا آدون دائم اولوبدی ازبریم
اصغری گوگلوم ایستیور هاردا قالوب برادریم
مهمانا گونره میزبان یاخجی بزر اطاقینی
گر آتا اولسا میزبان بنتی ئوپر ایاقینی
من کیمی خوردا قیز ئوپر آلنینی یا دوداقینی
آلنووی یا دوداقووی من نئجه بوس ائدوم عیان
آلنووی داش ئوپوب سوسوز لبلری چوب خیزران
واردی بویئرده بیر سوزووم شیعه لر ایلیون فغان
گر منه لطف ائده بو گون حی غفورو لامکان
نالیه بی گمان گلر اهل زمین و آسمان
قالخیزوب آستینینی ائتدی بو نوعیلن خطاب
سسلدی باخ گوزل بابا اللریمی کسوب طناب
بحر ملالدن بابا ساحله من چاتانمورم
صبح آچیلاندا مه باتار ماه کیمین باتانمورم
هامی یاتور بی بیم کیمین منده گئجه یاتانمورم
بالش ائدنمورم بابا قوللاریمی یاتان زمان
باشیمی قویجاقین وئرور قمچی یاراسی تازه قان
نور جمال سرمدون انور ائدوب خرابه نی
شامیده گور اولوب هارا غملی رقیه مسکنی
بسدی بو قدری غم منه گیتسون اگر آپار منی
نیلی عذاری هر گئجه قوملارین اوسته قویمیشام
زندگیدن بو سنّیده فاطمه مثلی دویمیشام
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.