دخت نبیدور رخ زیباسی وار
ماه علیدور شه بطحا سی وار
قالسون هله نچّه مسیحاسی وار
فزّه سینونده ید بیضاسی وار
خادمینه وئردی بها فاطمه
فاطمه سرّ شب معراجیدور
اهل کسانین باشینون تاجیدور
آدینی طوف ائلیین الحاجیدور
کعبه ده والله اونا محتاجیدور
مرویه ده وئردی صفا فاطمه
عشقی سالیب عالمه جوش و خروش
آدم اولوب ماتمینه قاره پوش
بزمینه موسی لر اولوب می فروش
روح پیمبرده دیور نوش نوش
خضره وئریب آب بقا فاطمه
چوخ دئمه قرآندا اونون یوخ آدی
گه بیر اشاره اوزی مین معنادی
روشن ائدیب هم تانیشی یم یادی
قرآنیمون کوثریلن وار دادی
ذکر ائلیون صل علی فاطمه
ساغر لطفی داشا طوفان اولار
اوت دولانوب فوری گلستان اولار
اجنبی لر صاحب ایمان اولار
کافره بیر یول باخا سلمان اولار
جان بئله احسانه فدا فاطمه
نوری اونون نورٌ علی نوریدی
نورینون هرذره سی مین طوریدی
هر وجب طوری پر از حوریدی
جلوه سینه منکر اولان کوریدی
نوکرینه ائیلر عطا فاطمه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.