تمام ائل لر شکسته دل لر
سنی ائدلر صدا اباالفضل
حسین دینلر قرا گین لر
دیوله یکسر که یا اباالفضل
یوزومده گوزیاش بوبزمه بیرباش
اورکده سوز و شراره گلدیم
دولان گوزوم وار سنه سوزوم وار
بو آستانه دوباره گلدیم
گوزندن آتما به حق زهرا
یاپش الیمدن که زاره گلدیم
بو آغلیانلار عزا دوتانلار
او خردا قبره فدا اباالفضل
سکینه سندن سو ایستمشدی
سو مشگین آلدون فراته گتدون
ئوزون لب عطشان اورک دولی قان
آلوب فراتی مرامه یتدون
دولوبدی مشگون گوزونده اشگون
خیامه ساری سودان قیتدون
اوخردا قزلار یانان سوسوزلار
سنی ائدردی دعا اباالفضل
سو گوزلین لر ال اوسته اصغر
یوزون دوتاردی سمایه گه گاه
دیردی یارب ئوزون کمک ائت
وفالی سقا او صاحب جاه
بو آلتی آیلق اوشاقه خاطر
باری سلامت گلیدی الله
خانم ربابی او دلکبابی
ائدیدی غمدن رها اباالفضل
بوشیر خواره یانور سوسوزدان
سولوبدی گل تک اولوبدی پرپر
رباب آناسین ائل اقرباسین
کباب ائدوبدور او باغلی اللر
گلیدی سقا او ماه سیما
بشیگده اول ایچیدی اصغر
گوزون آچیدی گولومسونیدی
ائدیدی دردین دوا اباالفضل
ولی فلکده وفالی یوخیمیش
صفالی گللر چمنده سولدی
دوتولدی یوللار کسیلدی قوللار
سوگتدی باعث اوبیر اوخ اولدی
عمود آهن آجقلی دشمن
او قاره گوزلر قانیله دولدی
خیام فکرین باشندان آتدی
حسینی ائتدی صدااباالفضل
اماندی قارداش یتیش هرایه
دییله ائلر گوزل مثلدی
وفالی نوکر ئولن زماندا
باش اوسته سلطان اولا گوزلدی
بیر آیری مژده وئریم یوبانما
الی بلینده آنامدا گلدی
بویوردی احسن که ئوزبالامسان
ائدوبسن عهده وفا اباالفضل
حسین یتشدی ملول و گریان
باخوبدی حسرت او مه لقایه
سیلوبدی قانی قرا گوزوندن
یوزوندن اوپدی گلوب نوایه
بویوردی قزلار سنی گوزتلور
گئداخ منیله حرمسرایه
دئدی آپارما خجالتم من
بویرده خوشدور قالا اباالفضل
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.