مولا قاپیندا ایتمیشم عادت گدالیقا
من ویرمرم گدالیقی می پادشالیقا
آند اولسون عرشیدن آسیلان قاره پرچمه
کیم دوتسا دامنون چاتاجاقدی آغالیقا
بو آستاندن منی گل قوغما یا حسین
آواریم نیاز واریم رهنمالیقا
وقف ایتمیشم جهاندا جوان عمریمی سنه
کویونده قوی قالیم یتیشینجه قوجالیقا
هر کس قوجالسا بو قاپیدا آبرو تاپار
اولسا مریض عشق چاتار دکترالیقا
نیت دوز اولسا حاجتینی دردمند آلار
هر نه ویره لّه ساده لیقا بی ریالیقا
شرعاً اگر چه ایت نجس العینیدور ولی
حیوانلار ایچره شهرتی وار با وفالیقا
زنجیره چک آغا منیده ایت حساب ایله
طاقت یوخوم بو نازیله بی اعتنالیقا
شرم ایلورم نه نوعی دییم نوکرم سنه
یوخ چاره ال بو بوشلوقا یوز بو قرالیقا
قورخوتدی حرّ قیزلاریوی سن بغیشلدون
دوز گلدی آفرین ددین اول باصفالیقا
شاها سفارس ایت بیزی قولسوز وزیریوه
منصبده چون چاتیبدی او مشگل گشالیقا
دشمنلرین الیندن امان نامه آلمادی
عباسیوون لیاقتی وار اولیالیقا
تلّ اوسته شمریله دایانوب روبه رو دیدی
شرم ایله ای ویران اوزونی بی حیالیقا
من بو چوله اقامه دعوایه گلمیشم
سلطان اوزی سچیب منی صاحب لوالیقا
گیت شکر ایله اجازه هله ویرمیوب آغام
یوخسا سالاردیم عرصه ده باشین بلالیقا
قویمازدیم هیچ تمام اولا آغزینداکی سوزی
باشین کسوب آتاردیم او باشی آرالیقا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.