دایاندی غم قطاری شامده چون باب ساعاته
صباح شام اولوب بیر شام تیره، هاشمیاته
چخوبلار شامین اهلی پیشوازه، چنگ و نای الده
ایدوبلر بی حیالر حتک حرمت فاطمیاته
ویروبلر سر به سر هر رهگذاره زینت و زیور
سالوبلار پرده رنگین عمارات و قصوراته
حیا مانع اولور عرض ایلیم سازنده بازنده
هر بیر نغمه اوسته باشلیوبلار بیر مقاماته
گورنده بیر بیرین آل امیه سویلوری تبریک
دیین یوخ هانسی عید اولموش سبب بیله قضیاته
گلور شام ارتشی جنگ شه اسلامدن فاتح
ایدولر افتخار اولده اولان جنگی مهماته
ویروب سرهنگ لر اوز هنگینه مخصوص تشکیلات
نظامی لر وجودین غرق ایدوب خونریز آلاته
ایدوبلر لشگری مغلوب شاهین باشین استقبال
او باشکه صبر ایدوب ترویج دین اوسته بلیاته
او حالی گوردی فخرالساجدین اولدی پریشان حال
یری وار عرض ایدم اود ووردی دود آهی، ذراته
خانیملار گلدیلر شوره، حجازی نغمه باشلاندی
خواتین حرمدن ناله اوج ایتدی حجاباته
همایون قافله دروازده لنگ ایتدی اوچ ساعت
مخالفلر ویروب طعنه دوشوب لرزه حجاباته
اگر چه نینوا دشتنده آل الله تالانمشدی
ولی ممکن دگل مغلوب اولسون نور ظلماته
حجازیلر یوزین اصلا عراقیلر گورنمزدی
گوزی خیره ایدور معلومدور گون دوشسه مرآته
شکسته محمل ایچره عصمت کبری قیزی، زینب
گلوردی ظلم قوم بی مروتدن شکایاته
نوامیس الهی شام شومه اولدیلار داخل
او ساعت دوشدی اما شمر دون اوزگه خیالاته
یهودی کوچه سیندن غم قطارین چکدی اول ظالم
که کفار آل حیدردن ال آچسونلار مکافاته
بویاندا دسته بدسته یهودیلر چخوب بامه
اویاندا آل پیغمبر توکوبلر اشگ، صفحاته
توکوب محمللر اوسته اودلی نی لر، فرقه اعدا
دل آلعلی اولدی نشانه تیر آفاته
حرملر سوز آهیله، اولار ساز و ربابیله
اوجالدوب ناله اود دوشدی دل سکان جناته
جداده نازنین باشلار، اولوبلار گون کیمی رخشان
او باشلار پرتوی سالدی ایشیق جنتده غرفاته
او باشکه باشینون دسمالی عرشه زیور اولموشدی
جدادیدی گلوردی نیزه داری چوخ مباهاته
دیردی یخمشام زهرا ایوین، ئولدورموشم اوغلین
یانار زهرا باخار نیزمده کی باشدا جراحاته
بخان دین اصیلی، صاحب رمح الطویلم من
منم عمده سبب جنگ حسینی ده فتوحاته
ایشتدی بو سوزی بیر صیحه ووردی زینب صغری
بیوردی اصل مطلبدن چخوب گیچمه فروعاته
دئ جبریل امین لای لای دین شخصه منم قاتل
آتاسی بو باشین بیر باب عالی دور علوماته
جداده شه باشی گورجک او حالی باشلیوب قرآن
نفس لر حبس اولوب حیرت ویروب یوز اهل شاماته
کلام الله ناطق ایلیوب ظلم آیه سین تقریر
یتوردی حقینی ناحق لره حقیله اثباته
او اعجازی او دمده بیر عجوزه غرفه دن گوردی
حسینون باشیدور بولدی، اولوب مبهوت او حالاته
اله بیر داش آلوب ایتدی نشان اول نازنین باشی
او ملعونه ایدوب بیر ظلم او راس باشئوناته
یاریلدی سجده گاهی آخدی قانی، نطقدن دوشدی
جدانی طور ایدوب موسی کیمی محو اولدی لمعاته
گوروب گلمور داخی قارداش صداسی زینب کبری
دئدی قارداش باجون ئولسون نه علت اولدی اسکاته
باخاندا قارداشین آنیندا گوردی تازه بیر یاره
ووروبدور محمله باشین گینه دوزدی صعوباته
باشی مجروح اولوب آق زلفی قانیله خضاب اولدی
دولاندور دی یوزین نوک جداده باب حاجاته
دئدی عشقونده من اولدوم حسینیم بسته زنجیر
دولاندیم کوفه و شامی یتیشدیم چوخ فیوضاته
( حسینی) عالم علوینی دوت، سفلینی ترک ایله
حسینون دامنیندن دوت یتیش عالی مقاماته
دوشوبدور مشگله امروز غم ایتمه، لطف ایدر جدون
که حل مشگل آساندور او شاه باکراماته
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.