نور چشم علی گلِ باع جنان
قلبیمده چوخالوب شور هم هیجان
بسدی گل سیدی صبریون فداسی
گوزلیور یولوی فاطمه ؛ آقاجان
گل هاردا قالدون – دل درده سالدون
درد هجرانه – صبریمی آلدون
یا اباصالح مددی مولا
بولمدیم قدریوی ، ولی دای بولورم
تیر هجرانیله قلبیمی بُولرم
بو دار فناده عشقونله زنده ام
گورمسم جمالون غصه دن ئولورم
نور چشمان مصطفی تئز گل
قائم آل مرتضی تئز گل
یا اباصالح مددی مولا
بیمارِ عشقوم قیل دردیمه درمان
گوزلیور یولوی آیه آیه قران
لطف اله گل آ قا قوی قدم گوز اوسته
گل گلن یولاره آتام آنام قربان
قویما عاشقلر بیله خار اولا
بِاَبی اَنتَ و اُمی مولا
یا اباصالح مددی مولا
دردِ هجرانیوه سیدی قیل چاره
پردة غیبتی چک یوزدن کناره
پروانه مثالی دولانیر باشیوه
عرش و فرش و ماه و خورشید و ستاره
گوزلریم اُول اجدادیوه قربان
آدم و عالم آدیوه قربان
یا اباصالح مددی مولا
عشقیوون انبیا زار و مبتلاسی
زهرانین یوسفی ؛ یوسف لر آقاسی
مُرده مهدی دئسه بی گمان جان آلار
دم جان بخشیوون عیسالر فداسی
جانیم غملی احوالیوه قربان
یوسف لر قاره خالیوه قربان
یا اباصالح مددی مولا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.