زینیدن مولا دوشوب گوداله عالم تیتریور
باش آچوب زهرا نبیان معظم تیتریور
آفتاب عالم آرا قانیلن آلمیش وضو
ساغ یوزی تپراقدا اما لبلرینده ذکر هو
سسلیور دلدارینی دل یاره سین ایلور رفو
طاق عرش حضرت خلاق اعلم تیتریور
جبرییل اذن خداییلن انوب گویدن یره
سایه سالسین جسم شان شان شفیع محشره
سسله دی سلطان کنار اول دلبرین عاشق گوره
گورمگه دلداریمی بو قانلی سینم تیتریور
چک کناره شهپرون واضح گوروم دلداریمی
قویموشام عشقینده آغلار تشنه لب قیزلاریمی
دوغریوب اول یارین عشقینده عدو سرداریمی
نالیه دنیا گلوبدور چار طارم تیتریور
ساقی میخانه یارو سرخوش پیمانه من
چکمیشم باشه بلانین ساغرین مستانه من
یاره دگسه یاره خاطر نوش بیللم جانه من
سینمی بیر حالدا گورموش روح خاتم تیتریور
صادق عاشق دین یولوندا بذل جان ایتسون گرک
گلشنین باد ستم پوزسون خزان ایتسون گرک
قلبینی اوچ شعبه لی پیکان مکان ایتسون گرک
قامت زینب بو سوداده اولوب خم تیتریور
باشدا وار شوق شهادت آیری فکریم یوخ بوگون
ایتمرم شکوه توخانسا قلبیمه مین اوخ بوگون
معجرین باشدان آچوب زهرای نیلی رخ بوگون
قلب زهرا حدیدن آرتوخ چکور غم تیتریور
ایستورم عشق عالمی راضی ایدم سبحانیمی
شدت گرما فشاره سالسا خوشدور جانیمی
جانیمون هر بند بندی ذکر ایدور جانانیمی
لخته لنمیش قان یوزومده مثل شبنم تیتریور
حاجتیم یوخ باشیم اوسته آچما شهپر جبرییل
قوی آلیم دلدار الیندن وصله ساغر جبرییل
عرشه معراج ایلیوم اوخدان آچوم پر جبرییل
عشقیمین معیارینه عیسی بن مریم تیتریور
شمع وصله من گرک پروانه تک پر یاندیرام
گوش تاریخه حقیقت اهلی اولمز آندیرام
بت مثالی فرقه ی گردنکشانی سیندیرام
تا جهان وار پیکر ظلام عالم تیتریور
هر بلا حق جانبیندن گلسه گر تاب ایلرم
نخل دینی قلبیمون قانیله سیراب ایلرم
جسمیمی قران یولوندا غرق خوناب ایلرم
ذره ذرم وصلت یاره دمادم تیتریور
باتمیشام عشقینده قانه تیکمیشم گوز لطفونه
تک اوزوم یوخ گوز تیکوب بو قلب گوز گوز لطفونه
روز محشرده باغیشلار شیعه نی اوز لطفونه
یاره لر یاهو چکور جسمیمده چون یم تیتریور
عرشیدن فورا گلوب بی واسطه فرشه ندا
غم یمه فرمان سنوندور حشریده روز جزا
دوز عزادارون حسین اولماز او گون سندن جدا
بیرده هر مژگان که بزم غمده پر نم تیتریور
سنده(موسی)بوشلا دهری قبر ایوین سال یادووه
چوخ گناهون وار گلن اولماز اوگون امدادووه
بلکه اوندا یازدیغون سوزلر چاتا فریادووه
قبریده چون خوفیدن اجزای آدم تیتریور
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.