اشعار مذهبی ترکی و فارسی

یاران قدوم پاک علی فر ارزنده گوهر اولسون مبارک

فرخنده روز میلاد دخت زهرای اطهر اولسون مبارک

اولسون مبارک ، اولسون مبارک ، اولسون مبارک (2)

دیزلر قواسی گوزلر ضیاسی زهرا بالاسی دنیایه گلدی

دللر صفاسی عزت هماسی نسوان دهره پیرایه گلدی

کان کرامت دریای رحمت مرغ سعادت دنیایه گلدی

گوگده ملکلر سویلولّه یکسر بو عید اظهر اولسون مبارک

اولسون مبارک ، اولسون مبارک ، اولسون مبارک (2)

رحمت اَلَندی شبنم دؤشَندی گول غنچه لندی باغ و چمنده

مرغان شیدا با صوت شیوا یکسر اوخوشدی دشت و دمنده

گون جلوه لندییر گوی بزندی گوللر آچیلدی زینب گولنده

اهل مدینه مامِ حسینه سویلردی یکسر اولسون مبارک

اولسون مبارک ، اولسون مبارک ، اولسون مبارک (2)

اولدی مصفا چون جنت آسا روز تولد بیت امامت

گویا او گونده حیدر ائوینده یاغدی سمادن بارانِ رحمت

پابوسه گلدی عرش خدادن حور وملائک غلمان جنت

با صوت زیبا سویلوردی یکجا حورا مکرر اولسون مبارک

اولسون مبارک ، اولسون مبارک ، اولسون مبارک (2)

یتدی خبر تا شاه مبینه نازلی حسینه دیداره گلدی

گوردی که زینب قونداق ایچینده عیناً دیرسن بیر پارچا گُلدی

آغوشه آلدی ئوپدی یوزوندن گوز آچدی فوراً قارداشه گُلدی

زهرای اطهر مولای قنبر باهم دیوبلر اولسون مبارک

اولسون مبارک ، اولسون مبارک ، اولسون مبارک (2)