ای یار و دلدار حسین
مونس و غمخوار حسین
زهرانی ایتدون بختور
سنسن علمدار حسین
جان زینبیم جان زینبیم
آدیوه قربان زینبیم
قاره گیله جیران بالا
زهرایه سن سن جان بالا
ای دردیمه درمان بالا
شمع شب تار حسین
جان زینبیم جان زینبیم
آدیوه قربان زینبیم
گول صورتون چون لاله دی
عشقون گوزل حواله دی
قاره گوزون پیاله دی
هم عهد و همکار حسین
جان زینبیم جان زینبیم
آدیوه قربان زینبیم
ای چوخ چکن محنت باشی
حسینیمون یول یولداشی
هم باجیسی هم قارداشی
محرم اسرار حسین
جان زینبیم جان زینبیم
آدیوه قربان زینبیم
سسیمه سس ویر آی بالا
گول صورتی چون آی بالا
چاللام سنه لایلای بالا
ای گل بی خوار حسین
جان زینبیم جان زینبیم
آدیوه قربان زینبیم
ای فاطمه دردانه سی
شمع حقون پروانه سی
سنسن حسین دیوانه سی
مجنون و خونبار حسین
جان زینبیم جان زینبیم
آدیوه قربان زینبیم
من فخر ائدرم ائللره
قربان او قاره تللره
بیرگون دوشرسن چوللره
ای خسته زوار حسین
جان زینبیم جان زینبیم
آدیوه قربان زینبیم
بیرگون چاتارسان مقتله
گورسون که چوخدی هلهله
قاتل آلوب خنجر اله
سنسن نگهدار حسین
جان زینبیم جان زینبیم
آدیوه قربان زینبیم
باش اگمه شمر کافره
قربان اولوم بو اللره
گوزله ال آتسون خنجره
اوندا سنه آغلار حسین
جان زینبیم جان زینبیم
آدیوه قربان زینبیم
«فرهادم»ای شیرین ادا
لطف ائت منه ای باوفا
آدیوه بو جانیم فدا
ای خواهر و یار حسین
جان زینبیم جان زینبیم
آدیوه قربان زینبیم
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.