پریشان قلبیده ازبردی زینب
بتول اطهره بنذردی زینب
عزیز شافع محشردی زینب
هوادار شه محشردی زینب
گل کاشانه حیدردی زینب
اونا فخر ایلیرکل فلک لر
دیرصد مرحبا گویده ملک لر
وجود پاکینه قر بان اورک لر
دوشنده مشگله قاره لچک لر
دیللر عالمه رهبر دی زینب
شریک نهضت یوم بلا دی
دبیر مکتب خیرالنساء دی
چراغ محفل شاه ولادی
جلال وعزت آلعبادی
هوادار قرا معجردی زینب
گورنده قتلگه ده تشنه شاهی
اوجالدی آسمانه سوز آهی
پریشان ایلدی کل سپاهی
نوادن تتردی عرش اللهی
غزلخوان دل سنگردی زینب
سالوبدور لرزه قلب آسمانه
بویادی ساچلارین مقتلده قانه
گتوردی لشگرکفر ی فغانه
دئیدی رحم ایلیون و خسته جانه
وجود فاتح خیبردی زینب
چخوبدور آسمانه دل نو اسی
حسین ای حضرت زهرا بالاسی
سنق قلبین فقط سن سن دواسی
یارالی جانوین عالم فداسی
گورورسن قوش کیمی بی پردی زینب
گویون اوستن یره الدوزدوشوبدی
سرای عشقده دلسوز دوشوبدی
کنار نهره بیر یالقوز دوشوبدی
علمدارون یره قولسوز دوشوبدی
اونا ایوای دئین خواهردی زینب
قزل گلدن اونون عطرین آلاردیم
وجود عالمه لرزه سالاردیم
بجادی عمریمی نالان قالاردیم
باخوب قوللارینه لایلای چالاردیم
عزادار گل پرپردی زینب
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.