ای تیر جفا قلبینی بولن
معصومه ننه مظلومه ننه
آز عمر ايليوب اللرده اُلن
معصومه ننه مظلومه ننه
ناز عمروؤن اُون سگز ایلی
ایستوردی چخا بوایلده باشا
قویمادی فلک گُل گردنینه
گلشنده بیر آز سنبل دولاشا
آئینه بختون چالنوب
سرپنجه ظلمیله داشا
توش اولدون عجب محنته سن
معصومه ننه مظلومه ننه
شیخین ايليوب فتنه گری
توش ایلدی مین درده سنی
اشرار الی مضروب ایلدی
حیدر اوتوران یرده سنی
پر پر ایلیوبلر گُلووی
الدوردیلر الرده سنی
سن دوشدون اودا سولدی چمن
معصومه ننه مظلومه ننه
اسما که منه ویردی خبر
دنجلدی آنون خواب ایلدی
جان ودیلیمی غم بورودی
گوز یاشیمی خوناب ایلدی
گَلدیم گُل رخساره باخام
محنت منی بیتاب ایلدی
یاندیردی منی نار محن
معصومه ننه مظلومه ننه
دوردوم باشون اوستونده بیر آز
باخدیم بویوا قامتووه
آچدیم یوزون پرده سینی
یاندیم او یانان حالتیوه
گوردوم یوزیوه سیلی دگوب
اَل نقشی دوشوب صورتوه
گزلین غمووی گوردوم عَلن
معصومه ننه مظلومه ننه
باخدیم گوگرن یوزدن اوخیدوم
سایسیز غموی گزلین سوزوی
صبریم آزالوب دردیم چوخالوب
آهسته سنون ئوپدیم یوزوی
رحم ایله دیدیم زینبووه
یالواردیم آنا آچ بیر گوزوی
قالدیم نه قرا گونلره من
معصومه ننه مظلومه ننه
نصف شب ایدی ویردی سنون
غسلووی بیچاره آتام
باخدی یوزوه قویدی یوزین
غصّه لی دیواره آتام
دریای بلا موجی کیمی
قان آغلادی آواره آتام
گُل تک بویوا بوکدی کفن
معصومه ننه مظلومه ننه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.