اشعار مذهبی ترکی و فارسی

ای قامت خوش منظره یافاطمه کیم سَن

وی حاکم اولان دیللره یافاطمه کیم سَن

جنّتده دوشرسجدیه حورا سنه خاطر

نوره بوکولوب آدم و حوّا سنه خاطر

حتّی یارانوب هرایکی دنیاسنه خاطر

ای مِی جالیان ساغره یافاطمه کیم سن

نُه گنبدخَضراده شاخان نور سنوندور

اَفواج مَلَکده یارانان شور سنوندور

موسی' ده مناجات ایلین طورسنوندور

ای آینه صورتگره یافاطمه کیم سن

قوشلارکه گلرشوره هواده سنی سسلر

پیغمبرئوزی ذکرو دعاده سنی سسلر

دنیابوئی سلطاندا، گداده سنی سسلر

ای عشوه ساتان کوثره یافاطمه کیم سن

سن که نه فرشته نَدَه که حوروپَریدون

مسجودمَلک اولدون اگرچه بَشریدون

سن تیغ دو پهنای علینون کَسَریدون

ای روح و روان حیدره یافاطمه کیم سن

طاهاکه باشاسِدرۀ اعلاده قویوب تاج

بی شهپرایدوب غایت افلاکیده معراج

محشرده یازوبلار اولاجاقدورسنه محتاج

ای شافع اولان محشره یافاطمه کیم سن

فُطرس سنه یالواردی که جان مَرهَمی تاپدی

عیسی قاپوی دوگدی مُقَدّس دَمی تاپدی

هاجرده سنی سسلدی تا زَمزَمی  تاپدی

اعجازون آچوب منظره یافاطمه کیم سن