ای بشر ایله همتی درک ایله معنویتی
قیرما طناب الفتی ترک ایلمه عبادتی
حال حیاته فکرایله روز مماته فکر ایله
راه نجاته فکر ایله بوشلا مقام و شهرتی
مرکب نفسی رام ایله رام ایله خوش مرام ایله
عشقنه احترام ایله طی ایلسون مسافتی
هر یره قویما سن قدم گل درِ عشقه دم بدم
گور اوندا صاحب کرم نقدری وار عنایتی
گل درِ جاودانینه فکر ایله آرمانینه
یِخ ئوزون آستانینه کامل ایله ارادتی
نقدر اولا غمون آغیر فقط حسین حسین چاغیر
لطفی یاغش کیمین یاغیر آچخدی باب رحمتی
شیعه گرک کثیر اولا مسیری دوز مسیر اولا
مسیرینه بصیر اولا تاپا ره سعادتی
شیعه شرارت ایلمز جرم و جنایت ایلمز
خلقه خیانت ایلمز ننگ بیلر خیانتی
شیعه لرون مرامی وار حرمت و احترامی وار
حسین کیمی امامی وار ئوزگه لره نه حاجتی
لطف و عطا حسینده دی صدق وصفاحسینده دی
اصل شفا حسینده دی درده دوادی تربتی
شیعه گرکدور تلسه بزمده سس ویره سسه
سسی قلج کیمین کسه دوغرویا وهابیتی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.