پیمبر زادیم الله منه آد قویدی زهرا
اوقدری چکدی محنت زندگیدن دویدی زهرا
منم دریای غیرت
منم معنای عصمت
الیمدن چوخ ئوپوبدی
رسول وحی رحمت
شرف سنگریم حیا خنجریم پیمبر زادیم من
علی همسریم آدی ازبری اودور آزادیم من
ایویم اولدی یتیمان و اسیرانون پناهی
حسینیم چوخ گیجه آج یاتدی شاهد سن الهی
پناه بی کسانم
امید خسته گانم
قرا کوینک گینلر
بیلوللر قهرمانم
علی ده اولان کرم منده دی مثال مرتضایم
منه دردمند پناهنده دی عزیز کبریایم
منه ئوز رحمتیندن دورت گوزل پای ویردی الله
ایکی اولدوز ایکی ابرو کمان آی ویردی الله
اولکی مجتبی دی
گوزلدی دلربادی
ایکیمجی قهرمانیم
شهید کربلادی
ایکیمجی قیزیم آیا بنزیور بئله کوکبدن اولماز
منیم اوخشاریم گلر عالمه ولی زینبدن اولماز
علینون حقی اوسته صورتیمدن دگدی سیلی
گُل سوسن کیمی قبره گیدینجک قالدی نیلی
یاناندا باب رحمت
سینم مسماره دگدی
ووراندا ثانی سیلی
یوزوم دیواره دگدی
یارالی گیدن مزاره منم شهید جاودانم
سالان دشمنی حصاره منم علی تک قهرمانم
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.