به به باغی ربابون بر تازه غنچه آچدی
گورسون اونی رقیّه اصغر دیوبدی قاچدی
قوینوندا قالسون الله، دائم گلی ربابون
صوددن آیرسون آچسون دل بلبلی ربابون
عمریندن اصغر اولدی چون حاصلی ربابون
به به باغی ربابون بر تازه غنچه آچدی
لیلایه ویردی خالق اکبر، ربابه اصغر
اصغر قویوبلار آدین اولدی مقامی اکبر
آیریلمادی حسیندن آلتایلق اولدی افسر
به به باغی ربابون بر تازه غنچه آچدی
آی اولدوزون یانندا اولسا گوزل دوشللر
عبّاس آلوب قوجاقه خوشحال اولوب مکرّر
قاسم اوپوب ویروبدی اوپسون ئوزوندن اکبر
به به باغی ربابون بر تازه غنچه آچدی
مشهور اولوبدی آچسا اولماز بهار بر گل
بر گلدی بو ایدوبدی هر فصلی باغ و سنبل
باخ بو گله اولوبدی زینب سکینه بلبل
به به باغی ربابون بر تازه غنچه آچدی
بر بر اوپوب قوجاقه سویگُل لری آلوبلار
گهواریه بالانی خوشحال اولوب سالوبلار
یاندیددیلار اوزّرک لای لای اونا چالوبلار
به به باغی ربابون بر تازه غنچه آچدی
نهضت یاخونلاشوبدی سیل چشمه لردن آخدی
گلدی حسین بالاسین گوردی دویونجا باخدی
آغوشه باسدی گویا گل سینه سینه تاخدی
به به باغی ربابون بر تازه غنچه آچدی
یارب کِمهَ گلایه ایلوم بو گون فلکدن
گورستمدی وفاسین دوز چخمادی محکدن
اوخلاندی کربلاده قانی آخوب بلکدن
به به باغی ربابون بر تازه غنچه آچدی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.