خدا قدرت نشان ویردی
بیزه جام جهان ویردی
زمین ویردی٬ زمان ویردی
سما و کهکشان ویردی
هم اولدوز٬ همده آی وئردی
کرات و آسمان وئردی
بیزی خلق ایتدی تپراقدان
صورا تپراقه جان وئردی
دمیده ائتدی تپراقه
اونا روح و روان وئردی
یاراتدی صورتی بَعداً
دوابروی کمان وئردی
یاراتدی ال٬ ایاق٬ دیرناق
دیل اورگتدی بیان وئردی
تعادل برقرار ائتدی
ایکی گوز بیر زبان وئردی
قارین وئردی٬ دویورماقدان
اونا سو وئردی نان وئردی
سوموک وئردی٬ دامار وئردی
دامارلار ایچره قان وئردی
بیوردی احسنُ الخالق
تب و تاب و توان وئردی
هدایت ائتمگه خلقی
کتاب وئردی٬ قوران وئردی
پیمبر ائتدی طاهانی
بیزه دوز یول نشان وئردی
یاراتدی کافره دوزخ
مسلمانه جنان وئردی
علی تک مقتدا٬ سرور
امام اِنس و جان وئردی
ولیکن شیعه قلبینده
گوزل عشقِ نهان وئردی
علینون عشقینه هر کَس
اورکده تا مکان وئردی
به عشق مرتضا اللّه
اونا خطّ امان وئردی
بوشعری یازماقا اللّه
اوزی تاب و توان وئردی
برای مجلس آرایی
منه فنِّ بیان وئردی
دئمه(فیضی) نَدَن یازدی
چنین وئردی چنان وئردی
نه یازدیم متن قرآندی
بو الهامی قوران وئردی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.