ای آدی هردرده دوا یاعلی
پادشه ارض وسما یاعلی
رهبرسلطان وگدا یاعلی
یاور ویار فقرا یاعلی
یاعلی ویا علی ویاعلی
ازبر ایدوب آدوی عالم دیر
شام وسحر قلبیدن آدم دیر
مجتهد عالی واعلم دیر
محفل عرفانیده خاتم دیر
ای گل گلزارصفا یاعلی
یریو زینون عزتی سن جاهی سن
ارض و سمانین گوزلیم ماهی سن
فاطمه نون سویگلی درگاهی سن
هر ایکی دنیا نین آقاشاهی سن
آی کیمی رخساره فدایاعلی
ای سالان آوازه دل عالمه
همدم اولان یوم بلا خاتمه
اهل سما ایلرآدون زمزمه
فخر سن عالمده بتون آدمه
اوج ایلیر عرشه صدا یاعلی
شیعه لرون سرور ومولاسی سن
ختم رسولین ایکی دنیاسی سن
محفل عشقین گل زیباسی سن
معرفتین ساحل ودریاسی سن
ذاکر آیات خدا یا علی
کیسه آلوب دوشیده احسان ایدن
عمرینی بذل ره قرآن ایدن
رز میده میدانیده طوفان ایدن
شیعه لرون دردینه درمان ایدن
کان کرم کان سخا یاعلی
ثبت ایلدی خامه آدون دفتره
آتدون اوگون کی الووی خیبره
سسلد ی گوی اهلی مدام یکسره
سالدی او سس لرزه دل لشگره
قاچدی بتون قو م دغا یاعلی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.