گوزلریم یولدادی دل پریشان
سسلرم داده گل یا ابالفضل
یاتما علقم کنارینده قارداش
زینبه یوخدی یارا ابالفضل
قلبیمه چوخلی غم فرقتونده
بیرسه پراوخ کیمی دگدی قارداش
سروتک بیراوجاقامتیدیم
قديمي درد و غم اگدی قارداش
بش یاشیندان قرا شال ماتم
باشیمه چرخ پرکینه سالدی
ای پناه دل بی پناهان
گل باجون حسرتی دلده قالدی
کان مهر و وفا و محبّت
سرو گلزار حیدر سنیدون
شاه لب تشنیه تااولینجه
مونس و یار و یاور سنیدون
ایندی گل شامه گورغملی زینب
اوج ایدوب غملری دیلده قارداش
جانویرور بیکس و بی برادر
داده گل بیرکفن الده قارداش
شامون اهلی شماتت ایدوللر
من کیمی بی پرستاره چوخ چوخ
یدی قارداش واریدی دیوللر
زینبی قبره ایندی قویان یوخ
دلده کی غصه لی ماجرامی
گل اوزون کشف رازایله قارداش
سون نفسده گل ای غمگساریم
زینبی سرفراز ایله قارداش
زینب ای عمه حجت حق
قیل نظر ( آذرین ) غم نصیبه
سینه سی مخزن درد وغمدی
چاره ایله بیرامن یجیبه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.