اذن خداوندیله هر بیر زمان
غم یمیون غم یمیون شیعیان
درده دوا شاه شهیدان ایدر
مشگولی بیرآنیده آسان ایدر
آدنا قربان اولا بو جانمز
اوندادی چون نسخه ودرمانمر
آدی هایاندا گله رحمت یاغار
اوردا توتار اللری. پرودگار
شاه شهیده گوره مشگل آچار
قویماز اولا مشگل ودرده دچار
آل عبا نوکری پیر وجوان
عاشقدی. جمله گی جن وبشر
آدنی ذکر ایله ایدر دفع. شر
دفع اولا تا جمله بلا و خطر
سسله حسینی ایده لطف ونظر
معجزی گون مثلی عیاندور عیان
معجزه ایلر. بوحسین. دوستان
عین حقیقتدی دگول داستان
ناری خلیله ایلدی بوستان
وحشته دوشدی حامی نمرودیان
خوشدی دیه دائمی ایرانیان
اذن خداوندیله.....
دهریده مولامز حسین تکدی تک
شیعه ایدوب عشقینی قلبینده حک
ذکر ایلیر آدنی گویده. ملک
نوحه ده طوفانیده ایتدی کمک
پا ک آدینی دلده ایدوب تا بیان
اذن خداوندیله....
تعریفه یوخ احتیاجی اُل شه هون
ذکر ایت آدن لطفی اولا هم ره هون
سرمهءچشمیمدی دی خاک ره هون
زینتی دی پاک آدی مهر ومه هون
فخر ایلیر آدنا هفت آسمان
اذن خداوندیله.....
(هانسی گروهون بیله مولا سی وار)
(مشگلی حل ایلیه عباسی وار)
معنوی هر درده مُداواسی وار
نوکرینون قلبیده تقواسی وار
آلادا بیلمز اونی اهریمنان
دینه فدا ایلدی اوز اصغرین
قرآنچون ایتدی سپر حنجرین
اوخ که دیوب قان بورودی پیکرین
گلدی اوخا یومدی اودم گوزلرین
وردی الی اوسته اوشش ماهه جان
شاه شهیدان دیدی لایلای علی
دیده سی گریان دیدی لایلای علی
ایلدی افغان دیدی لایلای علی
قلبی اولوب قان دیدی لایلای علی
نوش ایلدون سو یرینه سن که قان
(نوری)دی. یا شاه شهیدان مدد
سائلووم ایله سن احسان مدد
مشگولومی ایت آقا آسان مدد
دردیمه لطف ایت ایله درمان مدد
محضرُوَه دردیمی ایتدیم بیان
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.