قویدی قدم عالمه سرور خوبان حسین
آیت ایزد نما ناطق قرآن حسین
مرتضی مظهری
فاطمه دلبری
ای مهر جهان آرا یوخ سنه مثل و همتا
شیعه لره دنیاده سنسن رهبرو مولا
جان جان حسین جان (2)
شیعه لر آدیوا قربان
سنسن حسین یکسره عالمی حیران ائدن
بند دل فاطمه قنداقی عرشه گیدن
عالمون سروری
شیعه نون رهبری
ای عرشو فرشه لنگر قنداقی عرشه زیور
ای یار دیر آشنا سنه عاشقلر فدا
جان جان حسین جان (2)
شیعه لر آدیوا قربان
فاطمه باخدی اونون صورتینه آی دیدی
صبحه کیمین چوخ گئجه یاتمادی لایلای دئدی
ای پارلاق اولدوزوم
منیم دادیم دوزوم
سن زیب حیاتیمسان هم نقل و نباتیم سان
گلشنیمه جهاندا سنسن لالۀ حمرا
جان جان حسین جان (2)
شیعه لر آدیوا قربان
آچ گوزووی نازنین فاطمه نی شاد ائله
فاطمه نی غصه دن گل بالا آزاد ائله
ای منیم ناز بالام
ناز ائله آز بالام
یوخ منده درده دوزوم سنه قربان ایکی گوزوم
سن دردیمه دواسن آیت حق نماسن
جان جان حسین جان (2)
شیعه لر آدیوا قربان
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.