سینمون زینتی سن لایلای اوغول یات
عمریمون قیمتی سن لایلای اوغول یات
ای گل کوثر
سینه مه زیور
بند دلیم سینه گولوم یار و معینیم
قوی باشیوی سنه مه یات لایلای حسینیم
باغلانوب بند دلیم تار تلونده
گوزلیم یوخدی نظیرون ئوز ائلونده
وه نه گوزل سن
شهد و عسل سن
نور ولایت یاییلور گول یاناقوندان
قلبیم اسور بوسه ائدنده دوداقوندان
بیر تبسم ائله قلبیم غمی گئتسون
آنووی خوش باخیشون بختور ائتسون
ای گل مادر
قلبیمه یاور
گول یوزوین رنگی گوروم سولماسون اوغلوم
قانیله کول گوزلریوه دولماسون اوغلوم
گچدی گونلر بو گوزل گون باشا چاتدی
کوللر اوستونده بو زهرا گولی یاتدی
فاطمه خسته
قلبی شکسته
سسلدی ای ماه شبیم باتما حسینیم
کوللرون اوستونده بئله یاتما حسینیم
کول دوتوبدی بو قرا گوزلری بیلدیم
آغاران ساچلاریلان کوللری سیلدیم
قلبیم اسوردی
دل تلسوردی
سینمی دردونله اوغول چاک ائلدیم باخ
قورخما گوز آچ قانلی کولی پاک ائلدیم باخ
گوز یاشیم یارووه از بس النوبدی
دانه مرجان کیمی قان قطره لنوبدی
قانی دایانمور
کیمسه اینانمور
هی ئوپورم قاشلاریوون من آراسیندان
زلفیمه قانون یاخورام داش یاراسیندان
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.