حیدرین مظهری سن لایلای ابوالفضل
غیرتین شهپری سن لایلای ابوالفضل
ای گل جنت
سینمه زینت
قاره گوزون یوم گوزلیم یات سینم اوسته
چوخ ال ایاق چالما ئوزون ایلمه خسته
آی ائله مست جمالوندی سحر چاتسادا باتماز
آی گوزللر گوزلی حسنیده آیدا سنه چاتماز
شمس هدی سن
نور خدا سن
جانِ علی روحِ حسین جان حسن سن
بحر شرف کنز وفا دُرّ عدن سن
سن شرافت گولونون غنچه سی سن نازیسن اوغلوم
سن شجاعت سازینون نغمه سی آوازیسن اوغلوم
تیغ ظفرسن
خصمه خطر سن
پنجۀ پر قدرت قرآن خداسن
زیب زمین فخر ملک نور سماسن
قوللارون قامت قرآنه قوادی
قامتون قائمۀ دین خدادی
گوزلری زمزم
تللری پرچم
سینه سی عشقون حرم و باغ وصفاسی
گوگده کی آی صورتینون گونده گداسی
مین مسیحا دمی وار فیض دمونده
توتیا خلق اولاجاق هر قدمونده
راز شفاسن
درده دواسن
زمرۀ عشاقیده بیر گون باش اولارسان
زینبه ایستکلی گوزل قارداش اولارسان
صورتون گوردی گوزوم دای گولی نیلور
کیم تلون گورسه او کس سنبلی نیلور
تل دئمه لاله
توکمه جماله
دوشسه جماله بولوط آلتیندا قالور آی
سینمه قوی باشیوی یات آغلاما لایلای
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.