آی ایلیمون دلبری قارداشینون یاوری
سن سن یامان گون منیم ساغ الیمون خنجری
قهرمانلیقون سنون یاده سالار حیدری
سپرم گول ساغ صولووا
قربان اولوم حق یولووا
قوی بوسه ووروم قولوا
آی بابامون بنذری
اولسون مبارک سنون مقدمون آی ابوالفضل
لبلرون گولدن گوزل قاشلارون بیت الغزل
یوسف سنه اوخشاسا حورایه قویماز محل
غیرتیوه عشقیوه دنیاده گلمز مثل
سن سن منیم آرخام ائلیم
آدووه عاشقدی دیلیم
گوزووین یاشین قوی سیلیم
آی بابامون بنذری
اولسون مبارک سنون مقدمون آی ابوالفضل
گوزلریوون قاره سی عاشقلرین چاره سی
توختاماز سن گولمه سون ئورگیمون یاره سی
ائوی ایشیقلاندیروب آنامون مهپاره سی
سردار جنگ و جدلیم
گهواره ده یات گوزلیم
خرمادن شیرین عسلیم
آی بابامون بنذری
اولسون مبارک سنون مقدمون آی ابوالفضل
بلبل قونوب گلشنه نغمه اوخور سوسنه
آند اولا ئوز جانیوه عاشقدی روحیم سنه
مشتری ام نازیوه ناز ایله قارداش منه
قلبیمده تاب و تبه باخ
آچ گوزلرون زینبه باخ
صورتینده کوکبه باخ
آی بابامون بنذری
اولسون مبارک سنون مقدمون آی ابوالفضل
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.