گلدی گنه ماه عزا
قاره گییب ارض وسما
عالم حسینی سسلیور
اغلور بوغمده ماسوا
برپا اولوندی بزم غم
زهرانون اولدی قدی خم
اوخشور یارالی بی کسم
شوره گلیب اهل ولا
دنیا اولوب محنت سرا
جنتده طاها آغلادی
باشینه قاره باغلادی
سینه حسینه داغلادی
مظلوم دشت نینوا
اولسون سنه جانلار فدا
بو آیدا سقا دوغرانیب
اخیام بی کسلر یانیب
عرشه نوالر قوزانیب
مسروریدی اهل دغا
بی کس قالیب آل کسا
عطشان کسیلدی شاه دین
فخر سماوات و زمین
نالاندی جنات برین
فرزند پاک مصطفی
اولدی شهید کربلا
هامی بیلور بو مطلبی
اصغر قوجالدی زینبی
اول غمگسار مکتبی
خالق دیوبدی مرحبا
ای دختر خیر النسا
یول سالدی عباس القمه
تا سو یترسین مخیمه
اولدوردولر یا فاطمه
قولار اولوب تندن جدا
سس گلدی ادرک یا اخا
شش ماهه نین تیر عدو
قانیله وئردی شستشو
قلبینده قالدی آرزو
لعنت اولا اوچ پر اوخا
عطشان اولوب نازلی بالا
ای دین حقه خون بها
درگاهیوه گلدیخ اقا
ایله بیزه لطف و عطا
ائتسین (عبادی) بیر دعا
مرضای دینه ویر شفا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.