ماه عزا ماه محرم گلوب
موسم درد و غم و ماتم گلوب
عرشه چیخوب ناله لر...سولدی هامی لاله لر
شاه ولا کرببلایه گلوب
ابر غم و غصه سمایه گلوب
کفرزمان ظلم و جفا ایلیوب
ارض و سما جمله نوایه گلوب
قاره گیون آغلیون...سینه لری داغلیون
کشتی دین عرشه سینون سروری
جمله احبّانون حسین دلبری
کرببلایه گتوروب همرهی
اکبریلن قاسمینی اصغری
نور خدا دور حسین...شمس هدادور حسین
زینب و کلثوم ایکی خواهر گلوب
اهل حرم جمله سراسر گلوب
قوت زانوی شهنشاه دین
الده علم شیر دلاور گلوب
عون هنرور گلوب...فضلیله جعفر گلوب
الده علم حضرت عباسی دور
تیغ دو دم الده کی الماسی دور
یتمیش ایکی فدیه سی قربانی وار
چوخ دو خطا گر دسه الیاسی دور
عاشق یزدان دی بو...حافظ قرآندی بو
واردی کنارینده هله یاوری
مد نظرده ولی تک داوری
لیلیِ غم دیده سی حیران قویار
صحن منا ایچره اولان هاجری
اکبری قربان ویرر...فدیه ی جانان ویرر
دین آغاجین قانیله سیراب ایدر
کرببلا توپراقینی ناب ایدر
کیم اشیده باشه گلن محنتین
سنگ اولا قلبی او دیلی آب ایدر
دوغراناجاق اکبری...اوخلاناجاق اصغری
تیغ اوتورار اکبرینون باشینه
قان یاخیلار کاکلینه قاشینه
اکبر گلگون کفنین محنتی
قاره سالار لیلی سینون باشینه
منشق اولان فرق اولار...لیلی غمه غرق اولار
حرمله اوخلار علی اصغرین
قانیله رنگین ایلیر لب لرین
اصغر شش ماهه سینون قانیله
زینت ایدر مکتبینین دفترین
عشقینه پایان ویرر ... تشنه ئوزی جان ورر
اوچ پر اوخیلان سینه سی اوخلانار
قلب علی باغ جنان دا یانار
زینب غم دیده توکر گوز یاشین
اشک فراقیله یوزی ایسلانار
قاره سالار باشینه...یاس دوتا قارداشینه
سسلنر ای وای آنا یاندی دیلیم
قارداشیم ئولدی گیدوب الدن اِلیم
غم بوریوب سینمی قان آغلارام
یوخدی توان دیزده خم اولموش بئلیم
قلبیمی غملر بولوب...تشنه حسینیم ئولوب
میر هدی کرببلا سروری
شیعه لرون رهبری هم دلبری
گلمیشوک آقا قاپووا سائلوک
ایله کرم باغ جنان زیوری
درده دوا ایستروک...کرببلا ایستروک
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.