گلوبدی ماه غم و ماه ماتم
دولاندی آیلار یتشدی محرم
خدا اولوبدی حسینه عزادار
وئروبلا عرشه اوجا قاره پرچم
یاسه باتوبدی جهان
یر گوی ائدوله فغان
ذکر ائدوری قدسیان
جان آقاجان آقا جان
غمونده گوز یاشیمی من الرم
اولونجه عزا بزمیوه گلرم
سنه من قربان آقاجان آقاجان....
یتوب حسین جان گینه ماه غمون
منه همیشه اولوبدی کرمون
آند اولسون آقا رقیه جاننا
باشیما دوشوبدی شوق حرمون
باش قره باغلیارام
سینمی داغلیارام
هاردا عزاوی گوروب
ایلشوب آغلیارام
اورک قانین قاتموشام گوز یاشینا
یازون بو سوزی قبریمون داشینا
سنه من قربان آقاجان آقاجان.....
امان او گونون جفا اولدی سنه
رحم ائتمدیلر کهنه پیروهنه
قالموشدی شمرون اللرینده باشون
نجه دوزوبدی باجون بو محنه
زینبی غم قوجادور
قتلگهی دولانور
اللری باشدا گلوب
قارداشون اونان آلور
باشیما قانین گوتوروب یاخارام
سن جان وئروسن سنه من باخارام
سنه من قربان یارالی....
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.