باشلیوب ماه محرم
یر گویی دولدوردی ماتم
جوشه گلدی بار الهی
کربلاده نهر علقم
کربلانین دوتوب غم هواسین
قاره پوش ائتدی زهرا آناسین
یابن زهرا گل هرایه
سنده سس قوش بو نوایه
دوشدی آل مصطفانین
باشی چوخلی غم بلایه
باشلادی جدیوین بزم یاسی
گلدی یولدان حسینون عزاسی
جانلارا ماتم دولوبدی
باغ پیغمبر سولوبدی
چونکی گلدی بیرده یولدان
ماه مُحَــرَّم اولوبدی
قاره گیدی هامی یابن زهرا
چونکی قاره گیوب ایندی زهرا
غم چیخوبدی آسمانه
سس چاتوب باغ جنانه
گل خانیم زهرا هرایه
باتدی اوغلون چونکی قانه
سسله سنده حسین جان یارالی
جانیوی وئردون عطشان یارالی
باشلانوبدی غملی گونلر
یاس دوتوب گلشنده گوللر
نوحه باشلور بار الهی
وای حسینیم سسلیَنلَر
هامّی غمدن اولوب خسته یارب
چونکی غمدن سولار غملی زینب
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.