گوزوم دویمادی سندن آنام جانی رقیّه
وئروب جان وطن ائتدون بو ویرانی رقیّه
دعای ظفر ایلور اسیران سنه خاطر
وئرور مژده رحمت بشیران سنه خاطر
که آباد اولاجاقدی بو ویران سن هخاطر
ملکلردی بو قبرین نگهبانی رقیّه
خداحافظ عزیزیم یولا قافله دوشدی
بیبون آرایه عجب فاصله دوشدی
ولی گئتمز اورکدن بیر آد که دله دوشدی
که مجذوب ائدوب عشقون محبّانی رقیّه
سنون شامه گلنده قابار اولدی ایاقون
بو یرده شب وصله دونوب صبح فراقون
او قدری یولا باخدون بابان اولدی قوناقون
دوروب باغریوا باسدون او مهمانی رقیّه
دئمه غربته دوشدوم بو قبره گلن اولماز
جلالون ائله آرتار که مثلین گورن اولماز
بیبیون زینبه سنسیز مدینه وطن اولماز
آتار مرغ خیالیم او سامانی رقیّه
قیزیم یثربه گئتسم دوباره گلرم من
بو قبرین ئوز الیمله غبارین سیلرم من
سنون تک وطنیمده اوزاقدا ئولرم من
چکر شامه علاقه ن بونالانی رقیّه
گئدوب قالمادون آخر من بیکسه سنده
آنام یادیمه دوشدی سنی دفن ایلینده
باخوب سیلی نشانین جمالونده گورنده
داغیتدوب یوزه زلف پریشانی رقیّه
گوزل همسفریم دور گل آهیله نوایه
که یولداشلارون ایندی گئدور کرب و بلایه
گئداخ زجریله زجردن ایله ابوالفضله شکایت
توکوب گزیاشین آغلات او سقّانی رقیّه
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.