الله ئورکلرده یازوب کربلا
بو قانلی دفتر ده یازوب کربلا
کرب و بلا سینه احبابیدی
گللری قان گلشنی شادابیدی
چون حرم حضرت اربابیدی
قان دل مضطرده یازوب کربلا
کرب و بلا هر مرضه چاره دی
تربتی درمان دل بیماره دی
جوهره سی بیر تن صد پاره دی
اوخلار او پیکرده یازوب کربلا
کرب و بلاده سوآخور چوللره
موجی وورور اود دل پیغمبره
وای او سودان وئرمدیلر اصغره
قان لب اصغرده یازوب کربلا
فاطمیه نور دو عین اوردادی
قبر ابوالفضل و حسین اوردادی
شارع بین الحرمین اوردادی
عشق ، او معبرده یازوب کربلا
ایندیده یا رب سسی اوردان گلور
شیحه مرکب سسی اوردان گلور
تلیده زینب سسی اوردان گلور
آهی چوخور یرده یازوب کربلا
هر کس حسین قبرنیه بیر یول گئدوب
اللهی واللهی زیارت ائدوب
گور بیزیلن تیر محبت نئدوب
قلب مکدرده یازوب کربلا
کرب وبلا کعبه سیه پوشه دی
قبله جان زایر مدهوشه دی
کعبه چهار گوشه او ششگوشه دی
ناظر او منظرده یازوب کربلا
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.