دینن بیگانه جمع ایتسون بساطین
بیزه یاور فقط زهرادی زهرا
امیرالمومنینه جاندی زهرا
اورکلر ملکینه سلطاندی زهرا
یاپوشسان پرچمیندن دستماز آل
یوز اون دورت سوره ی قرآندی زهرا
ملکوت اهلینه همدمدی زهرا
نگین حلقه ی خاتم دی زهرا
ملکلر سایه سینده پر ویروللار
دلیل خلقت عالمدی زهرا
خانم زهرا گل دلخواهیمیزدی
عزاسی عزتیلن جاهیمیزدی
اوزی مادردی کل شیعیانه
جهاندا اوغلی مهدی شاهیمیزدی
عدالت خصلتین مولادن اورگش
محبت سیرتین طاهادن اورگش
دینن شیعه دلیجه بدحجابه
حیانی حضرت زهرادن اورگش
اشیت خیر النسانین زینبیندن
ملکلر درس آلوب چادر شبیندن
بیله شاگرد ممتازه ماشالله
چیخوب علامه زهرا مکتبیندن
همان زینب هوادار حسیندی
بلا دشتینده غمخوار حسیندی
اسوردی قورخودان آل امیه
ابوالفضل تک علمدار حسیندی
همان زینب حسین تک حق دیندی
یزیدین قصرینی ویران ادندی
ایله بیل خطبه سی تیغ علیدور
آتاسی شیر اوزوده شیر زندی
همان زینبدی که زهرا نشاندی
شرف و آبرو دینه قازاندی
مقام زینبه ایتسم اشاره
سه ساله فاطمه سی قهرماندی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.