اویان یاتما ای سپهداریم دور آدامسیزدی قارداشون قارداش
گوزون آچ باخ قانلی میداندا گورنه یالقوزدی قاردا شون قارداش
علم یاتدی دور علمداریم
بلیم سیندی یاتما سرداریم
بابام حیدر اوپدوگی گوزدن دشت ماتمده سانجیلوب پیکان
عمود آهن باشووه دگدی تله سس گلدی من دیدیم جان جان
قولوندان سو تک آخان قانه قارداش آواره قارداشون قربان
منه بوردا ال چالان چوخدی
اویان یاتما بیر کسیم یوخدی
جان اباالفضلیم جان اباالفضلیم
سوسوزلیقدان خیمه گاهیمده نازلی بلبل لر دوشدولر دلدن
نجه آیا قورتاروم سن ده کربلاده بو امر مشکل دن
نجه قیزلاره دیوم آیا باوفا سقا آیریلور ائلدن
عطشدن دای جان ویرور اصغر
رقیم سقا یولون گوزلر
جان اباالفضلیم جان اباالفضلیم
باتاندان قانه بو گول جسمون مونس ناله یار آهم دور
سپهسالارم ولی اعدانون آراسیندا بی سپاهم دور
هامی درده چارییم اما گورنه بو چولده بی پناهم دور
باتوب قانه لشکریم یاتما
اسور غمدن پیکریم یاتما
جان اباالفضلیم جان اباالفضلیم
ایا ای ماه بنی هاشم نهرین اوستونده آی کیمین باتما
منیم سن بیل فاطمه جانی قانلی صحراده داشیمی آتما
منی بو لشکر قباقینده حیدره خاطر بیله آغلاتما
بو درده یوخ طاقتیم قارداش
کیچوب حددن محنتیم قارداش
جان اباالفضلیم جان اباالفضلیم
باتاندا قانه علی اکبر باشیمه ویردیم گول کیمین سولدوم
سنی گوردوم باشیمون اوسته دردیم اسکیلدی شادمان اولدوم
سنی بو حالدا ولی گورجک قلبیم اوتلاندی ابرتک دولدوم
منیم ای انور جمالیم دور
داغیلدی جاه و جلالیم دور
جان اباالفضلیم جان اباالفضلیم
باشون اوسته باشینی آچان قلب طاهادی عالمینه شه
اشیتدیم آلمیشدی آغوشه باشووی زهرا ای منور مه
او آغوشین حسرتینده من اللی ایل یاندیم بختووه به به
بیله بیر احسانه اولماز تای
سنه چالدی فاطمه لایلای
جان اباالفضلیم جان اباالفضلیم
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.