گوهر کنز محبتدی رضانون باجسی
قلزم جود و کرامتدی رضانون باجسی
جلوه نور ولایتدی رضانون باجسی
آدی معصومه دی برج شرفین اولدوزودی
بیر بویوک شهرتی وار باب الحوائج قیزیدی
بونی عالمده کریمه تانوری اهل ولا
ئوزی تندیس حیادی آدی هردرده دوا
ایوی دانشگه عرفان قاپوسی باب رجا
اومقدس قاپویا شاه و گدا مشتریدی
آدی گویللرده ملکلر آدینون ازبریدی
ماه ذیقعده گلوبدور بو خانم دنیایه
آناسی فاطمه تک زینت اولوب بطحایه
حضرت کاظمه حق وردی گوزل سرمایه
قرب درگاه خداوندیده محبوبه دی بو
یعنی هم نام خانم فاطمه ،معصومه دی بو
شمع کاشانه ی دانشدی خانم معصومه
عاشق ذکر و نیایشدی خانم معصومه
مشعل بزم همایشدی خانم معصومه
سالکان ره حق روحینه ریحانه دی بو
علمیده عالمه دی حکمته فرزانه دی بو
درس الوب موسی جعفردن اولوب علامه
یارادوب مکتب عرفاندا گوزل هنگامه
بو وئرر حوزه علمیه لره برنامه
اسیری گنبدی اوستونده رضانون علمی
همجوار اولدی بهشتیله مطهر حرمی
کرم و لطفون عیان ایتدی خانم معصومه
گلدی ایرانی مکان ایتدی خانم معصومه
قمی گلزار جنان ایتدی خانم معصومه
خاک قم رشک آپارار عرشه فضیلت واریدی
مرحبا اهل قما گورنه سعادت واریدی
