یارب فضای دهره اسوب صرصر شمال

یارب فضای دهره اسوب صرصر شمال

قلب ملوله آرتیریب اندوه و غم ، ملال

فصل خزان علامتی وار نوبهاریده

مشهود دور طراوت ایام ده  زوال

گل لر سولوب نوایه گلوب عندلیب لر

لاله سالوبدی باشین اشاقه فسرده حال

الدن گیدوب طراوت گلزار و بوستان

خار و خس آرتیروبدی گله محنت و ملال

قمری اولوبدی بلبل نالانه هم نوا

یاندیردی قلب عالمی بیر ائیله ابتهال

کون و مکانه سایه سالوبدور سکوت سرد

غملی فضاده یوخدی کمیت دله مجال

ماتم سرایه دوندی بوگون هفت آسمان

ایلیر روانه درج بصردن یئره نوال

طوفان زده چمن ده یاغیر نم نم الم

گون گویده گیزلنوب گونوز اولموشدی لیل طال

چرخ فلک ایدوبدی قزح قوسین اختفا

شرم ایلیری نشان ویره گویلرده رنگ آل

شمس مدار عالم خلقت غروب ایدور

ظلمت قرا لواسین آچیر گوستره ظلال

زهر جفا ایدوبدی اثر قلب عالمه

ختم رسالته ویروب یوز حال ارتحال

قصدیم یوخ عرض ایدم که یهودیه نیلدی

کیم خبره دور خبرده بولر وار نه قیل و قال

پوشیده رد اولوم قالا سوزلر سوز اهلینه

ایما کفایت ایلیری یوخ حاجت جدال

القصه مرگ بسترینه دوشدی مصطفی

بهبود حاصل اولماقی بیر امر دور محال

عرشه چکیلدی قاره و سکان نه فلک

گلدی عیادت ایلیه طاهانی پر ملال

عرش خداده روح الامین باشینی آچوب

غم پرده سینده باشلادی میکال ، ابتهال

عیسایه چرخ چارم اولوب مجلس عزا

ادریسه صحن جنت اولوب کنج اعتزال

نوح نبی نوایه گلوب نوحه باشلادی

طوفان درده قلبی دی عین تنور زال

گر ماتم اولماسیدی بری ذات حق دن

صاحب عزا اولاردی بو ماتم ده ذوالجلال

دین مبین رسولی دوشوب حال رحلته

هجران یاخینلاشیب دی تمامه یتیر وصال

دوشدی شماره نفس نفیسین نفس لری

حیرتدیم که دوشمدی کونینه اختلال

احضار ایدوب حضوره نبی ئوز وصی نی

میراث علمی ویرسین او مولایه انتقال

مین رمزی کلمه رمزین آچوب رمز و رازیله

منسوب نقص  اولمیا حیدر ده کی کمال

هر کلمه سیله فتح اولی مین باب علم ناب

هیهات اوج فهمینه چاتسین ره خیال

عهدین یتیردی باشه گینه گتدی هوش دن

مدهوش ایدوب پیمبری تک جرعه ی وصال

شوق نگار الدن آلوب اختیارینی

مست می طهور ولا دور او خوش خصال

گاهی یتور مشامه شمیم دم وصال

خیرالانامه یوز ویریری حال انفعال

بیر آن گلنده هوشه دونوب باخدی صاق صولا

زهرانی چون گوروب اوجالوب نغمه "تعال"

وصلیم یتور تمامه قیزیم اخذ کام ایله

بیرده آتان باشین گل ئوزون بیر دیز اوسته آل

امر ایلیوب کنار اولا جمله صحابه لر

زهرائیله دانیشماقا طاها تاپا مجال

چیخدی حریم محرم اسرار خلق دن

نامحرمان سر خفی چوخ فسرده حال

اغیار خارج اولدولار اول بزم یار دن

ایتسونلر امر احمد مختاره امتثال

یاریله یار خلوت ایدوب بزم انس ده

کشف اولدی راز و رمز ازل باشلانوب مقال

هوشه گیدوبدی بیرده او اثناده مصطفی

گل تک سولوب سارالدی یوزی کهربا مثال

باش آچدی باشی اوسته پریشان و بی قرار

محبوبه ی نجیبه ی خلاق لا یزال

آرام ایدردی فاطمه نی مرتضی علی

چشم تریندن اولدی روان چشمه ی زلال

تاثیر ایدوبدی ناله سی روح پیمبره

آچدی گوزون حبیب خداوند ذوالجلال

زهرا اولوب پیمبریله بیرده قول بویون

وقت فراق یتدی گلوب گاه ابتهال

عرشه پر آچدی طایر روح رسول حق

اولدی دوباره فاطمه نین قلبی پرملال

حیدر آییردی فاطمه سین احترامیله

رسم عزا اوچون باشینا سالدی قاره شال

ای دل شکسته نی کیمی باشلا نوایه گل

دشت بلاده عترت طاهانی یاده سال

کرب و بلا چولونده هایاندیدی مرتضی

قمچی ویراندا داغلی قیزا فرقه ی ضلال

هر قیز دوشنمیشیدی آتا نعشی اوستونه

قمچی له قارخیزاردی اونی قوم بد سگال

بانگ رحیل اوجاتدی ولی شمر بولمدی

بلبل گلیندن آیریلا بیر امر دور محال

زینب گلوبدی قتلگهه عرض ایدوب حسین

دور گور که فامت الفیم اولدی شکل دال

صحرایه قیزلارون داغیلیبدور ییغانمیرام

ییغماق میسر اولسا دا ویرمیر عدو مجال

« بحری » تغافل ایلمه ذکر حسین دن

سسله حسینین آدینی هر روز و ماه و سال

ایلوب گناه آینه ی قلبیوی کدر

مرآت قلبه ذکر حسینیله ویر صقال

دنیا و آخرت ده خدا ایلسین عطا

سینه ن ده نقش نوکری مصطفی و آل

سالدی دلدن ستم جعده منی زینب اویان

سالدی دلدن ستم جعده منی زینب اویان

ایلیوب ظلمله مسموم حسنی زینب اویان

نصف شب میل ائلدیم سواورگیم یاندی باجی

پارچالاندی  جگریم قلبیم الولاندی باجی

سسله قارداشلاریمی موسم هجراندی باجی

ترک ائدور طائر روحیم بدنی زینب اویان

بودل شبده آلوب زهر جفا طاقتیمی

رنگ رخساریم عیان ایلیوری محنتیمی

گل قبول ایله آنام نائبه سی زحمتیمی

حسنین وارسنه دیلده سخنی زینب اویان

پیک حق نازل اولوب روحمی تندن آیرا

دست تقدیریله قارداشوی سندن آیرا

خردا اطفالیمی آغلارقویا مندن آیرا

سسلورم علت اودی ایمدی سنی زینب اویان

مجتبی گلشنونون گللری غمدن سولاجاق

قاسمین گوزلری اشگیله لبالب دولاجاق

فرقتیمده بالام عبدالله عزادار اولاجاق

قویارآغلارآتاسیزلیق محنی زینب اویان

آزقالوردهریده باشه یتشه درد وغمیم

جام دلدن بوشالامحنت واندوه عَمیم

کنج منزلده گله نالیه طفلان یتیم

پوزلورقارداشون انجمنی زینب اویان

اولموشام زهریله مسموم یانورجان وتنیم

لحظه لحظه اثرائتدوقجادوتوراوت بدنیم

همسریم اولدی ائویمده ستم وظلم ائدنیم

گورمیوب دیده بئله اهرمنی زینب اویان

کوکب عمرمی جعده ستمی ایتدی زوال

زهریله کوزه نی آغشته ائدوب کینه خصال

بیرنفرشرح ائده بولمزبئله بیرظلمه مثال

یاندیرا سوبوسیاق جان وتنی زینب اویان

یاندورب خرمن دیلده بوسوسنبللریمی

گوره بولمم داخی بیرده سارالان گللریمی

قویما هجریمده فغان ایلیه بلبللریمی

دله دوتماقلیقا سرو و سمنی زینب اویان

کاش اولیدی آنامیز فاطمه صدیقه مرام

اگلشیدی باشیم اوسته ثمر خیرالانام

تاگوریدی گونوزوم اولدی نجه دیده ده شام

قان ائدوب اشگیمی اشراردنی زینب اویان

شهریثربده یتشدی منه چوخ دردوعذاب

مجتبانون اورگین ایلدیلرگونده کباب

قالمیوب غملرالینده یارالی سینده تاب

ترک ائدوردیده سی گریان وطنی زینب اویان

محفل غمده  « جوانی » اولاجاق نوحه سرا

آغلیوب آغلادار احبابوی شاه دوسرا

دیلده تکرار ائلیر بوسوزی هرصبح و مسا

سالدی دیلدن ستم جعُده منی زینب اویان

بیریسی آغلاسا بیر قطره حضرت حَسَنه

بیریسی آغلاسا بیر قطره حضرت حَسَنه

ویره لّه حشریده هر قطره سینه یوز حَسَنه

دوتار بتول عزا بیست و هشتم صفری

فنا جهاندان ایدوب اوغلی آخرت سفری

حسن حسینیدن آرتوق گوروبدی جور و ستم

قصوری وار قلمین یازماقا او ظلم لری

آلوبلا حقّینی اَلدن ایدوبله خانه نشین

دولوب مصیبت و دردیله قلب منکسری

تحمّل ایتماقا ماموریدی دوزِیدی گرک

اودور تحمّلی ایتمیشدی مشرکینی جَری

او قلب عالمیدی چون که صبر دریاسی

چکوب مصیبت و محنت تحمّلی قَدَری

خطیب لر آتاسین سبّ ایدردی منبرده

موثّقین یازوب بو حدیث معتبری

قویوبلار آدینی مومنلری ذلیل ایلین

آچوبلا طعنه دلین اول شهه صحابه لری

بو قدر ظلملره اکتفا ایدِیدیله کاش

قویِیدیلر قالا آسوده اول مَلَک سیَری

ویروبله بیر نچه دفعه او شاهه زهر جفا

ایدوبله قلب شریفین خدنگ غم سپری

سالوبلا روضه ی پیغمبره تاپوبدی شِفا

سونوب عنایت حقّیله دلده کی شرری

ایدوب اوز عورتی آخِر او سروری مسموم

ویروبدی حالینه تغییر زهر کین اثری

سوروندی گَلدی خانم زینبین باشی اوسته

اویاتدی شیونی اول بخت قاره دربدری

اویاندی حضرت علیا مکرّمه زینب

دولاندیراندا گوزین دوشدی قارداشا نظری

نه گوردی پارچالانوب لبلری، آخور قانی

اَلی اورکده- رواندور عذاره اشک تری

دیدی باجون سنه قربان نه وار بیان ایله

یارالی قلبیوین آرتوب ندن غم و کَدَری

جواب ویردی آنام باجی اولموشام مسموم

دایانما ویر آتام اوغلی حسینه بو خبری

حسینه دی اُلورم باشیم اوستونه گَلسون

اولوبدی مدّت رنج و مصیبتیم سپری

بلا خزینه ی زینب حسینه ویردی خبر

حسین و قاسم عبّاس گَلدی مختصری

امام ایستدی بیر تشت حاضر ایلدیلر

نه حاله زهر سالوب گور ولیّ دادگری

دوتوب او طشته یوزون مجتبی آلوب نفسین

توكولدی طشته نچه پاره دوغرانان جگری

مخدّرات توكوب گوز یاشین نجوم كیمی

ایدوب غروب سپهر امامتین قمری

باخاندا طشته آچوب باشینی خانم زینب

دونوبدی غنچه كیمی قانه قلب منزجری

باخوبدی طشته ایكی یرده ایلدی ناله

بلا خزانه سینون بو یگانه بیر گهری

ازل بو یرده گوروب مجتبی جگرلرینی

ایكیمجی بزم یزیده دوشن زمان گذری

گوروب حسین باشینی طشتیده ایدوب شیون

پوزوب او شیونیله حال فرقه ی كفری

دایانا بُلمدی چاك ایلدی گریبانین

چخوب اوزیندن او نخل هدایتین ثمری

گوروب یزید وورور خیزران حسین باشنا

مخاطب ایتدی او بیرحم توده ی بشری

بالالاری باخوری وورما ظالم اَل ساخلا

ووروب حسینیمی آغلاتما بو یتیمه لری

دایان حسینی داخی ایتمه بو غمی تحریر

بو محنت آغلادوری قان، امام منتَظَری

قادرآللهین آدیلان سوزی عنوان ائدورم

قادرآللهین آدیلان سوزی عنوان ائدورم

اوّلِ شعریده حَمدِ حقِ سبحان ائدورم

مستند یازدیقمی مدرک ایمان ائدورم

بلکه ایمان اولا مونس منه آخر نَفَسیم

پنج تن لطفیله محشرده اولا دادرسیم

اونداکی پرده آچوب خلقتین آیدین سحری

صانِعین اولدی بو دنیاده صَناعت نظری

 پنج تن باعث اولوب خلق ائلیوبدور بشری

اولماسیدی اولارین نوری بو خلقت یوخیدی

خَلقِ انسانیده بیر بیله جلالت یوخیدی

یارادان پنج تنی زینت عالم یارادوب

آدلارین آیری ولی عشقیده با هم یارادوب

احمد و حیدری اعلا و مُکرّم یارادوب

فاطمیله حسنِینی ائدوب الگوی ثُبات

اولارین سیره سی دور شیعه لره راهِ نجات

نورِ واحددی بولار گوزله ئورک اولما ظنین

صَرصَرِ ظَنّیله سولدورما ولایت چمنین

یوخدی روشن دئیورم فرقی حسین و حسنین

شیشه ی شَکّووی چال کوهِ حقیقت داشینا

بو حسن اون ائیل امام اولدی حسین قارداشینا

مَبدَاء عشقیدورآدی ئوزی مقصود شهود

جودِ موجوده وجود، آیتی ابعادهَ حدود

بودِ امکانه اولان هر نَفَسی بود و نبود

جانِ صُلحِ  بَشَره مایه دی بو جانِ شرف

هستِ عالمدی ئوزی ،هستیِ سلطان نجف

فیض فیّاضِ اَزل جَلوه ی جاناندی حسن

محور دایره ی عا لم امکاندی حسن

مُلکِ حِلم و شرف و عزّته سلطاندی حسن

حسرتین چکدی مَلک خاتم ئوپنده یوزینی

من کیمم؟ گویلرین اهلی ائدوب از بر سوزینی

اگلشنده درِ منزلده او زیبای طَهور

بوریَردی بوتون اطرافینی چون هاله ی نور

 یولی باغلاردیلا اولمازدی داخی راهِ عبور

چون  ائله جذب ائلیردی گلنی یا گیدنی

دایاناردی هامی رویت ائده وجهُ الحَسَنی

اوندا کی جنگ جَمل اولدی چخوب عرشه فغان

وحدت عایشه و طلحه زُبیر اولدی عیان

الده شمشیری ائدوب حمله اوسردار جوان

لشگری قیردی بو باشدان او باشا چخدی حسن

پئیلدی عایشه نین ناقه سینی یخدی حسن

دولانورگونده مَلک بابِ کرامت حرمین

عرشین اوستونده اوجالدوبدور عنایت علَمین

اونا وابسته دی کیم محشره قویسا قدمین

عشقینی قلبیده من محور ایمان ائدرم

اولانیم جاندی الیمده اونا قربان ائدرم

فکریم عاجزدی قالیب مدحینه آواره قلم

تاپمورام شانینه لایق سوزی الّلهه قسم

دئیه بیلّلم اونا خاطر یارانیب کُلّ  نِعُم

پنج تندن بیریدور،خلقت دنیایه سبب

حیدرین اوغلیدی زهرا گوزلی پاک نسب

صبری حیرتده قویوب عشقه وئروب عِزّ  و شرف

فخر ائدوبدور بئله دُردانیه سلطان نجف

صلحی اعلام ائلدی دیندی بیزه اصل هدف

گر چه بو صلحه گوره وردیلا چوخ زخم زبان

تازه قان تا پدی ولی پیکر دین ده جریان

اونا عمریم نَقَدر واردی جگر داغلیارام

ماتمینده دولانوب باشه  قرا باغلیارام

غربتین یاده سا لیب غملرینه آغلیارام

کیم اونون تک وطنینده الی قوینوندا  قالیب

کیمی آیا ئوز ایوینده حرمی درده سالیب؟

بیلمورم سّری نَدورگردشِ چرخِ فلکین

تئز اِیتوردی بو فلک فاطمه نین دوز چورگین

کیم گوروب کوزه سوئی یاندیرا دریا ئورگین؟

یاندیریب جرعه سودان قلبینی بو پیرِ فلک

میل ائدنده او سوئی حالینه آغلوردی ملک

عمرینی صرف رضایِ حق ائدوب میرِ حَرَم

ثروتین بذل ائلدی اوچ یول او دریای کَرَم

یعنی بو مردِ خدا نفسینه ده اولمادی خَم

اولدی آینده لره اُسوه ی ایثار و یقین

اوندان اورگشدی بو ایثاری ابوالفضل امین

نهری آلدی ولی سو ایچمدی عبّاسِ جوان

دایانوب نفسه مقابل شرفُ النّاس او زمان

گوئیا گوردی سودا عکس رُخِ یاری عیان

دئدی ای سوآخوسان ؟تشنه قالوب یاندی حسین

ایچمرم من سنی یالوارما لب عطشاندی حسین

چخدی لب تشنه سودان تشنه ی جامِ ازلی

سوئی حیرتده قویوب عشقیدن عباس علی

بیر الینده علَمی مشکیده امّا بیر ا لی

قلبی شوقیله دولی حیدرکرّاره خَلَف

چگنینه سالدی سو مشکین گئده خرگاهه طرف

دئیور ایکاش سوئی خیمه لره تئز آپارام

قویسالار مرکبیمی خیمیه یکسر چاپارام

سو یتشسه باجیما عشقیده عزّت تاپارام

زینبون گویلون آلوب قیزلاری سیراب ائدرم

سو منه قالماسادا تشنه لیگه تاب ائدرم

بو خیالیله چکور نقشه او ممدوح ِ مَلَک

آیری بیر نقشه ولی چکدی اونا پیرِ فلک

چوخیدی دشمنی امّا او قالوب عرصه ده تک

یاغدیروبلار اوخی باران بلا مثلی او دَم

دگدی هر اوخ قان آتوب یکسره قان اولدی علم

جگریم زهر جفائیله منیم یاندی باجی

جگریم   زهر   جفائیله   منیم    یاندی باجی

گوزون آچ بیرجه اویان لبلریم اودلاندی باجی

 

قیل نظر ای باجی بو قانه دونن گوزیاشیما

دور    خبر ایله    گیلن    کان وفا قارداشیما

هامی اولاد  علی   جمع اولا   آخِر باشیما

موسم وصل گیچوب موقع هجراندی باجی

 

بو   نئجه    زهردور   آخِر    منی بو حاله سالوب

طاقت   و    صبریمی      بو زهر    جفا اَلدن آلوب

آچ گوزون باخ یوزومه گور نجه گل  تک سارالوب

بولموسن حالیمی سن ، جسمیم اَلولاندی باجی

 

باجی زینب گوزون آچ دیدۀ گریانیمی گور

آه  و   فریادیمی ،   بو ناله و افغانیمی گور

سارالان رنگیمه باخ حال پریشانیمی گور

سرّی وار گوزلریم آخِر بئله گریاندی باجی

 

ائله    ایلوبدی    اثر ای    باجی   بو   زهر    منه

سارالوب سولدی یوزوم دوندی سولان یاسمنه

گوئیا   فصل   خزاندور    یتیشوب   بیر     چمنه

گل کیمی لبلریم آخِر ائله خنداندی باجی

 

نیلمیشدیم باجی من جعدیه مسموم ایلدی

منی مسموم ایلیوب سیزلری مغموم ایلدی

کیمی بو چرخ دنی من کیمی مظلوم ایلدی

اهل دیل اولسا منیم حالیمه حیراندی باجی

 

بیله تحریر ایلیوب لوحه باجی کِلکِ قضا

بولورم ئولدوره جاقدور منی بو زهر جفا

وئر خبر دوره می آلسونلا هامی آل عبا

قارداشون بیر نئچه ساعت سنه مهماندی باجی

 

ائله مدهوش ایلیوبدور منی اول جلوۀ یار

تاپارام ای باجی بو زهریله من وصل نگار

آل    طاها   بولورم    درد   و ملالیمده یانار

مقصدیم لیک منیم محضر جاناندی باجی

 

محنتیمده   یئری وار   باجی جگر داغلیه سن

جان وئرن وقتیده سن گوزلریمی باغلیه سن

دگولم   راضی ولی باشه    ووروب آغلیه سن

نسگلیم گرچه سنه موجب افغاندی باجی

 

صبر قیل توکمه بو غمده باجی جان گوزیاشیوی

یولما زلفون ، بو مصیبتده سن آچما باشیوی

آغلا او وقته گوررسن بو حسین قارداشیوی

قتلگاه ایچره که اوز قانینه غلطاندی باجی

 

راه حقده باجی یتمیش ایکی قربان وئره جاق

هم اوزی جمله هواداری سوسوز جان وئره جاق

سو دیوب قاتلی چون سو یرینه قان وئره جاق

یانماز احوالینه ، سانماز ئولور عطشاندی باجی

 

قوملار اوسته قالاجاقدی باجی عریان بدنی

کربلانین خس و خاشاکی اولور چون کفنی

بیر نفر اولماز اونون غسل وئروب دفن ائدنی

اهل کوفه گوره سن آدی مسلماندی باجی

 

«عاصی» یاز نوحه مدام آغلا امام حسنه

هم بو دنیاده هم عقباده ویره لّر حسنه

باطناً اوزلری بو نوحه ده دم وئردی سنه

جگریم زهر جفائیله منیم یاندی باجی

گل زینب ئوزون فریاده

گل زینب ئوزون فریاده

سنسن کمکیم دنیاده

یاندی جگریم زینب جان

طشت ایله منه آماده

مونس منه درد و غم اولدی

بو دهریده قدیم خم اولدی(2)

نیلوم منه آخر ائویمده

ئوز محرمیم نامحرم اولدی(2)

جان اوسته یم گل داده زینب(3)

سینم آلیشور آی باجی

جانیم چیخیر ایوای باجی

گوزلر یومولان لحظه،سن

چال بیر منه لایلای باجی

یوخ مرگیدن اصلا هراسیم

باخ عرشیده باشلاندی یاسیم(2)

اما سنه بیر زحمتیم وار

بو،سن،بو عبدالله،بو قاسم(2)

جان اوسته یم گل داده زینب(3)

خصمین خطرین گوردوم من

زهرین اثرین گوردوم من

یاندیم،او یانان درگاهین

مسمار درین گوردوم من

بین در و دیواره باخدیم

اوچ یوز نفر اشراره باخدیم(2)

گول پرپر اولدی غنچه سولدی

اولموش خزان گلزاره باخدیم(2)

جان اوسته یم گل داده زینب(3)

دنیاده ایله مغمومم

مهر،آنادان محرومم

مظلومه آنامدان صورا

منده حسن مظلومم

غمدن دولوبدی گوزده ابریم

چوخدی باجی سندنده،صبریم(2)

آغلار قویار صاحب زمانی

بی سایبان و ساده قبریم(2)

جان اوسته یم گل داده زینب(3)

بیاور طشت از وفا به برم

بیاور طشت از وفا به برم 

پاره شد جگرم مهربان خواهر

نظر بنما پاره های تنم 

آید از دهنم بی امان خواهر

بیا بنشین در برم خواهر

که می سوزد پیکرم خواهر

آه و واویلا

خبر کن خواهر حسین مرا 

نور عین مرا کایدم بر سر

نمی باشد مادرم به سرم

کرده خونجگرم از جفا همسر

بیا بنشین در برم خواهر

که می سوزد پیکرم خواهر

آه و واویلا

خدا حافظ می روم ز جهان 

سوی باغ جنان چشم گوهر بار

روم نزد جدّ و مادر خود 

ظلم همسرِ خود می کنم اظهار

بیا بنشین در برم خواهر

که می سوزد پیکرم خواهر

آه و واویلا

اجل اویاتدی غرض خواب نازدن حسنی

اجل اویاتدی غرض خواب نازدن حسنی 

گوروب سوسوزدی سوایستور وجودینون چمنی 

ایدوبدی نوش او سودان دوشدی لرزیه بدنی 

بیلوب جگرلری اول زهریدن یارا گورجک 

بفوری سوده الماس قانه جذب اولدی 

ئورک پیاله سی مسموم قانیله دولدی 

جگرلری آلیشوب رنگی گل کیمی سولدی 

دیدی بو حالی نجه خویش واقربا گورجک 

گیجه زمانی کیمی داده سسلیوم یارب 

حسین دوام ایلمز کشف اولونسا بو مطلب 

سزلتمی ایشیدوب ایندی دیسگینر زینب 

نقدری معجرینی زینبیم قرا گورجک 

بوسوزی بیر نفر عالم بویوردی منبرده 

یازوب اونون دیدیگین چکمورم سوزه پرده

گوروب آلولانور اکبادی چوخ گلور درده 

فلک او خانه آبادی غم سرا گورجک 

حسیندن ایستدی بیر طشت ایهاالاحباب 

حسنه باخدی شه کربلا اولوب بی تاب 

چخارتدی زینبی دهلیز خانیه اوجناب 

بیلوردی قالسا خفا دردی برملا گورجک 

اطاقدن ایلدی مظهر بتولی کنار 

امام قی ایلدی طشته یا اولوالابصار 

جگرلری متلاشی اولوبدی گیتدی قرار 

مسلم اولدی حسن عمرینی فنا گورجک 

اوجالدی ناله سسی گتدی زینبی درده 

دوزنمدی اطاقا یوز قویوب دل افسرده

 حسین عباسینی طشت اوستنه ایدوب پرده 

جهان مگر او محبتده بیر اخا گورجک 

جنازه نی گتوروبلر غم وملالیله 

حریم احمده یوز قویدیلار جلالیله 

چخوبدی عایشه پیشوازه آیری حالیله 

دیدی مگر هر ایشی آل مصطفی گورجک 

ایویمده دفن ایده سوز مجتبانی یوخ امکان

دگل پیمبر رحمت جواری قبرستان 

جنازه نی دالی قیتر مه سوز همین الان 

مدینه نبوی شورش خطا گورجک 

محمد حنفیه قیلوب اونا اظهار

جمل عسکره اولدون اوگون ستمله سوار 

بوگونده استرون اوسته ویرورسن آیری شعار 

نقدری سندن علی عترتی جفا گورجک 

خطر جنگی گورن وقته سیدالشهدا 

خطاب قیلدی بنی هاشمه اومیر هدا 

قلنج چکمگوزه قارداشیم دگلدی رضا 

قویون نه ایش گوروری گورسون اشقیا گورجک 

طلیق زاده لره ایندی که کمکدی فلک 

بقیع سمتنه تابوتی قیترون نیلک 

جنازیه توخانان اوخلاری کنار ایلیک 

قوناقدی فاطمیه اوغلونی آنا گورجک 

اگر چه جنگ و جداله یوخوزدی دلده هراس 

گرک توکولمیه قان بیز دوتاق بقیعده یاس 

قویوب غلافینه شمشیرین آغلادی عباس 

دیدی بو قوللار هاچان بس ئوزون رها گورجک 

امامون امرینی اجرایه قویدی هاشمیان 

جنازه نی یتوروبله بقیعه ناله کنان 

نماز قیلدی حسین قبره قویدی ایتدی بیان

بوقبری هر کیم اوپه نور کبریا گورجک 

غمونله قارداش حسن قلبیم اولدی مالامال 

سنه نوا ایدرم گوز یاشیم اولا سیال 

محالیدور ایلیم بیرده عطر استعمال 

گوزوم بو عالمی بی وقروبی بها گورجک 

داخی لباس نشاطی وجودیدن سویدوم 

زمانه لذتنه پشت پا وروب دویدوم 

سنون باشووی قرا تپراق اوستنه قویدوم 

تصور ایتمه حسین نرم متکا گورجک 

حجاز تپراقی هر قدر لاله زار اولسا 

صبا یلی نقدر گلستانه یار اولسا 

کبوتران هوا یا که اشکبار اولسا 

حسین ئوزون اوقدر عاشق نوا گورجک 

زیان گورن اودگل ای همای صلح وصفا 

اثاث منزلی یا خیمه سی اولا یغما 

زیان گورن اودی که قارداشین مزاره قویا 

یقین ایشقلی گونون لیله الدجا گورجک 

یوزوی گورسه حسین خوابیده تسلادور 

یوخوما گل دانشاق خواهش وتمنادور 

ئولنلرون بیلورم وعده گاهی رویادور

گوزوم سنی یوخودا گورسه مطلقا گورجک

زینت صفحه ی تاریخ که نامش حسن است

زینت صفحه ی تاریخ که نامش حسن است

اثر صلح ثمر بخش امام حسن است

دم زنند ار ملل راقیه از صلح و صفا

پیروی از نظریّات و مرام حسن است

صلح او ضامن اجرائی شرع نبوی است

صلح او حافظ برّان ز حسام حسن است

صلح او حفظ جوانان بنی هاشم کرد

نظم اسلام ز صلحش به نظام حسن است

صلح او بود که پی ریزی عاشورا کرد

صبح عاشور درخشنده ز شام حسن است

هیبت و صولت او همچو رسول مدنی

چون علی قاطع و برّنده کلام حسن است

یوسف آن شاهد کنعان و عزیز مصری

با همه حُسن و ملاحت چو غلام حسن است

خون دل خورد به هنگام حیاتش همه عمر

چه حیات؟ آب دهن تلخ به کام حسن است

چه حیات؟ آب گوارا به گلو همچو شرنگ

جای آب و شکرش زهر به جام حسن است

چه حیات؟ از ستم و طعنه ی احباب دورو

به خدا خون جگر شُرب مدام حسن است

نه همین جور و جفا دید به هنگام حیات

حالیا هم هدف ظلم منام حسن است

چشم امّید شفاعت به حسینی در حشر

از امام حسن و فاطمه مام حسن است

در ماه صفر فاطمه گریان و ملول است

در ماه صفر فاطمه گریان و ملول است

ایام عزای حسن و سوگ رسول است

مهدی کند افغان - با حال پریشان

پیغمبر اکرم زجهان رفته در این ماه

احوال عوالم شده آشفته در این ماه

لولاک احد زیر لحد خفته در این ماه

خورشید سپهر مدنی رو به افول است 

مهدی کند افغان - با حال پریشان

سوزد جگر فاطمه در عالم معنا

از شعله ی داغ پسر و فرقت بابا

فریاد ز هجران و امان از دل زهرا

با اشک ، روان خون دل از چشم بتول است

مهدی کند افغان - با حال پریشان

یا فاطمه خون کرد جدایی جگرت را

دادی تو در این ماه ز دستت پدرت را

کشتند اجانب به مدینه پسرت را

در حیرت از این حادثه اوهام و عقول است

مهدی کند افغان - با حال پریشان

بنشست به بالین حسن زینب مضطر

گفتا به افغان ای پسر ارشد حیدر

راحت شدی از جور زمان جان برادر

خون دل تو  سرخی گلزار اصول است

مهدی کند افغان - با حال پریشان

جان داده در این ماه قرار دل حیدر

مظلوم خراسان پسر موسی جعفر

معصومه زند ناله ز هجران بردار

عالم وله از کینه ی مامون جهول است