اشعار مذهبی ترکی و فارسی

((وبلاگ نشر اشعار ترکی و فارسی مذهبی))

اشعار مذهبی ترکی و فارسی

((وبلاگ نشر اشعار ترکی و فارسی مذهبی))

اشعار مذهبی ترکی و فارسی

بسمه تعالی
با توکل به خدا و توسل بر چهارده معصوم وبلاگی برای انتشار اشعار مذهبی ایجاد کردم که ذاکران و مداحان و عاشقان بتوانند استفاده کنند و برای حقیر نیز فیضی هر چند اندک عاید شود.کپی کردن اشعار و مطالب این وبلاگ مانعی ندارد.سعی میشود متناسب با هر مناسبت اشعار مربوطه دروبلاگ قرار داده شود.
التماس دعا

تبلیغات
Blog.ir بلاگ، رسانه متخصصین و اهل قلم، استفاده آسان از امکانات وبلاگ نویسی حرفه‌ای، در محیطی نوین، امن و پایدار bayanbox.ir صندوق بیان - تجربه‌ای متفاوت در نشر و نگهداری فایل‌ها، ۳ گیگا بایت فضای پیشرفته رایگان Bayan.ir - بیان، پیشرو در فناوری‌های فضای مجازی ایران

۲۷ مطلب با کلمه‌ی کلیدی «کلامی زنجانی» ثبت شده است

گل دادیمه عمه جان - گل دوداقه جان گلوب

منیم یارالی بابام - لبلرینده قان گلوب

وای منه - وای منه - مهربان قوناقه باخ

من باخا بیلمورم - یاره لی دوداقه باخ


الله. مسافرلری - سالماسین یامان گونه

هانسی مسافر دوشر - بو بابام قالان گونه

هی دئدیم گئتمه بو - یول خطرلیدی بابا

کربلا یولاری  - دردسرلیدی  بابا


من بو باشین عمه جان - یوز گوزون گرک یووام

حقدن ئولوم ایسترم - مستجاب اولار دعام

دردیمین سهمینی - هئچ کسیله بولمرم

قویما گئتسین بابام - گئتسه راحت ئولمرم


باد صبا دردیمی - یاریمه یتورمدی

گلدی بابام حیف اولا - اصغری گتورمدی

منتظردی گوزوم - قانه دوندی گوزیاشیم

قورتار الله منی - هاردا قالدی قارداشیم


من بیلوردوم سویگولوم - اختارار تاپار منی

گلدی یوخوما گئجه - گل دئدیم اپار منی

عمه زهرا جانی - یار اپاردی صبریمی

اکبریم گلمدی - قاز منیمده قبریمی

آرش قاسمی

کربلاده سو یولی باغلانور الله بو گئجه

ال پیغمبر عطشدن یانور الله بو گئجه


گینه سالدی سو سوزی دللره عباسین ادین

اورگدور اهل حرم اصغره عباسین ادین

سسلنوللر چاغیرون بیر بیره عباسین ادین

ال پیغمبر عطشدن یانور الله بو گئجه


نهر علقم او طرفده اخوری ئوز باشینا

ال هاشم بو طرفده بویانوب گوز یاشینا

تاپا بیلمور سو رقیه صود امر قارداشینا

ال پیغمبر عطشدن یانور الله بو گئجه


کیم گوروب نامه یازانلار سویی کسسون قوناقا

بارماقین خورداجا قزلار قویوب عطشان دوداقا

ساقی تشنه لبان باشینی سالمیش اشاقا

ال پیغمبر عطشدن یانور الله بو گئجه


گلستان قالسا سوسوز غنچه صولار گل سارالار

چاره یوخ عترت طاها گرک عطشان قالالار

بیر بیرین خیمه سقاده قوجاقلور بالالار

ال پیغمبر عطشدن یانور الله بو گئجه


قلبلر قانه دونوبدی نیه دونمور قانا سو

خیمه ده گوز یاشی اخدیقجا اخور هر یانا سو

عمه سو . باجی سو . سسلور بالالارسو . انا سو

ال پیغمبر عطشدن یانور الله بو گئجه


کبریا اهلی لب عطشان . سو ایچور اهل ریا

ایلمور فاطمه دن کوفه و شام اهلی حیا

هشتم ماه محرمدی قیامتدی و یا

ال پیغمبر عطشدن یانور الله بو گئجه


هاردادی ساقی کوثر ائده بو مشکلی حل

الینوب تحت نظر دایره خیمه و تل

زور و زر بنده لری قویمادیلار دینه محل

ال پیغمبر عطشدن یانور الله بو گئجه

آرش قاسمی

عطشان بالا غرق محنتم من

سقا دیمیون خجالتم من

قلبیم غمی چوخدی 

  مشگیمده سو یوخدی

(۲)خجالتم من


چوخدور بیلورم سوسوز قوناقون

گل تک سارالوب قیزیم دوداقون

دوگمه گوزلیم یره ایاقون

شرمنده ی ال عصمتم من

قلبیم غمی چوخدی  

   مشگیمده سو یوخدی

(۲)خجالتم من


اذن اولسا سو مشگیمی گوتوررم

نهره ئوزومی قیزیم یتوررم

دلبند ربابه سو گتوررم

مرغ حرم محبتم من

قلبیم غمی چوخدی  

  مشگیمده سو یوخدی

(۲)خجالتم من


نفرین اولا ملت عراقه

ویرموله بو چولده سو قوناقه

من یاندیم او صود امر اوشاقه

اماج خدنگ رقتم من

قلبیم غمی چوخدی  

  مشگیمده سو یوخدی

(۲)خجالتم من


ای قارداشیوین عزیز جانی

یوخدور عمووین سووا گمانی

بحران  بویوروبدی کربلانی

مستغرق  بحر حسرتم  من

قلبیم غمی چوخدی  

  مشگیمده سو یوخدی

(۲)خجالتم من


اطرافیمی  تشنه لر  الوبلار

بو قلبیمه سوز غم سالوبلار

نازلی با لالار سوسوز قالوبلار

همدرد و ملال عترتم من

قلبیم غمی چوخدی  

  مشگیمده سو یوخدی

(۲)خجالتم من


سقا دیمیون منه عزیزیم

یوخدور سو ویرم سنه عزیزیم

گلمه بیله شیونه عزیزیم

باخ گور نجه غملی حالتم من

قلبیم غمی چوخدی  

 مشگیمده سو یوخدی

(۲)خجالتم من


شه وئرسه اجازه نهری الام

بوش مشگیمی دولدوروب اوجالام

ئولسمده اگر اوزاقدا قالام

ایچمم سویی . کان غیرتم من

قلبیم غمی چوخدی 

  مشگیمده سو یوخدی

(۲)خجالتم من

آرش قاسمی

سقاسن اگر سو وئر عموجان

یاندی سودامر سو وئر عموجان

قلبیم سنه خوشدی          مشگین نیه بوشدی

سو وئر عموجان(۲)

غم رشته سین اچ ایاقلاریمدان

احوالیمی بیل دوداقلاریمدان

خجلت چکورم قوناقلاریمدان

وار غملی خبر سو وئر عموجان

سو وئر عموجان

شش ماهه دوشوبدی پیچ و تابه

قونداقی باتو بدی اشگ نابه

اخر نه دیوم انام ربابه

قارداشیم ئولر سو وئر عموجان

سو وئر عموجان

مقصوده عمو چاتانمور اصغر

باشدان سو غمین اتانمور اصغر

لای لای دیوروق یاتانمور اصغر

اثنای خطر سو وئر عموجان

سو وئر عموجان

ئوز قارداشیوین با لاسیم من

عطشانلارین همنواسیم من

سقا ادیوین فداسیم من

قیل حاله نظر سو وئر عموجان

سو وئر عموجان

پوزدی عطش ال مصطفانی

افغان بورویوبدی کربلانی

عطشاندی هامی رقیه جانی

ای بهر هنر سو وئر عموجان

سو وئر عموجان

بیهوده گلایه ائتمرم من

گلدیم قاپووا قیتمرم من

شرمنده خیامه گئتمرم من

وار دلده شرر سو وئر عموجان

سو وئر عموجان

گئت بیله مخاطب ائت سپاهی

دلسیز اوشاقین ندور گنا هی

دلدن دوشوب اصغرین یوخ اهی

دل اچسا دئیر سو وئر عموجان

سو وئر عموجان

آرش قاسمی

حسین گلدی کربلایه قوناق

گوزلروندن ایراق یارسول الله

ئولوب عطشان فاطمه بالاسی

دوشدی ائلدن اوزاق یارسول الله


محرمده قان گلرجوشه

دوشر یاده قبر ششگوشه

یارسول الله ( 2 )



حسینون قربان اولوم آدینا

بیزلره بوآدی مادرئورگتدی

ولادتده     جبرئیل      امین 

گاهواره سینی گلدی ترپتدی

ولی    بیلمم    کربلاده     نیه 

سینه سین بوغازین شمره گورستدی

معاذالله    اللهین       قانینی 

توکدی اهل عراق یارسول الله


محرمده قان گلرجوشه

دوشریاده قبرششگوشه

یارسول الله ( 2 )



سلام اولسون قانلی لبلره که

ایستیدن قورودی سوکنارینده

دیللر سو مهر فاطمه دی 

قالدی اجنبی لر اختیارینده

حسینون بیرصودامربالاسین

تشنه اوخلادیلار قان دیارینده

یارالی قوش تک بلکده بالا

چالدی هی ال ایاق یارسول الله


محرمده قان گلرجوشه

دوشریاده قبرششگوشه

یارسول الله ( 2 )


محرمده     قاره   پرچم    اسر

سینه ده قیزیشار شیعه لر قانی

دولان گوزلر      کربلایه    باخار

قطره قطره آخار هی جگر قانی

همین آیدا قاره یل اسیلوب

گویلره سپیلوب صود امر قانی

حسین آغلوردی او حاله ولی

گولدی دلسیز اوشاق یارسول الله


محرمده قان گلرجوشه

دوشریاده قبرششگوشه

یارسول الله ( 2 )


محرمده       سینه لر        آچیلار

غملی سینه زنان دل کباب آغلار

سپهرِ عشقین ستاره سینه 

ماه  قاره   گییر   آفتاب   آغلار

او گوندن مین دورت یوزایلدی گئچوب 

ایندیده  بئله   بیلّم    رباب   آغلار

دییردی اوغلوم گئدنده سووا

ترپنوردی دوداق  یارسول الله


محرمده قان گلرجوشه

دوشریاده قبرششگوشه

یارسول الله ( 2 )


غرض عاشورا گونی قوتاروب 

غارت اولدی حرم  خیمه لر یاندی

قرا   گییدی  دشت  کرب   و  بلا

اولدی شام عزا نوحه باشلاندی

یانان   دللر   بیر    یانان    چادرا 

جمع اولوبدی هامی  سینه سوزاندی

بالا قیزلار قورخا  قورخا  یاتوب 

قالدی زینب اویاق  یارسول الله


محرمده قان گلرجوشه

دوشریاده قبرششگوشه

یارسول الله ( 2 )


نگهبانیدی همان چادرا 

مرتضی قیزی تا گلمیه دشمن

گوروب ناگه بیرسیزیلتی گلور

گلدی سسلدی آی آغلیان کیمسن

او دلخسته یانه یانه دئدی 

چوخدی دردیم اوغولسوزربابم من

قرانلوقدا آختاریردی گولون 

دلده داغ فراق یارسول الله


محرمده قان گلرجوشه

دوشریاده قبرششگوشه

یارسول الله ( 2 )



دیه بیلّم اصغرین آناسی 

صبحه تک او گجه ماتمه باتدی

دیه بیلّم هی دئدی بالا وای

قان ایچینده ابوالفضلی آغلاتدی

سوایچمیشدی صود فراهمیدی 

سسلنوردی بالام قان ایچوب یاتدی

چتیندی املیک قوزی وئره جان

 لیک آنا قالا ساق یارسول الله


محرمده قان گلرجوشه

دوشریاده قبرششگوشه

یارسول الله ( 2 )

آرش قاسمی

یا حسین، بو صحرای پر بلایه خوش گلدون

کعبه‌دن صفا گتدون کربلایه خوش گلدون

یا حسین حسین مظلوم


بو دیار پر غمدي، کوی حزن و ماتمدی

سال شصتم هجرت دوّم محرّمدی

غملی حالدا کانون ابتلایه خوش گلدون


سیّدی بیله پوزقون دشت پرغمه باخما

آغلیان گوزون قربان نهر علقمه باخما

سو آخوب دیر آل مصطفایه خوش گلدون


وار باشوندا یا مولا بیلمورم نه هنگامه

گیتمدون بو موکبله شهر کوفه و شامه

فخر ایدور بو یرسنله نُه سمایه خوش گلدون


آخ گوروم بوصحراده عزّتون مدام اولسون

بو قبیله اهلندن جدیوه سلام اولسون

اللّرون ئوپوب چاتدوخ مدّعایه خوش گلدون


ای سُلاله‌ی طاها نور دیدة زهرا

هر سوزون اولا مولا امر ایله ایداخ اجرا

رحمتون بو صحرایه سالدی سایه خوش گلدون

آرش قاسمی

شعبان آینون تجلیاتی اهل زمنه مبارک اولسون

باخ جلوه لنن بش آفتابه یاز پنج تنه مبارک اولسون


بو جلوه نین اوَّلی حسیندی عباس ایکمجی ماه دیندی

اوچومنجی امام ساجدیندی چارم علی اکبر متیندی

پنجم گل گلشن یقیندی مهدی دی امام متقیندی

پخش اولدی بیر آیدا بش گل عطری به به چمنه مبارک اولسون

آرش قاسمی

بعثت شد وعید اسعد آمد

احیاگر هر نود ،‌ صد آمد

بر سرکله زبرجد آمد

برکل رسل سرآمد آمد

از کوه حرا محمد آمد

آرش قاسمی

نقل ائدورلر کوفه ده مختار ائدن گونلر قیام 

 بی محابا قان توکنلردن آلوردی انتقام

 حرمله دستگیر اولوب شاد اولدی یاران امام 

 گتدیلر دربار مختاره او پست و ارزلی 

پسس دوشوب شهری چراغان ائتدی یاران علی 

آرش قاسمی

بو گئجه قویدی قدم عالمه بیرماه دل آرا

درّ گنجینه تقوا

آرش قاسمی