بیریسی آغلاسا بیر قطره حضرت حَسَنه

بیریسی آغلاسا بیر قطره حضرت حَسَنه

ویره لّه حشریده هر قطره سینه یوز حَسَنه

دوتار بتول عزا بیست و هشتم صفری

فنا جهاندان ایدوب اوغلی آخرت سفری

حسن حسینیدن آرتوق گوروبدی جور و ستم

قصوری وار قلمین یازماقا او ظلم لری

آلوبلا حقّینی اَلدن ایدوبله خانه نشین

دولوب مصیبت و دردیله قلب منکسری

تحمّل ایتماقا ماموریدی دوزِیدی گرک

اودور تحمّلی ایتمیشدی مشرکینی جَری

او قلب عالمیدی چون که صبر دریاسی

چکوب مصیبت و محنت تحمّلی قَدَری

خطیب لر آتاسین سبّ ایدردی منبرده

موثّقین یازوب بو حدیث معتبری

قویوبلار آدینی مومنلری ذلیل ایلین

آچوبلا طعنه دلین اول شهه صحابه لری

بو قدر ظلملره اکتفا ایدِیدیله کاش

قویِیدیلر قالا آسوده اول مَلَک سیَری

ویروبله بیر نچه دفعه او شاهه زهر جفا

ایدوبله قلب شریفین خدنگ غم سپری

سالوبلا روضه ی پیغمبره تاپوبدی شِفا

سونوب عنایت حقّیله دلده کی شرری

ایدوب اوز عورتی آخِر او سروری مسموم

ویروبدی حالینه تغییر زهر کین اثری

سوروندی گَلدی خانم زینبین باشی اوسته

اویاتدی شیونی اول بخت قاره دربدری

اویاندی حضرت علیا مکرّمه زینب

دولاندیراندا گوزین دوشدی قارداشا نظری

نه گوردی پارچالانوب لبلری، آخور قانی

اَلی اورکده- رواندور عذاره اشک تری

دیدی باجون سنه قربان نه وار بیان ایله

یارالی قلبیوین آرتوب ندن غم و کَدَری

جواب ویردی آنام باجی اولموشام مسموم

دایانما ویر آتام اوغلی حسینه بو خبری

حسینه دی اُلورم باشیم اوستونه گَلسون

اولوبدی مدّت رنج و مصیبتیم سپری

بلا خزینه ی زینب حسینه ویردی خبر

حسین و قاسم عبّاس گَلدی مختصری

امام ایستدی بیر تشت حاضر ایلدیلر

نه حاله زهر سالوب گور ولیّ دادگری

دوتوب او طشته یوزون مجتبی آلوب نفسین

توكولدی طشته نچه پاره دوغرانان جگری

مخدّرات توكوب گوز یاشین نجوم كیمی

ایدوب غروب سپهر امامتین قمری

باخاندا طشته آچوب باشینی خانم زینب

دونوبدی غنچه كیمی قانه قلب منزجری

باخوبدی طشته ایكی یرده ایلدی ناله

بلا خزانه سینون بو یگانه بیر گهری

ازل بو یرده گوروب مجتبی جگرلرینی

ایكیمجی بزم یزیده دوشن زمان گذری

گوروب حسین باشینی طشتیده ایدوب شیون

پوزوب او شیونیله حال فرقه ی كفری

دایانا بُلمدی چاك ایلدی گریبانین

چخوب اوزیندن او نخل هدایتین ثمری

گوروب یزید وورور خیزران حسین باشنا

مخاطب ایتدی او بیرحم توده ی بشری

بالالاری باخوری وورما ظالم اَل ساخلا

ووروب حسینیمی آغلاتما بو یتیمه لری

دایان حسینی داخی ایتمه بو غمی تحریر

بو محنت آغلادوری قان، امام منتَظَری

بیاور طشت از وفا به برم

بیاور طشت از وفا به برم 

پاره شد جگرم مهربان خواهر

نظر بنما پاره های تنم 

آید از دهنم بی امان خواهر

بیا بنشین در برم خواهر

که می سوزد پیکرم خواهر

آه و واویلا

خبر کن خواهر حسین مرا 

نور عین مرا کایدم بر سر

نمی باشد مادرم به سرم

کرده خونجگرم از جفا همسر

بیا بنشین در برم خواهر

که می سوزد پیکرم خواهر

آه و واویلا

خدا حافظ می روم ز جهان 

سوی باغ جنان چشم گوهر بار

روم نزد جدّ و مادر خود 

ظلم همسرِ خود می کنم اظهار

بیا بنشین در برم خواهر

که می سوزد پیکرم خواهر

آه و واویلا

گشته صاحب عزا دخت خیرالبشر

گشته صاحب عزا دخت خیرالبشر

در فراق پدر در غم دو پسر

ابتاه ابتاه ابتاه گوید

یا حسن یا حسن یا رضا گوید

یا رسول ا... (2)

رحلت حضرت خاتم الانبیاست

اول غربت سیدالاوصیاست

آسمان گشته خیمه ی ماتم

خواجه ی عالم رفته از عالم

یا رسول ا... (2)

از نهاد علی خیزد این زمزمه

غربت آورده رو بر من و فاطمه

من که فتح بدر و احد کردم

باید اکنون خانه نشین گردم

یا رسول ا... (2)

شیعیان طشت خون را نظاره کنید

گریه بر جگر پاره پاره کنید

به خدا این بر همه معلوم است

که حسن بیش از همه مظلوم است

یا رسول ا... (2)

خیزد از طشت خون ناله ی وا حسن

یا حسن یا حسن یا حسن یا حسن

همه ی عالم بر تو می گرید

چشم قاتل هم بر تو می گرید

یا رسول ا... (2)

ای خراسان بسوز در عزای رضا

گریه کن گریه کن در عزای رضا

که رضا جان داده غریبانه

مثل زهرا در گوشه ی خانه

یا رسول ا... (2)

ای شیعه بوعزاده گلمیش نوایه زهرا

 ای شیعه بوعزاده گلمیش نوایه زهرا

      گه مصطفایه آغلار گه مجتبایه زهرا

پیغمبرین فراقی سالدی قلوبی درده

دوتدی مدینه شهرین غم آخرصفرده

آچدی باشین صحابه داغ عزا جگرده

الدن وئروب آتاسین دوشدی بلایه زهرا

معناده دخت طاها محزون و دلغمیندی

چونکه ایکی عزیزه یاس ساخلاماق چتیندی

غملر اولوب مقارن روز عزای دیندی

آهیله شعله ورمیش ارض وسمایه زهرا

ظاهرده گریوخیدی اوندا حسن آناسی

باطنده قوزانوردی افلاکه آه و واسی

آغلار گلر فغانه باشدا اوغول قراسی

همسایه دور بقیعده اول مه لقایه زهرا

تاگوزلرین جهاندان یومدی رسول معصوم

زهراگئدوب شهیده اولادی اولدی مظلوم

ظلمیله مجتباسی زهر ایچدی اولدی مسموم

تبدیل ائدوب جنانی ماتم سرایه زهرا

ماه صفرده یاران قلبی یانوب بتولین

توأمدی مجتبانین یاسیله چون رسولین

بیرآیری غمده پوزموش حالین او دل ملولین

یعنی الی اورکده آغلار رضایه زهرا

اوچ ماتم اوچ مصیبت دوتموش تمام دهری

قاره گیوب خراسان بیرده مدینه شهری

ایچدی ایکی بالاسی بیداد الیله زهری

اللهه ظلم الندن ایلرگلایه زهرا

ایرانین اهلی ایلرعرض ادب رضایه

هم واردی یثرب ایچره اجلال مصطفایه

امابقیعده یوخدی بیرصحن مجتبایه

تپراقلار آلتدا آغلار اول باوفایه زهرا

وار خبرلرده علی هیکل ایمان و عمل

وار خبرلرده علی هیکل ایمان و عمل

شاه اولوب کوفیه اشاریله چوخ ائدی جدل

چوخ تلاش ایلدی تا چاتمیا اسلامه خلل

تاکی اسلامین او نو پایه گلی ریشه سالا

آخرین دین خدا آخر دنیایه قالا

تا خلافت الینه کشدی او سرو چمنین

آیری سالمازدی گدائیله حسین و حسنین

راس قدرتده زمان گوردی امام زمنین

دامنین آلدی اله شاه جهان سیلکله دی

یعنی گوزلردن علی مال جهانی اله دی

قدرتین عالم امکانه  ایناندیردی علی

خیمه دینی یاتاتن وقته دایاندیردی  علی

پرچم دینی سمایه اوجالاندیردی علی

پرچمی مین ایله بالغدی بیزه سایه سالور

شیعه بو پرچمه باخدیخجا گینه قدرت آلور

چوخلی بدعتللری مولا اوزی باطل الدی

چوخلی عالمللری اوز علمینه  عامل الدی

گلدی ناقص اولونان مکتبی کامل الدی

مکتبه تازه نفس وئردی علینون هر ایشی

دینه اسلامه ستون وئردی علینون رویشی

کوفه شهرینده قیلیشلاندی بوتون اهل فساد

جرئت اولموردی بیرینده الیه کوچه ده داد

بیرگونی کوفه ده شورش  الدی ابن زیاد

بیر نچه  ارزل  و  اوباشیله شهرایچره اولار

دست به دست اولدولا قبلا کی ایشین باشلادیلار

قتل و غارت الیوب خلقی اذیت الدی

دشمن  جانی حیدردن  حمایت الدی

شیعه عورتللرینی گورجک احانت الدی

محظر شیر خدایه یتیشوبدور بو خبر

موبه مو سویلدیللر ابن زیاد ائدی نللر

دئدی کی کیمدی بولار شورش ائدیبلر علنی

عورته توحین ائدوب ؛ ائدی  غضبناک منی

وئردی دستور علی  توتدولار اول انجمنی

قول قولا باغلادی یکسر اولاری شاه ولا

مردم ایچره او بش اون کافره حد وئریلا

صحنه حکم و قضاوتده  حسین حاضریدی

حدی تعیین الینده  آتاسی  ناظریدی

چون زیاداوغلی سیاستده بیر آز ماهریدی

دئدی ای فاطمنون نو گل ریحانی حسین

بیزه بیر ایله کمک سن بول آنان جانی حسین

آندوئرم سنی زهرا آناوین عصمتینه

محظر حقده اولان عذتینه حرمتینه

بیزی تابشور باباوا  فاطمنون منتینه

قویما غم تیری بئله سینه میزی چوخ دئشسین

سنی زهرا  باباوا سویله  کی بیزدن کئشسین

سوز توتوب شیر خدایه خلف شیر خدا

بولاری ایله منه خاطری سن عفو بابا

آند وئرمیشله منی چونکی شهیده آناما

کئش بولاردان منه خاطر اوین آباد اولسون

نام زهرائیله  دشمنللری آزاد اولسون

تا قوتاردی او دنی محکمه کیفردن

چوخ تشکر الدی مشکل آچان  سروردن

دئدیقوی بوسه وئریم ای شه جان اللردن

لایق اولسام جانیمی عشقوه قربان ائدرم

ئولمسم بیرگونی بو لطفووی جبران ائدرم

 

ای قلم وقت گریز اولدی بیرآز ایله شتاب

دقت ایله  سنی زهرا سینمی اتمه کباب

مجلس ابن زیاد  یتیشوب  آل تراب

قلب حضاری بلا قافله سی  داغلادیلار

باش باشا وئردیله بیر نچه زمان آغلادیلار

گوردی قارداشینی آزاده سینه مهماندی

آیری بیرمنظره گوردی اورگی اوتلاندی

خیزرانه گوزی دوشدی نه گورب تی قاندی

دئدی سن رحم الدون  بی کسه چون واردی ثواب

گور زیاد اوغلی نجه یاخشیلیغا وئردی  جواب

مرتضاده سنه خاطر بونی آزاد الدی

بو ولی قانلی باشون قانه دوباره بلدی

خیزران وئردیغیجا سسلدی زهرا ولدی

یاخچیلیخلار عوضی دهریده پیسلیخ اولدی

نیه شاد ایلینین گوزلرینه  قان دولدی

دوره وئردی اسراء زینب نیکو سیره

هاموسی اتوتدی یره باخمادیلار دوره بره

اسرانین وسطینده خانی1م ایلشدی یره

هامونی کامه سالوب ناله دلگیر کیمی

اسرانین وسطینده اوتوروب شیر کیمی

بیر تعجب  الیوب آلدی  زیاد اوغلی خبر

بو خانیم کیمدی  ائدوب حیبتی دنیایه اثر

بئله راحت اوتوروب قورخوسی هش یوخدی مگر

بو خانیم کیمدی کی افکاری بئله پوزقوندی

سارالوب یوز گوزی غمنن اله بیل یورقوندی

اسرادن بیری دوردی  ایاقا  وئردی  جواب

او زنازادیه ائدی بئله   نوعیله خطاب

بو حسینون باجیسی زینبیدی دیده پرآب

وئرما دیل یاره سی ظالم اورگین یاندیرما

اورگی اوتلیدی بونان چوخ الولاندیرما

تانیدی تاکی بوزینبدی  حسینون باجیسی

کعبه عشقیدی قارداشی خانیم دا حاجیسی

بئله شیرین باجیا وئردیله دوران آجیسی

دئدی گورم سینوون باشینی غم تیری بولوب

قارداشون شکر اولا الان بئله خفتله اولوب

 

دئدی الله نجه گور قان یرینه قان آلدی

باباما جدیمه بیر تهفه شایان  آلدی

بو سوزی زینب اشیدی اله بول جان آلدی

اسرانین وسطینن آیاقا دوردی خانیم

دئدی لال اول طلقازاده گلوب جوشه قانیم

مصطفادی منه جدیم ؛ دئگوروم کیمدی بابان ؟

من علینون قیزیام ؛ هش  بولوسن کیمدی  آتان ؟

نیوه ناز ائدوسن ؟ چونکی زناجودی آنان

من ولی فاطمیه صدقیله نور بصرم

یدی قارداشیم اولوبدور اودی خونین جگرم

اشیدنده بئله بیر سوزلری یاندی اودنی

خیزرانی الینه آلدی اوساعت علنی

اندیریب قوزادی یاندیردی خانیم فاطمه نی

خیزران دیدیغیجه جنتی طوفان گوتدی

اوکسوک یاره لی باشی گینه ده قان گوتدی

دئدی شکر ایلیورم الله  سیندیردی سیزی

سیزی مغلوب الیوب گویللره قااخیزدی بیزی

ایستیوردوز کی خراب ایلیه سوز دینی میزی

جدیوی یکسره اجدادیوی  حق خار الدی

ائویزی یخدی بوتون درده گرفتار الدی

 

دئدی زینب کی بیزی تک یارادیبدی یارادان

آچما سوز جد کباریمنن ؛ آتام  یا آنادان

هش بولورسن کی ننون کیمدی ویا کیمدی آتان؟

جدیمون آدینی خفتله توتوب هم گولوسن

شجرون کیملره آیا یتیشیر هش بولوسن؟

هش بولورسن کی چاتیر کیمللره اصل و نسبین

سن دوغولمازدون اینان اولدی زنا  چون سببین

چون حرامیله اولوب دوز چورگین  نان شبین

اودی کی ضد امامتدی  سنون هر عملین

خون معصومه باتوب ایندی او شل اولموش الین

او هیاهوده خانیم باخدی حسین قارداشینا

خیزران گوردی دییر تئز تئزحسینون باشینا

بورودی یوز گوزونی فوری خانیم گوز یاشینا

رشته جانیمی قارداش دئدی غم غصه قیریر

خیزرانیله سنون باشیوه گور کیمی وئریر

تانیرام کیمدی حسین  سن اونا ایمداد ائلدون

دادینه گلدون حسین غملی دیلین شاد ائلدون

بوهمان کسدی آتامنان اونی آزاد ائلدون

وای منیم حالیمه غم غصه یانان قلبی سیخیر

سن بونا رحم الیوبسن عوضین گور نه چیخیر

خیزران دیدیغیجه قانه بلشمیش یاناقا

زینبون قانی قیزیشدی یتیشوب جان دوداقا

اوتوموشدی اسرانین وسطینده گینه دوردی ایاقا

حمله ائدی او زنا زادییه دلبند علی

ئولدوره بیردفه لیخ تاکی او شوم دغلی

تاحجوم ایلدی دشمن طرفه کان حجاب

آلا دشمنن او قانلی باشی تا دیده پر آب

بالالار بوینونا باغلیدی نه چون بند طناب

بئله وقته بالالار گور نجه حاله قالالار

دئدی بیردن بیری عمه دایان ئولدی بالالار

بیر مصیبت یازیرام مهدی گرک خیردالیا

قییدوب باخدی علینون قیزی فوری دالیا

گوزی دوشدی یوزی استونده یخیلموش بالیا

زینب حمله الینده جانی غمنن بورونوب

ایپ چکوب نازلی رقیه یرین اوسته سورونوب

زینبون یاندی دیلی اللری گئدی باشینا

یوزی ایسلاندی بوتون گوزدن آخان گوزیاشینا

بالانین اوپدی یوزون باخدی صورا قارداشینا

دئدی یادیمده دیوردی بالا باغلیدی منه

یوخسا حمله المزدیم بلا یرده سورونه

تشنیم زمزم و کوثریوه یاحسین

تشنیم زمزم و کوثریوه یاحسین

آندورم سنی اصغریوه یاحسین

آدیمی یازگیلان دفتریوه یاحسین

ای سپهرکرم من سنه نوکرم

یاحسبن جان یاحسین جان(۴)

بو محرمده ده سوز و نوا ایستیرم

چاغیروب آدیوی قلبه صفا ایستیرم

اربعینده آقا کرب وبلا ایستیرم

اللها شاکرم نوکرقاصرم

یاحسین جان یا حسین جان(۴)

قاره کوینگ گیوب شال عزاسالموشام

درگهونده اوشاقلیقدان آقا قالموشام

افتخاریمدی هیئتونده قوجالمیشام

ای شه تشنه کام ذکرون علی الدوام

یاحسین جان یاحسین جان (۴)

سنون آدون وروب شیعه لره آبرو

حرم پاکیوی ایلیوروک آرزو

قانیله آلموسان مقتل ایچینده وضو

ای آدون دلنواز ای شهیدنماز

یاحسین جان یاحسین جان (۴)

افتخار ودلیر عربی یاحسین

زاده فاطمه بانصبی یاحسین

جان فدای توکه تشنه لبی یاحسین

شاه آزاده ای خون به دین داده ای

یاحسین جان(۴)

ای شه باکرم سیدبنده نواز

محیی امر اسلام وجهادونماز

بربهشت خدانام توباشدجواز

ای به دردم دوابرهمه مقتدا

یاحسین جان(۴)

ای حسینین عاشقی گل عشقی دلبردن سروش

ای حسینین عاشقی گل عشقی دلبردن سروش

معنویت درسینی آزاده حیدردن سروش

یاور دین اول دلیلین یار و یاوردن سروش

زر گزوب زر قیمتین گت خبره زرگردن سروش 

رمز جنت آختارورسان حی داوردن سروش

یا فرات اوسته کسیلمیش قانلی اللردن سروش

گرچه جنت گورمگه بیر عمریدور آمادیوک

جنت اعلا حسیندور بیز حسین مشتاقیوک

بوشلا سن آل سعودی چوخ بیوتمه مطلبی

دوت حسینین دامنینن بوشلاما بو مکتبی

شیعه اثنی عشر حقدور یاپیش بو مذهبی

ور خبر آل سعوده شیعه نین وار بیر دبی

کشور زهرایه گر؛ چپ باخسا حتی اجنبی

جنگ خیبرده نجه حیدر یخیبدی مرحبی

ایلروک تکرار جنگ حیدریلن مرحبی

سر در یثربده ویروک پرچم یا زینبی

دست بیعت ورمروخ بیز فرقه شیطانیلن

مونس اولماخ چوخ چتیندور خود فروش انسانیلن

فرقی واردور شیعیانین دشمن قرانیلن

شیعه نین چون پرچمی گویلرده دی سلطانیلن

باغلاروخ پیمان اباالفضل باغلیان پیمانیلن

دشمنین وروخ جوابین منطق و برهانیلن

کعبیه حک ایلروخ باخط زیبا و جلی 

مرگ بادا بر وهابی؛مرگ بر ضد علی

آلموشوخ عباسیدن بیز عمده غیرت درسینی

عبد صالح کربلاده وئردی همت درسینی

ایستسه هرکیم آلا بو یولدا عزت درسینی

اول اورگشسین گرک آداب و عفت درسینی

ایلدی عباس او گون اتمام حجت درسینی

شیعه لر ورسون سعوده ایندی غیرت درسینی

آز قالور آل سعودین خانه سین ویران ایدک

کربلا تک کعبیه بیز کارت ملینن گدک

عاشقم حسن ملک منظره یا ثارالله

عاشقم حسن ملک منظره یا ثارالله

آقاسان ایله نظر نوکره یا ثارالله

غم وآلامه مگر منده دوزوم واردی آقا

دئمرم اوزگه لره دلده سوزوم واردی آقا

بیلورم چوخ آقاسان سنده گوزوم واردی آقا

سنون آدوندی دوشوب دیللره یا ثارالله

رشته عشقوی من بوینوما سالدیم گوروسن

ئوز قاپوندا نچه ایل فخریله قالدیم گوروسن

سنون عشقئنله بو درگهده قوجالدیم گوروسن

بویور عباسه یازا دفتره یا ثارالله

چوخی محشرده بهشته گوره دلخوشدی حسین

وئرمرم جنته حسنون اورگیم خوشدی حسین

چوخ گوزوم وار کسیلن الده الیم بوشدی حسین

منیده سسله لب کوثره یا ثارالله

دولانیم باشینه سندن اوتور اشکی آخانون

دیلی یانسین دل عاشقلروه اود یاخانون

گوزی چخسون قره پرچملروه کج باخانون

عشقیمیز وار قره پرچم لره یا ثارالله

آندا اولا اکبروین نیزده قانلی باشینا

زینبون یدی برادرده اوجا قارداشینا

اصغرین باغلی قالان اللرینه گوزیاشینا

سنسن امیدیم آقا محشره یا ثارالله

چکدی گوداله طرف قافله نی شمر دنی

تاپدی زینب او چتین وقتیده عریان بدنی

دئدی کیم سالدی بو احواله آنام اوغلی سنی

بو نه عالمدی بو نه منظره یا ثارالله

باغ طاهایه عجب باد خزان اسدی حسین

ساربان هیچ دئمدی بو یارالار بسدی حسین

یاندیروب فاطمه نی اللروی کسدی حسین

یانورام بو کسیلن اللره یا ثارالله

باجون ئولسون یانورام اشکی یوزه باغلیورام

باخورام یارووه گوینور اورگیم آغلیورام

آغلیورام ناقه لر آغلور سینمی داغلیورام

یانورام عود کیمین مجمره یا ثارالله

واردی حقیم ائلسم حشره کیمی شیون و شین

من گورنده کوره گون اوسته یخلمشدون حسین

نجه دوشدون یوزون اوسته یره ای نور دو عین

ائتمرم شکوه حق داوره یا ثارالله

زینبه لطفوی الساعه تمام ایله حسین

دئمورم دور ایاقا قصد قیام ایله حسین

آناما جدیمه مندنده سلام ایله حسین

دی که زینبده دوشوب چوللره یا ثارالله

فاطمه عطری گلور جانه قزل قانوندن

سن دانش دیده گلن غصه لی مهمانوندن

دانشوم منده سنه شام غریبانوندن

گور نلر چکدی باجون یکسره یا ثارالله

بلبل به چمن نغمه سرا/آمدمه ایوان ولا

 بلبل به چمن نغمه سرا/آمدمه ایوان ولا

              عالم شده گلشن

آمدپسرشیرخدا/سرلشکراردوی وفا

           چشم همه روشن

آمدشرف اهل یقین/آرام دل ام بنین

                سردارشجاعت

نیروی دوبازوی حسین/سرلشکراردوی حسین

                حامی ولایت

ملک وفارا*سلطان ابالفضل

                    جان جان ابالفضل

بگرفته بغل غرق شعف/میبویدومیبوسدعلی

           آن قرص قمر را

بربازوی اوبوسه زند/ریزدبه رخ همچومهش

            او اشک بصررا

گویدکه توعباس منی/گرمی ده احساس منی

            ای صبروقرارم

ای گرمی بازارعلی/ای ماه شب تارعلی

            ای عز و وقارم

ملک وفارا*سلطان اباالفضل

                     جان جان ابالفضل

احسان ایلدی حی ازل/مولایه ویروب لطفیله بیر

                 سروچمن آرا

رعناقدی زیباگوزی وار/قاشلاری کمان سروروان

            بازوسی توانا

باخجاق اوگوزل قامتینه/داغلاردان آغیرصولتینه

                مولادیدی جان جان

خوش گلموسن ای آهوباخیش/دیللن منیله بیرجه دانیش

              ای روحیمه ریحان

سنسن غمیمه*پایان ابالفضل

                      جان جان ابالفضل

ای زندگیمون دادی دوزی/ای شام فراقون گونوزی

         لایلای گوزلیم یات

شکرایلیورم اللهیما/گل ویردی سنی گلشنیمه

            شیرین غزلیم یات

چوخ آغلاماای نازلی بالا/آچ گوزلرووی باخ گوزلیم

              قارداشون حسینه

آچ قوللارووی بوینوناسال/نازایلمه ای سروروان

             قارداشون حسینه

  سنسن غمیمه*پایان ابالفضل

                      جان جان ابالفضل

کیمدی گوزللر گوزلی - پسر فاطمه

کیمدی گوزللر گوزلی  -  پسر فاطمه 

دلبر   زهرا   و  علی  -  پسر فاطمه 

دوشنده  درده   د یئرم  یاحسین

جان سنه قربان ائدرم  یاحسین

مرتضوی    قدّی   گوزل  -  پسر فاطمه

طلعتینون   خدّی   گوزل  -  پسر فاطمه

عرشه گئدن جدّی  گوزل  -  پسر فاطمه

قاشلارینون مدّی   گوزل  -  پسر فاطمه

سؤزلرینون هنگی گوزل  -  پسر فاطمه

پرچمینون   رنگی گوزل  -  پسر فاطمه

مکتب  و فرهنگی گوزل  -  پسر فاطمه

جنگیده  سرهنگی گوزل  -  پسر فاطمه 

عرشیده   قونداقی  گوزل  -  پسر فاطمه

فرشیده     میثاقی  گوزل  -  پسر فاطمه

مرقدینون   طاقی   گوزل  -  پسر فاطمه

منظرِ     توپراقی     گوزل  -  پسر فاطمه

طُرّۀ   گیسوسی    گوزل  -  پسر فاطمه

جلوۀ    ابروسی    گوزل  -  پسر فاطمه

پهنۀ    بازوسی    گوزل  -  پسر فاطمه

نغمۀ    یاهوسی    گوزل  -  پسر فاطمه

باشه قویان  تاجی گوزل  -  پسر فاطمه

قامت  چون  کاجی گوزل  -  پسر فاطمه

جلوۀ      منهاجی  گوزل  -  پسر فاطمه

نیزه ده   معراجی  گوزل  -  پسر فاطمه

گلشنینون  یاسی   گوزل  -  پسر فاطمه

سینۀ     دریاسی   گوزل  -  پسر فاطمه

کعبۀ     احساسی   گوزل  -  پسر فاطمه

اکبر   و  عباسی   گوزل  -  پسر فاطمه

دولت        آبادی   گوزل  -  پسر فاطمه

قبریده      امدادی   گوزل  -  پسر فاطمه

هم آدی هم  یادی   گوزل  -  پسر فاطمه

خلقتاً   هر  زادی   گوزل  -  پسر فاطمه