آنا اوز اختیاریله حسینون سندن آیریلماز

آنا اوز اختیاریله حسینون سندن آیریلماز

اگر ممکن اولا بلبل یقین گلشندن آیریلماز

منیله یارآراسیندا آنا بر عهد و پیمان وار

ازل گوندن او عهد یله وارام جانیمده تا جان وار

باشیمدا نشاء ذوق هوای و صل جانان وار

جدا اوسته چکر شامه بو نشه مندن آیلماز

پیش چشمیمده یئنه غملی قضایا گؤرونور

پیش چشمیمده یئنه غملی قضایا گؤرونور

قطره ی فکریم آرا غم زده دریا گؤرونور

جسم و روحیم داریخیب غملی سراپا گؤرونور

چشم ذهنیمده مصیبت زده صحرا گؤرونور

لطف حقّ اولسا اگر ؛ خامه توانا گؤرونور

ای اشک‌ها ببارید از چشم‌ها چو باران

ای اشک‌ها ببارید از چشم‌ها چو باران

کز باغ وحی، با هم رفتند گلعذاران

خون از دو دیده جاری‌ست هنگام سوگواری‌ست

چشم مدینه گرید چون چشم سوگواران

دیشب عزیز زهرا بگذاشت سر به صحرا

خورشید وحی گردید پنهان به کوهساران

آناجان ترک ایدورم مدفنووی ایللریلن

آناجان ترک ایدورم مدفنووی ایللریلن

گیدورم دشت غمه زینب غم پروریلن

باغلامیشدیم حقیلن زریده پیمان  آناجان

گوزلور الآن یولومی زهریلی  پیکان آناجان

گیدورم تا کی اولام دینیمه   قربان آناجان

یتیشم   وصل  نگاره   یارالی  پیکریلن

جدا گیدوری منزل جانانه حسینون

جدا گیدوری منزل جانانه حسینون

قربان اولا بو روضه رضوانه حسینون

چون فصل شهادت یتوب ای منبع رحمت

گلدیم وره سن تا من بیکسه رخصت

مأذون ایده سن گر چکرم جانیمه منت

سندن صورا از بسکه گلوب جانه حسینون

قتلگاهونده امان قارداش نه چوخ داش وار حسین

قتلگاهونده امان قارداش نه چوخ داش وار حسین

مقتلونده کسمگه بیر باشی مین باش وار حسین

تلّین اوستن قتلگاهه باشدا اللر گلمیشم

تاپمیوب قیزلاروه بیر قاره معجر گلمیشم

گه دوشوب گه دورمیشام یولدا محقر گلمیشم

جسموی داشلارین آتدان گلمیشم اخراج ائدم

قلبیمی درد و مصیبت تیرینه آماج ائدم

نه بو پوزقون حالیمون وار بیر کسه تاثیری یارب

نه بو پوزقون حالیمون وار بیر کسه تاثیری یارب

نه ایاقیمدن آچان وار کنده و  زنجیری یارب

من غریب ئولسم کیم آغلار

باشیم اوسته سینه داغلار

نه چراغیم وار نه فرشیم گوشه زندان مکانیم

شمع آهیمدور چراغیم بر عبایه وار گمانیم

یر رطوبتدور ز بسکه تنگه گلدی خسته جانیم

حالیمی ایلر حکایت رنگیمون تغییری یارب

محبسیم چوخ تنگ و تاریک آشنا یوخ همدمیم یوخ

بیر قوجا ناخوش غریبم دور برده محرمیم یوخ

اوغلومی گورماقدان ئوزگه آخر عمریمده غمیم یوخ

نوجوان اوغلوم وصالی شاد ائدر بو پیری یارب

چوخ دیردیم کاش اولیدیم منزلیم بیر کنج خلوت

مقصده محبس یتوردی وحدتیم چوخ تاپدی کثرت

اینجیدیم اما زبسکه ائتدی سِندی چوخ اذیت

عمردن سیر ائتدی دشمن ظلمی بو دلگیری یارب

ایللر اولدی دوشموشم من بو یره ای حی داور

نه گونوز گون نه گجه آی بو یری ایلور منور

بو قرانلیق یرده اولماق گر منه اولموش مقدر

تئز یتور باشه مقدر ائتدیقون تقدیری یارب

کاش هارونه دییدی بیر نفر ای بی مروت

نیلیوب موسی ابن جعفر مرکز ثقل شریعت

گاه زنداندا دوگولَّر گاه ایلوللر اهانت

بو اسیر و دستگیرین واردی نه تقصیری یارب

سالدی بو تاریک محبس جسمیمی ایله فشاره

خامۀ نقاش چکسه جسمیمون شکلین جداره

بیر نفر تصویریمیله جسمیمه ائتسه نظاره

چوخ چتین تشخیص ویرسون جسمیله تصویری یارب

قورتاران ای رحملردن دست قدرتله جنینی

سنگ و آهندن چخاردان آتش و ماءمعینی

گوشۀ زندان گتوردی تنگه بو زار و حزینی

سند روبه طبع الیندن قیل رها بو شیری یارب

سالدی حال احتضاره حالیمی زندان فشاری

احتضاریمدن علاوه وار بو اوزگه انکساری

یادیمه جدیم حسینون دوشدی حال احتضاری

ایستی گون قانلو قوم اوسته حالت تعفیری یارب

لشگر کوفه گوروردی دادخواهی یوخ وروردی

بیر رصد خنجر وروردی بیر گروهان اوخ وروردی

قصد غربت ایلین لر داش یاراسی چوخ وروردی

نه گوروب مسلم نه کافر ایله بیر تحجیری یارب🔹 

صورتی توپراقلار اوسته جان جراحاتیله مرغول

نازنین قلبی ولیکن بارگاه قدسه مشغول

عرض ائدردی بارالها راضیم ائتسونله مقتول

باشه یتسون هجر و وصلین اولماسون تاخیری یارب

پیک جاناندور خوشام من جسمیمی دولدورسا پیکان

هر یارا بیر دسته گولدور یاردن احضاره عنوان

هر قلج هر اوخ دگنده دلده آرتور عشق جانان

سئچمرم بیر دسته گولدن بو اوخی شمشیری یارب

من ئوزوم یالقوز کمکسیز دشمنیم بی حد جماعت

بیر طرف سوز حرارت بیرطرف سانسیز جراحت

ایستورم اما وصالون ائتمرم اصلا شکایت

مدت هجرون آزالدور یاره نین تکثیری یارب

کاف ها یا عین صاده وحی منزلده خظابم 

سرّ قرآن مبینم معنی ام الکتابم

آیۀ فصل الخطابم مرجع حسن المآبم

سورۀ اسری ده گلدی قانیمون تفسیری یارب

زهریلی پیکان ووراندا قلبیمه قوم ستمگر

شوقیمی آرتوردی بیلدوم یتدی فصل وصل  دلبر

گوردوم اما اوخ مکانون تنگ ایدوب اولدوم مکدر

بو سببدن پشت سردن چکدیم آتدیم تیری یا رب

ایستور اهل کفر وورسون رخنه تشکیلات دینه

ائتمیشم تصمیم قطعی منده تبلیغات دینه

باش و جان لازمدی قربان ایلیم آیات دینه

نیزه باشینده دیریلدم کلمۀ تکبیری یارب

دینین استحکامی اوسته گوسترم بیر استقامت

ایلیم نوک جداده آیۀ کهفی تلاوت

اولموشام دین اوسته مقتول آنلیا بی دین جماعت

پرچم دینی اوجاتسون باشیمون تقریری یارب

ماتمه تبدیل قیلام سربسر اعیاد کفری

صوت قرآنیمله ویران ایلرم بنیاد کفری

ایله ویران ایلرم من کاخ استبداد کفری

دور ایدر تا چرخ گردون اولماسون تعمیری یارب

چوخ چکور اوغلون " حسینی " ای شه دین اشتیاقون

یرلره گوگلر توکولمز بیرده من اولسام قوناقون

نیلورم جناتی گورسم عرشدن افضل رواقون

ای دلون قربانی مقبول ایله بو تحریری یارب

اذن خداوندیله هر بیر زمان

اذن خداوندیله هر بیر زمان

غم یمیون غم یمیون شیعیان

درده دوا شاه شهیدان ایدر

مشگولی بیرآنیده آسان ایدر

آدنا قربان اولا بو جانمز

اوندادی چون نسخه ودرمانمر

حسین کیمدی سوروشسون گر چیچیکدن

حسین کیمدی سوروشسون گر چیچیکدن 

دییر بیر  لاله دور  ملک فدکدن

چیچک احسن دئمه خلعت بیچیلدیب 

چیچک خلعتدی مولانی کیچیلدیب

حسینی گر سوروشسون بوالبشردن 

رئیس مجمع کل بشردن

گدوب کرب و بلادن تز آلوب دم 

دییر جسمیمده کی روحیمدی آدم 

دئسون علت ندور گر بو خبردن

سوروشسون بو سوالی بوالبشردن

یا حسین باشیمدا گنه کربلا- هواسی وار

یا حسین باشیمدا گنه کربلا- هواسی وار 

شیعه ناز ایدر سن کیمی بیر گوزل- آقاسی وار 

عرشیده فرشته رَدّ مقدمون ئوپر 

فرشیده بشر بوقانلی پرچمون ئوپر 

یابن الزهرا- حسین حسین- یابن الزهرا(2)