گوز آچ یاتما قوم اوستونده امیر لشگریم قارداش
سپهداریم علمداریم بو چولده یاوریم قارداش
سن آتدان دوشدون اهل کین منی یالقوزلادی قارداش
سنون بو حالیوه باخجاق گوزومده دورموری قانیاش
ئولیدیم گورمییدیم من سنون بو حالیوی ای کاش
نه عون و جعفریم واردور قالور نه اکبریم قارداش
سنی بو لشگر اعدا وروب آتدان یره سالدی
آزالدی قوتیم دیزده ئورکدن تابیمی آلدی
بلیم سندی جفائیله بلیمده اللریم قالدی
توکر قانیاش فراقونده همیشه گوزلریم قالدی
بو قدری تیر و خنجر یارهس اعدا ندن ویردی
دایاندون مرکب اوستونده گلن ویردی گیدن ویردی
گروبلر صاف یرون یوخدور گینه هر بیر یتن ویردی
بیلوبلر سنسیز عالمده یوخومدور یاوریم قارداش
سنی آتدان یخان قارداش یقیناً بیر عمود اولدی
وروب هانسی شل اولموش ال گوزون آلقانیله دولدی
اسوبدور صرصر باد ستم تا گلشنیم دولدی
آدون دوشمز دلیمدن چون اولوبدور ازبریم قارداش
گوزوندن کیم وروبدور بو جفا تیرین جفائیله
سنی آغوشه آلموش هامی پیکان وفائیله
دولوبدور پیکرون باشدان باشا قارداش یارائیله
باتوبدور قانیوه باخسان منیمده پیکریم قارداش
تیکوبدور گوز یولا گوزلور خیمده خورداجا قیزلار
سنه چوخ یالواریب ایتدی گلنده التجا قیزلار
دورایمدی الده سوجامی دوروب دی جابجا قیزلار
گتور سو مشگیوی الده گیداخ سرلشگریم قارداش
آنان یوخدور بوصحراده سنه بیر آغلاسون قارداش
دیه ایوای جوان اوغلوم یوزه جاری ایده قانیاش
سنون بو حالیوی قارداش آنان هیچ بیلمه سون ای کاش
هلاک ایلر اوزون بولسه وفالی مادریم قارداش
خیامه حمل ایدوم نعشون دگل ممکن ندور چاره
زبسکه اشقیای دون یارا اوستن وروب یاره
ایدوبلر قطعه به قطعه وجودون پاره به پاره
اولوبدور قانیله الون سراسر اللریم قارداش
تیکوبدور باب امیده گوزون صاعد صله ایستر
نجاتین دائما سندن دوشوبدور مشگله ایستر
غرق بحر عصیاندور چخا چوخ ساحله ایستر
اونی سن ناامید ایتمه وفالی یاوریم قارداش
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.