کربلا یعنی شفاخانۀ احباب حسین
اوردا باشسیز یاتیشوبلار هامی اصحاب حسین
بزنوب قانیله سجاده و محراب حسین
کربلا کنگرۀ نهضت عاشورادی
برترین مرثیه خوانی اورانون زهرادی
کربلا کعبۀ آمالیدی آل اللهون
اوجادی شأن و جلالی او زیارتگاهون
کربلایه نظر ویژه سی وار اللهون
گرد و خاکین اورانون کیم باشینا تاج ائلیور
ائله بیل گویلره طاها کیمی معراج ائلیور
گنبد کرب و بلا گنبد عرشون تاجیدی
کربلا اولماسا عرشون بالی حتی آجیدی
کربلا جرعه سینون اهل سمأ محتاجیدی
تشنه دی عرش ئوزی قانلی حرمون پاداشینا
گونده مین یول دولانار کرب و بلانون باشینا
یادگاری بو سوزی لوح دل و جانه یازون
کربلا یوسفینون؛ تاج سلیمانه یازون
یا دئیون یوسفه یا سر در کنعانه یازون
قبرینون تپراقی اجلال سلیمانه دگر
باشینون بیر توکی مین یوسف کنعانه دگر
کربلا اولماسا حتی باش اوجاتماز کعبه
کربلایه ئوزینی فضلیده قاتماز کعبه
در حقیقت اورانون گردینه چاتماز کعبه
کربلانون هله قالسونکی نبی بنذری وار
کعبه نون هاردا ابوالفضل کیمی سرلشکری وار
کعبه نون هاردا مگر قانه باتان پرچمی وار
اصغره آغلیا دوزدی اورانون زمزمی وار
اورانون زمزمی اولسا بورانون علقمی وار
کعبه نون هاردا مگر ساقی عطشان لبی وار
اورانون هاجری اولسا بورانون زینبی وار
او بهشتی که هامی گورماقینون مشتاقیدی
کربلانون دییه بیلم بالاجا بیر باغیدی
اورانون پرچمی اصغر آقامون قونداقیدی
پرچم اسدیگجه بهشت اهلی حسین وای دییه جک
الده سو جامی هامی اصغره لای لای دییه جک
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.