ووردیلاعاشقین قولی اولدی قلم دایانمادی
یخدی داغیتدی صفلری وردی به هم دایانمادی
سالدیلاصول قولین گنه اولمادی کم دایانمادی
سیرفرازعشق ائدوب میرحرم دایانمادی
گلدی صدا سپهردن آفرین ای ذوی الوقار
قول ندی مین قنادآچوب عرش خدایه سالدی پر
قالخوب آت اوسته بیرانوب ائتدی ئوزینده بیرسفر
جرأتی گورسنوب فزون همتی اولدی کارگر
خرجه وئروب رسالتین شادو جبین گشاده تر
هیچ دیه سن که سالمیوب قولارینی لعین لر
یاائله بیل که اوخ دگول دشمنی ایلیوب نثار
یل لراسوب قولاقلارا دگدی صدای طرقوا
تیرلرین کمان لر،درسینی وئردی موبه مو
اوخلارآچوب هواده دیل ایستدی عذر،اولوب فرو
بیراوخ اصابت ایلدی مشگه دلوب توکولدی سو
ران مبارکینده نم حس ائلدی اونیک خو
پیکرینه سویوخ هواکئچدی قوتاردی کارزار
آتدی زمان نقابینی سیندی بوتون حدودلر
واقعه لروقوعینه تاپدی اودم ورودلر
گلدی ظهوره قوه دن ایلدی قان عنودلر
سایه لنوب طلوع لرپرده لنوب شهودلر
گورمیه لرکه تاانورآی یوزینه عمودلر
اندی انن یاریلدی آی،آینه اولدی سنگسار
قول لارینون کسیلمگی ائتمدی کم صلابتین
سینه سینون بولونمگی آلمادی استقامتین
تارکنه عمودانوب بیلمدی هیچ جراحتین
آلنی دلیندی تیرلن وئرمدی استطاعتین
رخنه سی مشگینون پوزوب حالینی آلدی طاقتین
سیرفرازعشقدن دوشدی دایاندی بیقرار
سسلدی هارداسان حسین مشگیم اوتاندیرورمنی
تیره غبارشرملن،قاره بویاندیرورمنی
غم لرآلورقوجاقینه گورنه دولاندیرورمنی
اودسوویلان کئچرولی سوئوزی یاندیرورمنی
ایندی اجلده نازائدورگورنه بویاندیرورمنی
هیچ دئمیورکه قلبدن قانیم آخورفرات وار
گرچه بوگون یارالیام خنجرونیزه دن حسین
بودل زاره یول وئروم غملری من،ندن حسین
ملک عدمدن ایلرم عشقویلن عدن حسین
غم ندی گرچه دوغرانامین یره بوبدن حسین
غم بودی که خجالتم نازلورقیه دن حسین
تشنه لرین تصوری،آلمیش الیمدن اختیار
شیشه ی عمری نیلورم،سیندیراقوی اجل داشی
چوخدان آلوبدی جانیمی اکبروون قلم قاشی
بیرده بدن کی قوللاری یوخدی اونیلیورباشی
آیری سببله واریری قانه دولانساگوزیاشی
یعنی که نازلوقیزلارون قمچی لراولدی یولداشی
اسب خزانی زیب ائدوب گل لری ائتدیلرسوار
من نجه ساخلیوم بودم زنده توان وطاقتی
فاش گوروربوگوزلریم،نقش هجوم وغارتی
من گورورم رقیه نون اولدی به هم جلالتی
دخت یزیده وئردیلر مصطبه ی امارتی
سانما حقیر،،شاهیا،،مسئله ی ریاستی
دانشی جهل ائدن بودور،ایله بونقشدن فرار
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.