ای چیچک لراوستنده سیرائدن
عطروعودوعنبرکجاوه سی
ای چیچک لراوستنده سیرائدن
عطروعودوعنبرکجاوه سی
پیشوازه گل نیزه ده گلور
رأس شاه محشرکجاوه سی
قان گورورجمالینده لاله لر
پیرهن لرین چاک چاک ائدور
نیزه ده گورور نینوا شهین
نی نوالرین سوزناک ائدور
زینبی هلاک اولماسون نجه
عالمی بوماتم هلاک ائدور
خیزرانیلن سینماغا گلور
لبلرینده گوهر کجاوه سی
یوخ سوزوم که عطشان دوداقلارین
ایستی گون اؤپور سوزویازیلن
یاشفق یاناقینده توز گوروب
شرمیدن قیزارمیش گدازیلن
سوزجداده دور که گزوراوجی
تازه ذبح اولونموش بوغازیلن
اوخلانور بوغمدن اؤرکلرون
نازک ومطهر کجاوه سی
گرچه نیزه چوخ نوک تیزدور
پاره حلقیلن دوتمور الفتی
لااقل اوجا بیرمکانیده
گزدیرور اوخونین طراوتی
قورخورام تنورایچره کول پوزا
قانلو چهره سیندن ملاحتی
صرصر خزانیله یول لاشا
باغلارون معطر کجاوه سی
اول جفائیلن ذبح اولان باشین
دردینه نه تک زینب آغلیور
زلفینون دالینجان دوشوب گونوز
عین روشناده شب آغلیور
آی یوزین گورندن بوغولمیش آی
دوره سینده مین کوکب آغلیور
ظلمته بوکولمیش انور یره
دسته دسته خاور کجاوه سی
بدرلرجمالینده تاگورور
یول لارین غبارین هلال اولور
قاشلاری فضاده یازور یوموز
گوز وگرنه قانوز حلال اولور
پیشواز ائدور داش آتانلاری
زینبینده باخ گورنه حال اولور
محمله باشین وورماسین نجه
قانلودور برادر کجاوه سی
لبلرین عطشدن یانوب گورور
دم دوتوب مسیحالرآغلیور
قان دولان زنخداندا غرق ائدوب
یوسفی زلیخالر آغلیور
اینجیدور بوغازین جدا اوجی
پست الینده بالالر آغلیور
حلقینه وروب حلقه لربسی
شمس وماه واختر کجاوه سی
گرچه زهریلی خنجراوپدوگی
حنجریندن الاندا قان گلور
دامدوقیجا لکن اوقان یره
یرحضورینه آسمان گلور
قیمت اول قزیل قانه قویماقا
قدسیان وقدوسیان گلور
شوقیلن دوزولموش زیارته
منتظر ملک لر کجاوه سی
گوزلرینده مستانه شیوه لر
دسته دسته نرگس لراؤرگنور
قاشلارینداقوس ظرافتین
صنعتین مهندس لراؤرگنور
زینبیندن آیریلماقین گورور
درس هجری مونس لراؤرگنور
بینش عالمین رنگسیز گزور
گل لرین معطر کجاوه سی
کیپریگینده بیلمم نه سروار
ترپننده نوک نی آغلیور
غم اوخیلا گوزگوز اولوراؤرک
هی ائدورتماشاهی آغلیور
بیرمژیله امضا ائدور اوباش
مین قباله جنت ری آغلیور
هانسی عرشه سلطانیدورکه وار
شمسیدن منور کجاوه سی
اول باشین رکابینده چهره سین
گردوخاکه پروین بلر گئدر
هم دوشوب جدانون دالیجاگون
گوزلریندن آتش الر گئدر
عرش وفرشیدن عیش و طیشیلن
مدح لر گلر خطبه لرگئدر
نیزه لرده باشلار قان آغلیوب
یاغدیرار یوزه زرکجاوه سی
یئل دئیور سوروشدوم بومطلبی
کاروان آشفته جاهیده
مرکبوزده اول روشن آی ندن
هی قالور دالا طول راهیده
بیصدا صدا گلدی که او آی
تازه طوی ائدوب قتلگاهیده
گورسنه حسینه حیا ائدور
قان بزکلی اکبر کجاوه سی
اگر قبلا در بیان ثبت نام کرده اید لطفا ابتدا وارد شوید، در غیر این صورت می توانید ثبت نام کنید.